BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سقو ٴۋاليحانوۆ اۋدانى بايان-ولگەيدەن ەڭبەك كۇشىن اكەلمەك

بايان-ولگەي ايماعىنىڭ ايماقتىق ازاماتتار وكىلدەرى قۇرىلتايىنىڭ ٴتوراعاسى باۋىرجان دالەل ۇلىنىڭ شاقىرۋىمەن سولتۇستىك قازاقستان وبلىسى ٴۋاليحانوۆ اۋدانىنىڭ اكىمى مەدەت وسپانوۆ باستاعان رەسمي وكىلدەر بايان-ولگەي ايماعىنا ىس-ساپارمەن باردى، دەپ حابارلايدى baq.kz اقپارات اگەنتتىگى.

موڭعوليالىق مونسامە اگەنتتىگىنىڭ جازۋىنا قاراعاندا، اۋدان اكىمى باستاعان توپ كەشە ولگەي قالاسىنىڭ تۇرعىندارىمەن كەزدەسىپ، قازاقستانعا سونىڭ ىشىندە سولتۇستىك وڭىرگە ەڭبەك كۇشى رەتىندە بارعىسى كەلەتىن جاستارمەن جولىقتى.

كەزدەسۋ بارىسىندا اكىم قازاقستانعا كوشىپ كەلگىسى كەلەتىن ازاماتتارعا بەرىلەتىن كومەكتەر مەن كۆوتا، ولاردى ورنالاستىرۋ ماسەلەلەرىن ٴتۇسىندىردى.

ونىڭ ايتۋىنا قاراعاندا، ٴوزى باسقارىپ وتىرعان ٴۋاليحانوۆ اۋدانىنا دارىگەر، مەدبيكە، اعىلشىن ٴتىلى ٴمۇعالىمى، مۋزىكا مامانى، ٴىت مامانى، ماتەماتيكا، حيميا، پسيحولوگ ٴمۇعالىمى، مالشى، تراكتورشى قاتارلى ماماندىقتارعا قىزمەتكەرلەر كەرەك ەكەنى بەلگىلى بولدى.

بۇل ساپاردىڭ باسى وتكەن ايدا باستالعان بولاتىن. وندا بايان-ولگەي ايماعىنىڭ ايماقتىق ازاماتتار وكىلدەرى قۇرىلتايىنىڭ ٴتوراعاسى باۋىرجان دالەل ۇلى اتالعان ٴۋاليحانوۆ اۋدانىنا ارنايى بارىپ، وڭىرگە بايان-ولگەيدەن ەڭبەك كۇشىن تارتۋ بويىنشا ەكى جاقتى كەلىسىم جاساۋعا ۇسىنىس بىلدىرگەن ەدى. جانە سول كەزدە اۋدان اكمشىلىگىن بايان-ولگەيگە كەلىپ، ەڭبەككە جارامدى ازاماتتاردى ٴوز كوزدەرىمەن كورىپ قايتۋعا شاقىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي