BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اقتاۋ تەڭىز پورتى» ارنايى ەكونوميكالىق ايماعىندا 5 ٴىرى جوبا جۇزەگە اسىرىلادى

ماڭعىستاۋ وبلىسى اكىمى ەرالى توعجانوۆتىڭ توراعالىعىمەن وتكەن اپپاراتتىق جيىندا سيفرلاندىرۋ تۋرالى، ەنەرگەتيكا سالاسىنداعى تاريفتەردى قالىپتاستىرۋ، «اقتاۋ تەڭىز پورتى» اەا دامىتۋ ماسەلەلەرى قارالدى، دەپ حابارلايدى baq.kz اقپارات اگەنتتىگى ماڭعىستاۋ وبلىسى اكىمىنىڭ ٴباسپاسوز قىزمەتىنە سىلتەمە جاساپ.

«اەا تەڭىز اقتاۋ» ااق باسقارما ٴتوراعاسى باۋىرجان قايراتوۆ ارنايى ەكونوميكالىق ايماقتىڭ دامۋى تۋرالى مالىمدەدى. 2003-2017 جىلدارى 30 قاتىسۋشى تىركەلدى. وسى كەزەڭدە سالىنعان ينۆەستيسيا كولەمى 94،6 ملرد تەڭگەگە جەتتى. ٴوندىرىس كولەمى 260 ملرد تەڭگەنى قۇرادى. 1 323 جاڭا جۇمىس ورنى قۇرىلدى. بيۋدجەتكە 23 ملرد تەڭگە سالىق تولەندى. 2017 جىلى 205 ملرد تەڭگەگە 4 جوبا ىسكە اسىرىلىپ، 330 جۇمىس ورنى اشىلعان. 2018 جىلى قۇنى 12،1 ملرد تەڭگە بولاتىن 5 جوبانى ىسكە اسىرۋ جانە 364 جۇمىس ورنىن قۇرۋ جوسپارعا ەنگىزىلگەنىن اتاپ ٴوتتى.

ماڭعىستاۋ وبلىسىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتى باسشىسىنىڭ ورىنباسارى ماليك ٴابدىقادىروۆ ەنەرگەتيكا سالاسىنداعى تاريفتەردى قالىپتاستىرۋ تۋرالى مالىمدەمە جاسادى. قازىرگى تاڭدا وبلىستا 45 تابيعي مونوپوليا سۋبەكتىسى تىركەلدى. گاز باعاسىنىڭ ٴوسۋى ەلەكتر ەنەرگياسىن، جىلۋ مەن سۋدى وندىرۋگە جۇمسالاتىن شىعىنعا اسەر ەتتى.

«ەگەر حالىق ٴۇشىن جىلۋ ەنەرگياسىن وندىرەتىن بولساق، ولارعا جەڭىلدىك بار (9 200 تەڭگە). 1 000 تەكشە ەلەكتر ەنەرگياسى 19 833 تەڭگەنى قۇرايدى. وسىعان بايلانىستى ماەك قازاتومونەركاسىبى ٴۇشىن گاز تاريفتەرىنە جەڭىلدىك ەنگىزۋ تۋرالى ۇكىمەتكە ٴوتىنىش بەرۋدى ۇسىنامىن. ەكىنشى ماسەلە – ەلەكتر ەنەرگياسىن تاراتۋشى مەكەمەنىڭ كەڭەيۋى. تاريف ٴار جەردە ٴارتۇرلى. ٴبىراق جوعارىداعى ۇسىنىستار ەڭ بولماعاندا حالىق ٴۇشىن تاريفتەردىڭ تومەندەۋىنە كومەكتەسەدى دەگەن ويدامىز. اتالعان باعىتتا ٴبىز مونوپوليستەرمەن دە، جەرگىلىكتى اتقارۋشى ورگاندارمەن دە تىعىز جۇمىس ىستەۋگە دايىنبىز»، - دەدى وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتى باسشىسىنىڭ ورىنباسارى ماليك ٴابدىقادىروۆ.

جولاۋشىلار كولىگى جانە اۆتوموبيل جولدارى ٴبولىمى باسشىسىنىڭ ورىنباسارى داۋرەن تابجانوۆ «نۇرلى جول» مەملەكەتتىك باعدارلاماسىنىڭ ورىندالۋى تۋرالى باياندادى. 2020 جىلعا دەيىن جول سەكتورىنىڭ ينۆەستيسيالىق جوبالارىن ىسكە اسىرۋ جوسپارلانىپ وتىر.

اتاپ ايتقاندا:

  1. «بەينەۋ-شەتپە» اۆتوموبيل جولىنىڭ ۋچاسكەسىن قالپىنا كەلتىرۋ (60 كم). شارتتىڭ قۇنى – 12،4 ملرد تەڭگە. 2018 جىلعا 0،4 ملرد تەڭگە قاراستىرىلعان. جوبا اعىمداعى جىلى اياقتالادى.
  2. ۇزىندىعى 170 كم قۇرايتىن «شەتپە-جەتىباي-اقتاۋ» تاس جولىن قايتا قۇرۋ. جوبا قۇنى – 37 277،0 ملن تەڭگە. جۇمىستار اعىمداعى جىلدىڭ 26 قاڭتارىندا تولىعىمەن اياقتالىپ، پايدالانۋعا بەرىلدى.
  3. ۇزىندىعى 73 كم «جەتىباي-جاڭاوزەن» اۆتوجولىن قايتا قۇرۋ. 2018 جىلى ازيا دامۋ بانكىنىڭ قاراجاتىنان جوندەۋ جۇمىستارى باستالىپ كەتتى. جوبا قۇنى - 25،0 ملرد تەڭگە.
  4. ۇزىندىعى 85 كم بولاتىن «بەينەۋ-اقجىگىت - وزبەكستان شەكاراسى» اۆتوجولىن قايتا قۇرۋ. جوبانىڭ جالپى قۇنى – 22 725،3 ملن تەڭگە.
  5. ۇزاقتىعى 22 كم بولاتىن «قۇرىق-پورت-قۇرىق» تاس جولىن قايتا قۇرۋ. جوبانىڭ جالپى قۇنى - 8 570،3 ملن تەڭگە. اعىمداعى جىلدىڭ ٴساۋىر ايىندا بارلىق جوسپارلانعان جۇمىس اياقتالادى.
  6. شەتپە-قىزان تاس جولىنىڭ «تاسمۇرىن-ماستەك» ۋچاسكەسىن قارجىلاندىرۋ قاراستىرىلۋدا. جوبانىڭ جالپى قۇنى 2،6 ملرد تەڭگە.

«الەۋمەتتىك مەديسينالىق ساقتاندىرۋ قورى» كوممەرسيالىق ەمەس اق ماڭعىستاۋ وبلىستىق فيليالىنىڭ ديرەكتورى رۋسلان بەكتۋبايەۆ قوردىڭ اتقارىلعان جۇمىستارىمەن تانىستىردى. تەگىن مەديسينالىق كومەكتىڭ كەپىلدىك بەرىلگەن كولەمىن قامتاماسىز ەتۋدى كوزدەيتىن 63 دەنساۋلىق ساقتاۋ ۇيىمىنىڭ دەرەكتەر بازاسى قۇرىلدى. كومپانيا اياسىندا 6 جەكە مەديسينالىق كلينيكاعا 32 666 ادام ورنالاستىرىلدى. وبلىس بويىنشا جارنالار مەن اۋدارىمداردىڭ قۇنى 1 774،3 ملن تەڭگەنى قۇرادى. قر وڭىرلەرى بويىنشا ماڭعىستاۋ وبلىسى جارنالار مەن اۋدارىمدار بويىنشا 7-ورىندا.

سيفرلىق كەڭسەسىنىڭ وكىلى رومان قۇربانوۆ ماڭعىستاۋ وبلىسىنداعى «ساندىق قازاقستان 2018-2022» مەملەكەتتىك باعدارلاماسىن ىسكە اسىرۋ جۇمىستارىنا توقتالدى. 81 دەنساۋلىق ساقتاۋ ۇيىمىنىڭ 78-نە (96،3%) كەشەندى مەديسينالىق اقپاراتتىق جۇيە ەنگىزىلدى. اعىمداعى جىلى اتالعان جۇيەنى تاعى ٴۇش مەديسينالىق ۇيىمعا ەنگىزۋ جوسپارلانۋدا. مەديسينالىق ۇيىمداردا ينتەرنەتكە قولجەتىمدىلىكتىڭ ورتاشا كورسەتكىشى 95،6%-دى قۇرادى. ۋاقىتشا ەڭبەككە جارامسىزدىق پاراقتارىن ەلەكتروندى فورماتقا كوشىرۋ جانە «ەلەكتروندىق ۇكىمەت» پورتالى ارقىلى بەرۋ جۇزەگە اسىرىلادى. ٴبىلىم بەرۋ سالاسىندا كومپيۋتەرلىك تەحنيكامەن 100%، ال ينتەرنەتپەن قامتۋ 92،5%-عا جەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي