BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا جولداۋدى ناسيحاتتاۋ ٴۇشىن 355 توپ قۇرىلدى

الماتى وبلىسىندا جولداۋدى ناسيحاتتاۋ ماقساتىندا 355 اقپاراتتىق توپ قۇرىلدى. وعان 2683 ادام مۇشە. بۇل جونىندە بۇگىن ارنايى بريفينگتە «نۇر وتان» پارتياسىنىڭ الماتى وبلىستىق فيليالى ٴتوراعاسىنىڭ ٴبىرىنشى ورىنباسارى عالياسقار سارىبايەۆ ٴمالىم ەتتى، دەپ حابارلايدى قازاقپارات.

الماتى وبلىسىنىڭ وڭىرلىك كوممۋنيكاسيالار قىزمەتى ۇيىمداستىرعان باسقوسۋدا عالياسقار تولەندى ۇلى ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ ماڭىزدىلىعىنا توقتالدى.

«ەلباسى ٴوزىنىڭ جولداۋىندا اتاپ وتكەندەي، بۇدان بىلاي قازاقستان ازاماتتارى ٴوز بيزنەسىن جۇرگىزۋ ٴۇشىن اۋىلدا دا، قالادا دا 16 ميلليون تەڭگەگە دەيىن شاعىن نەسيە الا الادى. سونداي اق بەس جىل ىشىندە 500 مىڭنان استام جەكە ٴۇي شارۋاشىلىقتارى مەن شاعىن فەرمەرلەردى كووپەراتيۆتەرگە تارتۋعا مۇمكىندىك بەرەتىن جاعداي جاساۋ كەرەكتىگىن اتاپ ٴوتتى. 2019 جىلدان باستاپ 10-11 سىنىپتاردا كەيبىر پاندەردى اعىلشىن تىلىندە وقىتاتىن بولادى. سونىمەن قاتار 1 شىلدەدەن باستاپ بالا تۋعاندا بەرىلەتىن ٴبىر رەتتىك جاردەماقى كولەمى 20%-عا وسىرىلەدى. يگى باستامانىڭ بارلىعى ٴبىزدىڭ حالىق ٴۇشىن جاسالىپ وتىر. وزدەرىڭىزگە بەلگىلى، جەتىسۋ جەرى اگرارلى ايماق. باستى لوكوماتيۆى اۋىل شارۋاشىلىعى سالاسى. وسى سالانى ٴارى قاراي جاڭعىرتىپ، دامىتۋ، وزگە دە سالالاردى وركەندەتۋ جولىندا جاڭا جولداۋدىڭ ماڭىزى زور. ٴبىز ٴوڭىردىڭ ٴاربىر تۇرعىنىنا ونىڭ ماڭىزدىلىعىن ناسيحاتتاپ، تۇسىندىرەتىن بولامىز»،- دەيدى عالياسقار سارىبايەۆ.

ٴقازىر جەتىسۋ جەرىنىڭ ٴار ايماعىندا جولداۋدى ناسيحاتتاۋ جۇمىستارى باستالىپ كەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي