BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا ٴىرى مەديسينالىق نىساندار سالىنادى

الماتىدا تاياۋ اراداعى ٴۇش جىل ىشىندە ٴبىرقاتار ٴىرى مەديسينالىق نىساندار سالۋ جوسپارلانۋدا، ولاردىڭ اراسىندا جاڭا ونكولوگيالىق ورتالىق، قازاق-جاپون دياگنوستيكالىق ورتالىعى، پرەزەنتحانا جانە حالىقارالىق «mount sinai» گوسپيتالى بار. بۇل تۋرالى الماتى قالاسىنىڭ اكىمى باۋىرجان بايبەك جاڭا «كەرۋەن-medicus» مەديسينا ورتالىعىندا بولعاندا ايتتى، دەپ حابارلايدى baq.kz اقپارات اگەنتتىگى.

قالا باسشىسى كلينيكا ۇجىمىمەن كەزدەسۋ بارىسىندا ورتا ازيا قالالارى اراسىندا الماتىنىڭ «سالاماتتى قالالار» بۇكىلالەمدىك ۇيىمى جۇيەسىنە العاشقىلاردىڭ ٴبىرى بولىپ ەنگەنىن جانە مەديسينالىق ٴتۋريزمدى دامىتۋدا ۇلكەن الەۋەتكە يە ەكەنىن اتاپ ٴوتتى. تەك 2017 جىلدىڭ وزىندە عانا 2 مىڭنان استام شەتەلدىك ازاماتتار مەن ەلىمىزدىڭ وزگە وڭىرلەرىنەن كەلگەن 270 مىڭ ادامعا مەديسينالىق قىزمەت كورسەتىلگەن. ال بۇل ٴوز كەزەگىندە قالا بيۋدجەتىنە 240 ملن تەڭگەدەن استام كىرىس اكەلگەن.

ول ٴوزىنىڭ سوزىندە مەديسينالىق قىزمەت ساپاسىن ارتتىرىپ قانا قويماي، دەنساۋلىق ساقتاۋ سالاسىنا جاڭا تەحنولوگيالاردى ەنگىزىپ، ودان ٴارى دامىتۋدىڭ بارىنشا ماڭىزدى ەكەنىن دە ايتتى سىرقاتتىڭ الدىن الۋعا جەتە نازار اۋدارىلۋى ٴتيىس. دەمەك، دياگنوستيكانى ەرتە قويۋ مەن سالاۋاتتى ٴومىر سالتىن دامىتۋ قاجەت.

«شىن مانىسىندە دەنساۋلىق ساقتاۋ قالانىڭ ەكوجۇيەسىنەن باستاۋ الادى، سوندىقتان ٴبىز ەكولوگيا ماسەلەلەرى مەن «قالا ادامدار ٴۇشىن» كونسەپسياسىنا ەرەكشە نازار اۋدارامىز، جاياۋ جۇرگىنشى ايماقتارىن، ساياباقتار مەن سكۆەرلەردى جاساۋعا، ەكولوگيالىق قوعامدىق كولىكتى ەنگىزۋگە، الماتى اۋلالارىن جاڭارتۋعا، بالالار جانە سپورت الاڭدارىن سالۋعا جەتە ٴمان بەرەمىز. قازىرگى كەزدە تەس-1 مودەرنيزاسيالانۋدا جانە تەس-2 گازعا كوشىرۋ ٴۇشىن بولجام بويىنشا تەو جاسالۋدا. جىل اياعىنا دەيىن جەكە سەكتور تولىق گازداندىرىلۋى ٴتيىس»، - دەدى باۋىرجان بايبەك.

ايتا كەتەرلىگى، سوڭعى 2 جىل ىشىندە مەديسينا مەكەمەلەرىن جاراقتاندىرۋ دەڭگەيى 75%-عا جەتتى، وسىنىڭ ارقاسىندا قىزمەت كورسەتۋ ساپاسى ارتىپ، ناقتىلى دياگنوز قويىلىپ، سىرقات ٴتۇرى ەرتە انىقتالاتىن بولدى. قالالىق دەنساۋلىق ساقتاۋ جۇيەسىن سيفرلاندىرۋ بارىسىندا ٴار پاسيەنتتىڭ ەلەكتروندى دەنساۋلىق پاسپورتىن ەنگىزۋ، كەم دەگەندە 35 جىلجىمالى ٴمودۋلدى كەشەن ارقاسىندا ورتالىقتاندىرۋدى ىسكە اسىرۋ جانە smart تەحنولوگيانى پايدالانىپ مەديسينالىق كومەك ساپاسىن ارتتىرۋ جوسپارلانعان.

زاماناۋي تەحنولوگيالاردى ٴتيىمدى قولدانۋ ارقاسىندا جاڭا «كەرۋەن-medicus» كلينيكاسىندا 3d-فورماتىندا كۇردەلى وپەراسيالار جاساۋعا مۇمكىندىك تۋدى. بۇدان وزگە، كورەيلىك «severance hospital» جانە نەمىستىڭ «freiburg university klinik» كلينيكالارىمەن ىنتىماقتاستىق جانە كادرلار دايارلاۋ جونىندە ٴوزارا كەلىسىمگە قول قويىلعان.

«مەن قازاقستانداعى مەديسينانىڭ دامۋى - ەۆروپا مەن امەريكادان كەم تۇسپەيتىن ەرەكشە مودەل ەكەنىن ايتقىم كەلەدى. بۇگىن كلينيكانى ارالاپ شىقتىم، ارنايى ەلەكتروندى كارتا جاساۋ ٴۇشىن تىركەلۋدەن باستاپ بارلىق شارالاردىڭ وتە ٴتيىمدى ٴارى بۇگىنگە زامانعا لايىق ەكەنىن كوردىم. دياگنوستيكا مەن تەراپيا ٴۇشىن ۇلكەن مۇمكىندىكتەر بار. سونىقتان بۇل كلينيكانىڭ قازاقستاننىڭ باسقا اۋرۋحانالارى ٴۇشىن ۇلگى بولاتىندىعىنا مەن سەنىمدىمىن»، - دەپ اتاپ ٴوتتى پروفەسسور، فرايبۋرگ قالاسىنداعى ۋنيۆەرسيتەت كلينيكاسىنىڭ دەكانى حيۋبەرت بليۋم.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي