BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اباي» وپەراسى الماتى كورەرمەندەرىنىڭ اراسىندا رەزونانس تۋدىردى

10 اقپان كۇنى اباي اتىنداعى ماوبت ساحناسىندا احمەت جۇبانوۆ پەن لاتيف ٴحاميديدىڭ «اباي» وپەراسىمەن «استانا وپەرا» تەاترىنىڭ الماتىداعى گاسترولىنىڭ شىمىلدىعى ٴتۇرىلدى. تىڭدارماندار سوڭعى كورىنىستە كوز جاسىنا ەرىك بەرىپ، ارتىستەردىڭ شەبەرلىگىنە تىك تۇرىپ قول سوقتى، ال قويىلىم اياقتالعان سوڭ ونەرپازداردىڭ قولتاڭباسىن الىپ، عاجايىپ ونەر كورسەتۋلەرى ٴۇشىن العىستارىن ٴبىلدىرۋ ٴۇشىن ولاردى كۇتۋمەن بولدى، دەپ حابارلايدى baq.kz اقپارات اگەنتتىگى «استانا وپەرا» تەاترىنىڭ ٴباسپاسوز قىزمەتىنە سىلتەمە جاساپ.

«استانا وپەرانىڭ» الماتىداعى گاسترولى 10-18 اقپان كۇندەرى قر پرەزيدەنتى نۇرسۇلتان نازاربايەۆتىڭ «رۋحاني جاڭعىرۋ» («بولاشاققا باعدار: رۋحاني جاڭعىرۋ») باعدارلاماسى اياسىنداعى «جاھانداعى زاماناۋي قازاقستاندىق مادەنيەت» حالىقارالىق جوباسى بويىنشا قر مادەنيەت جانە سپورت مينيسترلىگىنىڭ قولداۋىمەن ٴوتىپ جاتىر.

«استانا وپەرا» گاسترولىنە كورسەتكەن قولداۋى ٴۇشىن مادەنيەت جانە سپورت ٴمينيسترى ارىستانبەك مۇحامەدي ۇلىنا العىسىمدى بىلدىرەمىن. مادەني الماسۋدىڭ ارقاسىندا ٴبىز ورىنداۋشىلار رەتىندە وسۋدەمىز، ونەرىمىزدى ٴتۇرلى قالا مەن ەلدەگى كورەرمەنگە سىيلاۋ مۇمكىندىگىنە يەمىز، ٴبىز ٴۇشىن بۇل اسا ماڭىزدى. بۇگىنگى سپەكتاكل ۇلكەن جەتىستىكپەن ٴوتتى، ٴبىز، ارتىستەر، الماتىلىق تىڭدارماننىڭ جىلى شىرايىن، ىقىلاس-شاتتىعىن، كورەرمەندەر اۋديتورياسىن سەزىنە بىلدىك، اسقاق ونەرگە دەگەن ماحابباتتارى ٴۇشىن مىڭ دا ٴبىر راحمەت»، - دەدى قازاقستاننىڭ ەڭبەك سىڭىرگەن ٴارتىسى مايرا مۇحامەدقىزى.

وسى كەشتە جەتەكشى پارتيالاردى ەلوردالىق تەاتردىڭ ارتىستەرى ۇسىندى. باستى پارتيانى قازاقستاننىڭ ەڭبەك سىڭىرگەن قايراتكەرى سۇندەت بايعوجين ۆوكالدىق ٴارى اكتەرلىك تۇرعىدان تاماشا ورىنداپ شىقسا، ايدار رولىندە حالىقارالىق بايقاۋلاردىڭ لاۋرەاتى مەيىر باينەش كەرەمەت ونەر كورسەتە ٴبىلدى. قازاقستاننىڭ ەڭبەك سىڭىرگەن ٴارتىسى، وپەرا پريماسى مايرا مۇحامەدقىزى اجار بەينەسىندە عاجايىپ اكتەرلىك جۇمىسىن كورسەتتى، داۋسى جۇمساق، نازىك ٴارى جارقىن ەستىلدى. قارلىعاش پارتياسىن قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى سىيلىعىنىڭ لاۋرەاتى تاتيانا ۆيسينسكايا ورىندادى. كوكپاي رولىندە – دارىندى تالعات عالەەۆ. ٴازىم – بەيىمبەت تاڭارىقوۆ، ارمەنيانىڭ حالىق ٴارتىسى بارسەگ تۋمانيان سىرتتان بەينەسىن سومداسا، ەۆگەنيي چاينيكوۆ جيرەنشە كەيپىندە بولدى. نارىمبەت – رامزات بالاكيشيەۆ، مەس – حايدار مۇستاپين.

«وتە قىزىقتى قويىلىم بولدى. ساندى-ساۋلەتتى دەكوراسيالار مەن كيىمدەرى، حالىق ان-بيلەرىنىڭ اۋەزدى بايلىعى بار ۇلتتىق وپەرانىڭ كلاسسيكالىق ۇلگىسى. مۇحتار اۋەزوۆ، احمەت جۇبانوۆ جانە لاتيف حاميدي سىندى ەسىمدەر وپەرانى ماڭگى ٴارى ۇلى ەتەدى. بۇگىن بارلىق ٴارتىس جاقسى دەڭگەيدە بولدى، وركەستر مەن حور كەرەمەت دىبىستالدى! ٴبىر عانا ايتارىم: «براۆو، «استانا وپەرا»، - دەپ اسەرىن ٴبولىستى دۋلات وماروۆ ەسىمدى كورەرمەن.

«اباي» قويىلىمىنا كورنەكتى مادەنيەت، ساياسات جانە قوعام قايراتكەرلەرى جوعارى باعاسىن بەردى. ولاردىڭ قاتارىندا – الىبەك دىنىشەۆ، ٴاسانالى ٴاشىموۆ جانە، ەسمۇحان وبايەۆ بار. ٴۇزىلىس كەزىندە ولار ديريجەردىڭ اسقان شەبەرلىگىن، ونىڭ تۇلعاسىنىڭ اۋقىمدىلىعىن اتاپ ٴوتتى، ۆوكاليستەردىڭ ساپالى جۇمىسى جايلى ٴسوز ەتتى.

«وپەرانىڭ جاڭا وقىلىمى، كەرەمەت دەكوراسيالارى مەن كيىمدەرى ماعان ەرەكشە əسەر ەتتى. «اباي» وپەراسىنىڭ سوڭى ٴوز ەلىڭمەن، تاريحىڭمەن، əدەبيەتىڭمەن، حالقىڭمەن ماقتان ەتكىزەدى»، - دەپ ٴبولىستى قويىلىم سوڭىنان تانىمال قازاقستاندىق وپەرا ٴəنشىسى əلىبەك دىنىشەۆ.

«گاسترول كەرەمەت «رۋحاني جاڭعىرۋ» باعدارلاماسى اياسىندا ٴوتىپ جاتىر، ول بارشا الەمگە ەل مادەنيەتىنىڭ جوعارى دەڭگەيىن كورسەتۋگە مۇمكىندىك بەرەدى. وسى ساپارىمىزعا وتە قۋانىشتىمىن، سەبەبى تەاترلارىمىز شىعارماشىلىق ديالوگ جاساپ، دوستىعىمىزدى نىعايتۋدا. بۇگىن ٴبىز قازاقستاننىڭ وڭتۇستىك استاناسىندا، وپەرا ونەرىمىزدىڭ قارا شاڭىراعى – اباي اتىنداعى ماوبت ساحناسىندا ونەر كورسەتتىك. 1944 جىلى بۇل جەردە «اباي» وپەراسىنىڭ تۇساۋى كەسىلگەن ەدى. وسى قويىلىمدى ورىنداۋ – ترۋپپامىز ٴۇشىن جاۋاپتى ەمتيحان. الماتىلىق كورەرمەن كوزى اشىق، وقىعان، مادەنيەتتى جانە بۇگىن سوعىلعان دۋ قول شاپالاقتار، ىستىق لەبىزدەر ٴبىز ٴۇشىن ۇلكەن ماراپات ٴارى ەڭبەگىمىزگە بەرىلگەن جوعارى باعا بولدى»، - دەدى ماەسترو الان بورىبايەۆ.

«استانا وپەرانىڭ» باس ديريجەرى «اباي» سپەكتاكلى بويىنشا بۇل ونىڭ العاشقى جۇمىسى ەمەستىگىن جانە وسى وپەرانىڭ حالىقارالىق ماڭىزىن اتاپ ٴوتتى.

«2013 جىلى گەرمانيادا «اباي» وپەراسىنىڭ جاڭا قويىلىمىن جۇزەگە اسىردىم، ول وراسان زور جەتىستىككە يە بولدى، ونىڭ ۇستىنە سول جىلى كومپوزيتورلار ر.ۆاگنەر مەن دج.ۆەرديدىڭ 200 جىلدىعى بولاتىن، ولاردىڭ تۋىندىلارىنسىز الەمنىڭ بىردە-بىر تەاترىن ەلەستەتۋگە بولمايدى. ٴۇش قويىلىم «جىل قويىلىمى» اتاعىنا نوميناسيالاندى، ولار – ر.ۆاگنەردىڭ «زاپرەت ليۋبۆي، يلي پوسلۋشنيسا يز پالەرمو»، دج.ۆەرديدىڭ «بال-ماسكاراد» جانە ا.جۇبانوۆ پەن ل.ٴحاميديدىڭ «اباي» قويىلىمى بولاتىن، جانە ر.ۆاگنەر مەن دج.ۆەرديدىڭ مەرەيتويلىق جىلىندا «اباي» وپەراسى جىل قويىلىمى دەپ تانىلدى! تۋىندى ٴوز كورەرمەنىنىڭ جۇرەگىن جاۋلاۋدا. 2014 جىلى اباي اتىنداعى ماوبت-مەن بىرگە بۇل وپەرانى فرانسيادا ورىندادىق، ولار دا تاڭ قالدىرارلىق جەتىستىكپەن قابىل الدى. مەن ٴاردايىم قازاق ونەرىن ناسيحاتتاپ جۇرەمىن، وركەسترمەن ونەر كورسەتكەن كەزدە، باعدارلاماعا قازاق سيمفونيالىق مۋزىكاسىن قوسۋعا تىرىسامىن. «اباي» وپەراسىنىڭ ٴۇشىنشى پەردەسىندەگى بيلەر – ۇيلەنۋ تويىنىڭ سيۋيتاسىن bbc radio 3 (لوندون) راديوسىنا جازدىم. سوڭعى رەت «اباي» قويىلىمىنداعى بيلەردى جاپونيادا ورىندادىم جانە جەتەكشى جاپون باسىلىمدارىنىڭ ٴبىرى - «يوميۋري سيمبۋن» ٴبىزدىڭ مۋزىكامىز جايلى سۇيسىنە ماداقتاپ، پىكىر ٴبىلدىردى. بۇل وپەرانى ەستي سالا، جۇرت ماعان كەلىپ: «نوتاسىن بەرىڭىزشى! وسى وپەرا تۋرالى كوبىرەك قالاي بىلۋگە بولادى؟ اباي دەگەن كىم؟... دەپ سۇرايدى. «اباي» وپەراسى كىلت ٴتارىزدى ٴتۇرلى حالىقتاردىڭ جۇرەگىنە جول تاۋىپ، اشادى! بۇرىن، قازاق وپەرالارى، ەڭ الدىمەن، وزىمىزگە قىزىقتى دەپ ويلايتىنمىن، سەبەبى ٴوزىمىزدى تانۋ اسا ماڭىزدى، ٴبىراق، بۇل وپەرانىڭ مۋزىكاسى امبەباپ، ول جەر-جاھاندا بىردەي شاتتىقپەن قابىلدانادى. «اباي» وپەراسى ونەرىمىزدىڭ بەتكە ۇستارىنا اينالدى. ونى ٴارقاشاندا دا ورىندايمىز جانە وعان ٴاردايىم جۇرەگىمىز ەرەكشە تۋلايتىن بولادى. «اباي» - ٴبىز ٴۇشىن قاسيەتتى تاقىرىپ»، – دەپ قوستى الان بورىبايەۆ.

قويۋشى رەجيسسەر - دجانكارلو دەل موناكو، سسەنوگراف – قازىرگى زاماننىڭ اتاقتى سۋرەتشى سسەنوگرافى ەسيو فريدجەريو، كوستيۋمدەر بويىنشا سۋرەتشى – «وسكار» سىيلىعىنىڭ يەگەرى فرانكا سكۋارچاپينو، ۆيرتۋالدىق دەكوراسيالاردى جاساعان – سەردجيو مەتاللي، جارىق بويىنشا سۋرەتشى – ۆينيچو كەلي. «استانا وپەرا» سيمفونيالىق وركەسترى مەن حورى. باس حورمەيستەر – قازاقستاننىڭ ەڭبەك سىڭىرگەن قايراتكەرى ەرجان ٴداۋىتوۆ.

ەسكە سالار بولساق، ەرتەڭ، 11 اقپان كۇنى «اباي» قويىلىمىنىڭ ەكىنشى كورسەتىلىمى وتەدى، قارلىعاش رولىندە بولاشاعى جارقىن جاس ٴانشى، كەرەمەت مەسسو-سوپرانو داۋىس يەگەرى، حالىقارالىق بايقاۋلاردىڭ لاۋرەاتى ماليكا مينيزيني دەبيۋت جاسايدى. سونىمەن قاتار، باريتون ەرجان سايپوۆ تا العاش رەت كوكپاي پارتياسىن ازىرلەپ جاتىر. 14 اقپان كۇنى ساعات 19.00-دە حح عاسىردىڭ اتاقتى حورەوگرافى كەننەت ماكميللاننىڭ «مانون» بالەتى ورىن الادى. ال 17-18 اقپان كۇندەرى ساعات 18.00-دە وتەتىن موريس جارردىڭ «پاريج قۇداي اناسىنىڭ سوبورى» بالەت سپەكتاكلىمەن گاسترولدىك ساپار ٴوز مارەسىنە جەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي