BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴبىز بىرلەستىكتى بولىنەيىك دەپ ەمەس، بار قازاقتىڭ باسىن قوسايىق دەپ قۇردىق – پەرنەبايەۆ

استانادا ورالمانداردى اتاجۇرتقا بەيىمدەۋگە جانە شەتتەن كەلگەن اعايىندى ەلگە قىزمەت ەتتىرۋگە باعىتتالعان «تاريحي اتاجۇرت» اتتى جاڭا قوعامدىق بىرلەستىك قۇرىلىپ، «atazhurt2050.kz» سايتىنىڭ تۇساۋكەسەرى ٴوتتى، دەپ حابارلايدى baq.kz اقپارات اگەنتتىگى.

«تاريحي اتاجۇرت» قوعامدىق بىرلەستىگىن وزبەكستاننان كەلگەن قانداسىمىز، مەديسينا اكادەمياسىنىڭ رەكتورى عالىم پەرنەبايەۆ پەن موڭعوليادان كەلگەن اقساقال ۇزبەن قۇرمانباي ۇلى باس بولىپ قۇرعان. قوعامدىق ۇيىم ەلباسىنىڭ دۇنيەجۇزى قازاقتارىنىڭ v قۇرىلتايىنداعى تاپسىرمالارىن ورىنداۋعا ۇلەس قوسۋ جانە اتاجۇرتقا كەلگەن اعايىندى جاڭا ورتاعا بەيىمدەۋ، الىستاعى اعايىننىڭ قازاقستانمەن قارىم-قاتىناسىن ارتتىرۋ ماقساتىندا كوپتەگەن جۇمىستاردى قولعا الماق. «تاريحي اتاجۇرت» قوعامدىق بىرلەستىگىنىڭ اتقارۋشى ديرەكتورى ۇزبەن قۇرمانباي ۇلى جاقىندا بىرلەستىكتىڭ ۇيىمداستىرۋىمەن قۇرىلتاي ٴوتىپ، اقىندار ايتىسى بولاتىنىن جەتكىزدى.

سۋرەتتە: بىرلەستىك باسشىلارى مەن باق وكىلدەرى

«ٴبىز بۇل قوعامدىق ۇيىمدى «ورالمان» دەپ بولىنەمىز دەپ ەمەس، بار قازاقتىڭ باسىن بىرىكتىرۋگە ۇلەس قوسامىز دەپ قۇرىپ وتىرمىز»، - دەيدى «تاريحي اتاجۇرت» قوعامدىق بىرلەستىگىنىڭ ٴتوراعاسى عالىم پەرنەبايەۆ.

قر پرەزيدەنتىنىڭ «رۋحاني جاڭعىرۋ» باعدارلاماسىن جۇزەگە اسىرۋعا ۇلەس قوسۋدى دا كوزدەگەن ۇيىم «atazhurt2050.kz» سايتىن اشىپ، ۇلت قۇندىلىعىن ۇلىقتايتىن اقپاراتتارمەن ٴبولىسۋدى قولعا الىپ وتىر. اتالعان پورتال ەتنيكالىق كوشى-قون تاقىرىبىن تۇراقتى قاۋزاپ، قازاق تاريحىنان سىر شەرتەتىن تىڭ دۇنيەلەردى وقىرماندارىنا ۇسىنباق.

«ٴبىز بۇل سايت ارقىلى تەك قانداستارىمىزعا قاتىستى اقپاراتتى جاريالاپ قانا قويماي، قازاق تاريحىنا قاتىستى تىڭ دەرەكتەرمەن «تاريح قورجىنى» ايدارىن تولتىرىپ، «ادەبيەت ارناسىن» شەتەلدەگى قازاق ادەبيەتىنە ارناماقپىز»، - دەيدى جاڭا سايتتى تانىستىرعان «تاريحي اتاجۇرت» قوعامدىق بىرلەستىگى ديرەكتورىنىڭ ورىنباسارى ٴجادي شاكەن ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي