BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

دقق قانداستار ماسەلەسىمەن اينالىساتىن جۇمىس توبىن قۇردى

استانا، baq.kz. دۇنيەجۇزى قازاقتارىنىڭ قاۋىمداستىعى ٴتوراعاسىنىڭ ٴبىرىنشى ورىنباسارى زاۋىتبەك تۇرىسبەكوۆ مىرزا 27 قاراشا 2018 جىلى الماتى قالاسىندا ورالماندارمەن كەزدەسۋ وتكىزدى. وسى كەزدەسۋدىڭ ناتيجەسىندە قاۋىمداستىق پەن «وتانداستار قورى» بىرىگىپ جۇمىسشى توبىن قۇردى.

"جۇمىسشى توبىنىڭ نەگىزگى ماقساتى - جەكەلەگەن ادامداردىڭ، ٴبولىنىپ قالعان وتباسىلاردىڭ ارىز شاعىمىن قۇزىرلى مەكەمەلەرگە جەتكىزىپ، جيناقتالعان ماسەلەلەردىڭ وڭ شەشىمىن تابۋىنا ىقپال ەتۋ جانە باقىلاۋ. ٴجۇمىسشى توبىنىڭ ەكى ادامى ىس-ساپارمەن الماتى قالاسىنا بارىپ، ارىز، شاعىم قابىلدايدى" - دەلىنگەن دقق ٴباسپاسوزىنىڭ حابارلاماسىندا.

جۇمىسشى توبىنىڭ قۇرامىندا دۇنيەجۇزى قازاقتارى قاۋىمداستىعىنان قارىلعاش بەكپاتشاقىزى، راحىم ايىپ ۇلى، سەرىك احمەتوۆ. «وتانداستار قورى» كەاق-نىڭ وكىلى ايگۇل قوناقبايەۆا، قوعامدىق ۇيىم وكىلدەرىنەن ٴومارالى ادىلبەك ۇلى، مۇقان مامىتقان ۇلى بار.

جۇمىسشى توبىنىڭ قابىلداۋى 30 قاراشا كۇننەن باستالادى. ورنى الماتى قالاسى، ش.ۋاليحانوۆ 43. ا.

بايلانىس جاساۋشى قارىلعاش بەكپاتشاقىزى، تەلەفون: 8701 752 11 83


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي