BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىمكەنتتە 45 ادام مەملەكەتتىك ناگرادامەن ماراپاتتالدى

استانا، baq.kz. شىمكەنت قالاسىندا قازاقستان رەسپۋبليكاسى تاۋەلسىزدىك كۇنى مەرەكەسىنە ارنالعان سالتاناتتى ٴىس-شارا ٴوتتى. مەرەكەلىك شارانى قالانىڭ زيالى قاۋىم وكىلدەرى مەن مەملەكەتتىك قىزمەتكەرلەر، بارلىق سالانىڭ ماماندارى، ەڭبەك ازاماتتارى مەن قالا تۇرعىندارى تاماشالادى.

مەرەكەلىك شاراعا قاتىسقان قالا اكىمى عابيدوللا ٴابدىراحىموۆ قالا تۇرعىندارىن ەلىمىزدىڭ ەگەمەندىك العان كۇنىمەن قۇتتىقتاپ، تاۋەلسىزدىك – بابالار اڭساۋىمەن، ۇرپاقتىڭ قولى جەتكەن كيەلى كەزەڭ ەكەنىن ايتىپ ٴوتتى.

«بۇل كۇن وتانىمىزدىڭ ٴاربىر ازاماتى ٴۇشىن قاستەرلى مەرەكە. ٴقازىر ٴبىز بالالار مەن بابالار سان عاسىرلار اڭساعان بەيبىت تاۋەلسىزدىك ەلدە ٴومىر ٴسۇرىپ وتىرمىز. ىنتىماقتى ۇران ەتىپ، تاتۋلىقتى تۋ ەتكەن قازاقستاندىقتار بيىل تاۋەلسىزدىكتىڭ 27 جىلدىعىن تويلاپ وتىر. ەگەمەندىكتى العان العاشقى جىلدارى ەكونوميكالىق داعدارىستاردى جەڭۋ جانە حالىقتىڭ ٴال-اۋقاتىن كوتەرۋ ٴبىرىنشى كەزەكتە تۇردى. تۇڭعىش پرەزيدەنتىمىز نۇرسۇلتان نازاربايەۆتىڭ ستراتەگيالىق كورەگەن ساياساتىنىڭ ارقاسىندا قازاقستان ەكونوميكاسى دامىعان، ساياسي تۇراقتى، دامىعان ەلدەرمەن تەرەزەسى تەڭ دارەجەگە جەتىپ، ىنتىماعى جاراسقان كوپ ۇلتتى مەملەكەتكە اينالدى»، - دەدى اكىم.

سونىمەن قاتار، سالتاناتتى شارادا قر پرەزيدەنتىنىڭ جارلىعىنا سايكەس، مەملەكەتتىك جانە قوعامدىق قىزمەتتە سىڭىرگەن ەڭبەگى، ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ٴۇشىن شىمكەنت قالاسىنىڭ 45 ازاماتى قر مەملەكەتتىك ناگرادامەن ماراپاتتالدى.

سالتاناتتى باسقوسۋدا قر ەسترادا جۇلدىزدارى مارات وماروۆ پەن مادينا سادۋاقاسوۆا اننەن شاشۋ شاشسا، قالامىزدىڭ ونەر مايتالماندارى ٴان مەن بيلەرىن تارتۋ ەتتى. تاۋەلسىزدىك كۇنىنە وراي ۇيىمداستىرىلعان كونسەرتتىك باعدارلاماعا 400-گە جۋىق ونەر مايتالماندارى جۇمىلدىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي