BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ادامي كاپيتالدى جەتىلدىرۋ وتە ماڭىزدى – پروفەسسور

ەلباسى جولداۋىنداعى ٴتورتىنشى باسىمدىق – ادامي كاپيتالدى جەتىلدىرۋ وتە ماڭىزدى. قر تۇڭعىش پرەزيدەنتى –ەلباسى كىتاپحاناسى الەۋمەتتىك-اعارتۋشىلىق جوبالار قىزمەتىنىڭ جەتەكشى عىلىمي قىزمەتكەرى، ساياسي عىلىمدارىنىڭ دوكتورى، پروفەسسور ليايليا يۆاتوۆا وسىنداي پىكىر ٴبىلدىردى، دەپ حابارلايدى baq.kz ٴتىلشىسى.

«ەلباسى بيىلعى جولداۋىندا 5 باسىمدىققا يە مىندەتتى بەلگىلەدى. ونىڭ ارقاسىندا ەكونوميكامىز جاڭعىرىپ، كاسىپتىك ورتانى دامىتۋ شارتتارى جاقسارادى. ماكروەكونوميكالىق تۇراقتىلىق جانە قازاقستاندىق قوعامنىڭ قاۋىپسىزدىگى قامتاماسىز ەتىلەدى. ادامي كاپيتالدى دامىتۋدىڭ جاڭا ساپالى دەڭگەيى قالىپتاسادى.

مەنىڭشە، ٴتورتىنشى باسىمدىق – ادامي كاپيتالدى جەتىلدىرۋ وتە ماڭىزدى. ەلباسى «ٴبىلىم بەرۋدى ەكونوميكالىق ٴوسۋدىڭ جاڭا مودەلىنىڭ ورتالىق بۋىنىنا اينالدىرۋ» ماڭىزدىلىعىن اتاپ ٴوتتى. ۇسىنىلعان مىندەتتەردى جۇزەگە اسىرۋ ادامي كاپيتالعا ارتىلادى. بۇل باعىتتا جوعارعى وقۋ ورىندارىنداعى پەداگوگيكالىق كادرلار قۇرامىنا جانە ٴبىلىم بەرۋ باعدارلامالارىنا تالاپتاردى كۇشەيتۋ – وزەكتى ماسەلە. سوڭعىسىن ەڭبەك نارىعى تالاپتارىن ەسكەرۋ ارقىلى قالىپتاستىرعان ابزال. وقۋدىڭ ناتيجەسى تالاپكەرلەرگە دە، جۇمىسپەن قامتاماسىز ەتۋشىلەرگە دە تۇسىنىكتى بولۋى ٴتيىس.

بەسىنشى باسىمدىق رەتىندە ن.ٴا.نازاربايەۆ ينستيتۋسيونالدىق وزگەرىستەردى، قاۋىپسىزدىككە جانە سىبايلاس جەمقورلىقپەن كۇرەستى بەلگىلەيدى. قازاقستان ەلدەگى جەمقورلىق دەڭگەيىن تومەندەتۋ باعىتىندا ەلەۋلى قادامدار جاسادى. نەگىزگى ەكپىن جەمقورلىقتىڭ زارداپتارىمەن كۇرەسكە قويىلدى.

قوعامدىق قاۋىپسىزدىكتى قامتاماسىز ەتۋ، دەنساۋلىق ساقتاۋ، ٴبىلىم بەرۋ، تۇرعىن ۇي-كوممۋنالدىق شارۋاشىلىعى ىسپەتتى كۇندەلىكتى ومىرىمىزگە بايلانىستى سالالارداعى جەمقورلىق اسا ٴقاۋىپتى. بۇل سالالارداعى جەمقورلىق دەڭگەيىنىڭ جوعارى بولۋى مەملەكەتتىك ورگاندارعا دەگەن سەنىمدى تومەندەتەدى.

قۇقىقتىق جانە دەموكراتيالىق ەل ٴۇشىن مەملەكەتتىك بيلىكتىڭ اشىقتىعى مەن مولدىرلىگى ماڭىزدى ماسەلە بولىپ تابىلادى. بارلىق دەڭگەيدەگى بيلىك ورگاندا قىزمەتىنىڭ مولدىرلىگى ولاردىڭ قىزمەتى جانە قابىلدانعان شەشىمدەرى تۋرالى اقپاراتتىڭ حالىققا قولجەتىمدىگىن قامتاماسىز ەتەدى»،- دەيدى ل.يۆاتوۆا.

ەستەرىڭىزگە سالىپ وتسەك، 31 قاڭتار كۇنى بۇقارالىق اقپارات قۇرالدارىندا مەملەكەت باسشىسى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى ەل حالقىنا ارناعان جولداۋى جاريالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي