BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ەلشىلىكتەرىنە كۇنىنە 300-دەن اسا قانداسىمىز ۆيزاعا ٴوتىنىش بەرەدى – مۇحتار تىلەۋبەردى

فوتو: azh.kz

قازاقستاننىڭ شەتەلدەردەگى ەلشىلىكتەرىنە كۇنىنە 300-دەن اسا ەتنيكالىق قازاقتان ۆيزا الۋ ٴۇشىن ٴوتىنىش كەلىپ تۇسەدى. بيىل 1 قاڭتاردان بەرى شەت مەملەكەتتەگى قانداستارىمىزعا 3 جىلعا كوپ مارتەلى ۆيزا بەرىلە باستادى. بۇل تۋرالى بۇگىن ۇكىمەت وتىرىسىندا 2017-2021 جىلدارعا ارنالعان كوشى-قون ساياساتىنىڭ تۇجىرىمداماسىن تالقىلاۋ كەزىندە سىرتقى ىستەر ٴمينيسترىنىڭ ٴبىرىنشى ورىنباسارى مۇحتار تىلەۋبەردى ٴمالىم ەتتى، دەپ حابارلايدى baq.kz ٴتىلشىسى.

ۆيسە-مينيستر مۇحتار تىلەۋبەردى جاڭادان ۇسىنىلىپ جاتقان 2017-2021 جىلدارعا ارنالعان كوشى-قون ساياساتىنىڭ تۇجىرىمداماسىندا شەتەلدەردەگى قازاق دياسپوراسىنا ەرەكشە نازار اۋدارىلىپ وتىرعانىن ايتتى.

«ستاتيستيكاعا سايكەس 2016 جىلى شەتەلدەگى ەتنيكالىق قازاقتارعا 81 756 ، ال 2017 جىلى 1 قاڭتاردان 15 قىركۇيەك ارالىعىندا 56 440 ۆيزا بەرىلدى. قر-دىڭ شەتەلدەردەگى مەكەمەلەرىنە قازاقستاندىق ۆيزالاردى راسىمدەۋ ٴۇشىن كۇندەلىكتى 300-دەن اسا ەتنيكالىق قازاق ٴوتىنىش بىلدىرەدى. وسى جىلدىڭ 1 قاڭتارىنان باستاپ ٴبىرىنشى رەت ۆيزاعا ٴوتىنىش بەرگەن قانداستارىمىزعا 1 جىل كوپ مارتە، ال ەكىنشى رەتتەن باستاپ ٴوتىنىش بەرگەن قازاقتارعا 3 جىل كوپ مارتەگە اقىسىز ۆيزا بەرىلدى»، - دەدى سىرتقى ىستەر ٴمينيسترىنىڭ ٴبىرىنشى ورىنباسارى.

مۇحتار بەسكەن ۇلى قر ەلشىلىكتەرى شەتەلدەردە تۇراتىن ەتنيكالىق قازاقتارعا قاتىستى وزەكتى ماسەلەلەردى شەشۋ بويىنشا ارنايى باعىتتالعان جۇمىستاردى جۇرگىزەتىنىن ايتا كەلىپ، كوشى-قون جۇيەسىن رەتتەۋ جانە شەتتەگى قانداستارىمىزدى قابىلداۋعا قولايلى جاعداي جاساۋ ماقساتىندا ۇسىنىلعان تۇجىرىمدامانى قابىلداۋ ورىندى ەكەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي