BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا مەملەكەتتىك ماراپاتتار تاپسىرىلدى 

استانا، baq.kz. «قۇرمانعازى» مادەنيەت سارايىندا تاۋەلسىزدىك كۇنىنە وراي سالتاناتتى شارا ٴوتتى.

مەملەكەتتىك ماراپاتتار مەن قۇرمەت گراموتالارى، العىس حاتتار 60-تان استام مەملەكەتتىك قىزمەتشىلەرگە، مۇعالىمدەر مەن دارىگەرلەرگە، قوعامدىق ۇيىمداردىڭ، مادەنيەت، سپورت سالالارىنىڭ وكىلدەرىنە تاپسىرىلدى، دەپ حابارلايدى اتىراۋ وبلىسىنڭ وڭىرلىك كوممۋنيكاسيالار قىزمەتى.

سالتاناتتى شارادا سويلەگەن اتىراۋ وبلىسىنىڭ اكىمى نۇرلان نوعايەۆ مەملەكەتتىك مەرەكەنىڭ ايرىقشا ماڭىزى بار ەكەنىن اتاپ ٴوتتى.

- ٴار ەلدىڭ، ٴار حالىقتىڭ جىل سايىن تويلاناتىن باستى مەرەكەسى بولادى. قازاقستاندا ول - تاۋەلسىزدىك كۇنى. 27 جىل بۇرىن ٴبىزدىڭ ەلىمىز تاۋەلسىزدىككە قول جەتكىزىپ، الەمدىك قوعامداستىق تاراپىنان قولداۋعا يە بولدى. بۇل اتا-بابامىزدىڭ سان عاسىر بويعى ارمانى مەن ٴۇمىتىنىڭ اقيقاتقا اينالۋى، - دەدى نۇرلان نوعايەۆ. – وسى جىلدار ارالىعىندا مەملەكەت باسشىسىنىڭ سارابدال ساياساتىنىڭ ارقاسىندا ەلىمىز تابىستارعا قول جەتكىزدى. بۇگىنگى قازاقستان دۇنيە جۇزىندەگى ٴىرى مەملەكەتتەرمەن قاتار قاۋىپسىزدىك پەن الەمدىك ەكونوميكانىڭ دامۋىنا ولشەۋسىز ۇلەس قوسىپ كەلەدى.

ايماق باسشىسى قازاقستاندىقتاردىڭ بىرلىگى مەن ٴوزارا تۇسىنىستىگى ەلىمىزدىڭ ەكونوميكالىق، الەۋمەتتىك دامۋىنا وڭ ىقپال ەتىپ وتىرعانىن اتاپ ٴوتتى. ٴبىزدىڭ ٴبارىمىزدى بىرىكتىرەتىن ٴبىر دۇنيە - ماقسات قويا ٴبىلۋ، ايانباي ەڭبەك ەتۋ جانە ٴوز حالقىڭا، وتانىڭا قۇرمەتپەن قاراۋ، سول ارقىلى قاي سالادا دا جەتىستىكتەرگە جەتىپ كەلەمىز. وسىنداي ادامداردىڭ ارقاسىندا ٴوڭىرىمىز دە، ەلىمىز دە دامىپ كەلەدى.

- دۇنيە جۇزىندە قانشاما ادامدار ٴوز مەملەكەتتەرىنىڭ تاۋەلسىز بولۋىن ارماندايدى. قازاقستاننىڭ تاۋەلسىزدىگى-حالىقتىڭ باستى بايلىعى. قازاقستان حالقىنىڭ 1991 جاساعان تاڭداۋىنىڭ سارقىلماس تاريحي كۇشىنىڭ ٴتۇيىنى - ازات، تاۋەلسىز ەلدە بەيبىتشىلىك پەن كەلىسىمدە ٴومىر ٴسۇرۋ، جارقىن بولاشاعىن قۇرۋ، - دەدى نۇرلان نوعايەۆ.

الەمنىڭ ساياسي كارتاسىنا ەنگەلى قازاقستاننىڭ ۇستانىمى مەن بەدەلى بەكىدى، حالىقتىڭ ٴال-اۋقاتىنىڭ كوتەرىلۋىنىڭ نەگىزى بولدى، مۇنىڭ ٴبارى مەملەكەتىمىزدىڭ تاۋەلسىزدىگىنىڭ ارقاسىندا بولعان يگىلىكتەر. پرەزيدەنت نۇرسۇلتان نازاربايەۆتىڭ بولاشاقتى بولجاي ٴبىلۋى ساياسي ارەناداعى مەملەكەت تاۋەلسىزدىگىنىڭ ماڭىزدىلىعىن انىق كورسەتتى.

- ەلدىڭ ٴبىرتۇتاستىعى، قارقىندى دامۋى ٴار قازاقستاندىقتىڭ جاعدايىنىڭ جاقسارۋىنا وڭ اسەر ەتەدى. مۇنى ٴبىزدىڭ وڭىرىمىزدە جاسالىپ جاتقان جۇمىستار ارقىلى دا باعامداۋعا بولادى. ٴقازىر ايماقتا الەۋمەتتىك-ەكونوميكالىق دامۋعا قاجەت العىشارتتاردىڭ ٴبارى بار. جاڭا الەۋمەتتىك نىساندار سالىنىپ، ەكونوميكانىڭ بارلىق سالالارى دامۋدا، تۇرعىنداردىڭ تۇرمىس دەڭگەيى ارتۋدا، بۇل ٴبىزدىڭ باستى تابىسىمىز، - دەدى وبلىس اكىمى.

قۇتتىقتاۋ سوزىنەن سوڭ نۇرلان نوعايەۆ ٴبىرقاتار اتىراۋلىقتاردى «پاراسات»،

«قۇرمەت»، iii دارەجەلى «ەڭبەك داڭقى» وردەندەرىمەن، «ەرەن ەڭبەگى ٴۇشىن »، «شاپاعات» مەدالدارىمەن جانە العىس حاتتار مەن ماقتاۋ قاعازدارىمەن ماراپاتتادى. تاۋەلسىزدىك كۇنىنە ارنالعان سالتاناتتى شارا مەرەكەلىك كونسەرتپەن اياقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي