BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا ەلباسى جولداۋى تالقىلاندى

نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنداعى 5 باسىمدىقتىڭ ٴارقايسىسى الماتى وبلىسىمەن تىعىز بايلانىستى. بۇل تۋرالى تالدىقورعاندا پرەزيدەنت جولداۋىن تالقىلاۋعا ارنالعان ٴوڭىر اكتيۆىنىڭ باسقوسۋىندا ايتىلدى، دەپ حابارلايدى قازاقپارات ٴتىلشىسى.

وبلىستا ونەركاسىپتى وركەندەتىپ، اۋىل شارۋاشىلىعىن، ورتا جانە شاعىن بيزنەستى دامىتۋ ارقىلى ەكونوميكانى جەدەل جاڭعىرتۋعا بولادى. اسىرەسە ينوۆاسيالىق تەحنولوگيالاردى ەنگىزىپ، سۋارمالى جەرلەردى مولايتۋعا مۇمكىندىك زور. ٴوڭىر 2020 جىلعا دەيىن 127 مىڭ گەكتار سۋارمالى القاپتى ەنگىزۋ جوسپارىن بەكىتتى. بۇل باعىتتا 37 ملرد تەڭگە ينۆەستيسيا تارتۋ كوزدەلگەن. ەلباسىنىڭ بۇل جولداۋىندا الەۋمەتتىك سالاعا باسا نازار اۋدارۋى اسىرەسە جەتىسۋلىق قارتتاردى قۋانتتى.

«20 پايىز زەينەتاقىنىڭ كوبەيۋى، بالالارعا تولەنەتىن ٴبىر رەتتىك تولەمنىڭ كوبەيۋى، دارى-دارمەك باعاسىنىڭ ٴوسۋىن توقتاتۋ بارلىق جەردە ايتىلىپ جۇرگەن ماسەلە بولاتىن. ەندى وسىنى ەلباسى ٴوزىنىڭ جولداۋىندا كورسەتىپ وتىر. بۇل ۇكىمەت پەن پارلامەنتكە بەرىلىپ وتىرعان تىكەلەي تاپسىرما دەپ تۇسىنەمىز»،-دەگەن پىكىرىن وبلىستىق ارداگەرلەر كەڭەسىنىڭ ٴتوراعاسى ەرمەك كەلەمسەيىت ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي