BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسكەري ينستيتۋت تاۋەلسىزدىك كۇنىن تويلادى

استانا، baq.kz. تاۋەلسىزدىك مەرەكەسىن راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ جەكە قۇرامى كەڭىنەن اتاپ ٴوتتى. تاۋەلسىزدىك مەرەكەسىن اسكەري وقۋ-ورنىنىڭ جەكە قۇرامى ساپتاي ٴتىزىلىپ، تىك تۇرىپ قارسى الۋدان باستادى.

ورتاعا ينستيتۋتتىڭ جاۋىنگەرلىك تۋى شىعارىلىپ، مەملەكەتتىك ٴانۇران ورىندالدى. ينستيتۋت باستىعى پولكوۆنيك اسقار مۇستابەكوۆ جەكە قۇرامدى قۇتتىقتادى.

«تاۋەلسىزدىك قازاق حالىقىنا وڭاي جولمەن كەلگەن جوق. تالاي سىندارلى جولداردان وتتىك. جوڭعار شاپقىنىشىلىعى، پاتشا بيلىگىنە قارسى تۇرعان ۇلت ازاتتىق كۇرەس، 30-جىلدار باسىنداعى زۇلامات اشتىق، قازاق حالقىن جويىپ جىبەرۋدىڭ از-اق الدىندا بولدى. ٴبىراقتا قاندايدا بولماسىن تۋرا كەلگەن اجال تىرناعىنان بوستاندىقتى سۇيگەن، نامىستى بيىك قويعان ٴور حالىق رەتىندە امان شىعىپ، بۇگىندە ەلباسى سالعان سارا جولمەن ٴجۇرىپ كەلەمىز. شەكارامىزدى بەكىتىپ، ايبىندى اسكەرمىزدى قۇردىق. الىسپەن دە جاقىنمەن دە تاتۋلىق ورناتىپ، ەكونوميكامىزدى نىعايتتىق. قازاقستان حالىقتارىنىڭ دوستىعىن ارتتىرىپ، بۇگىندە تاۋەلسىزدىگىمىزدىڭ 27 جىلدىعىن اتاپ وتۋدەمىز. وسى ورايدا بارلىقتارىڭىزدى ٴتول مەرەكەمىز تاۋەلسىزدىك كۇنىمەن شىن جۇرەكتەن قۇتتىقتايمىن. كوك بايراعى جەلبىرەگەن بۇگىنگىدەي ابىرويلى دا ايبىندى، بەدەلدى دە بەرەكەلى، ىنتىماعى جاراسقان ەلىمىزدىڭ تاۋەلسىزدىگى باياندى بولسىن» - دەدى ول.

مەرەكە بارىسىندا ۇزدىك كورسەتكىشتەرگە قول جەتكىزگەن اسكەري قىزمەتشىلەرگە كەزەكتى اسكەري شەندەر، ماقتاۋ قاعازدارى جانە العىستارمەن قاتار «ٴمىنسىز قىزمەتى ٴۇشىن» i، ii، iii دارەجەلى مەدالدار، قر «قۇرمەتتى ارداگەرى» ٴتوس بەلگىلەرى تابىستالدى.

وسى تۇستا تاۋەلسىزدىگىمىزدىڭ 27 جىلدىعىنا وراي، ينستيتۋت باستىعىنىڭ كۋبوگى ٴۇشىن، ينستيتۋتىمىزدىڭ ٴبىتىرۋشى تۇلەكتەرى 5 كۋرس كۋرسانتتارىنىڭ ۇيىمداستىرۋىمەن، فۋتبولدان، ۆولەيبولدان، اسكەري قويان-قولتىق ۇرىسىنان ٴداستۇرلى xiii كۋرسانتتار سپارتاكيداسى دا ٴوز مارەسىنە جەتتى. وسى مەرەكەلىك ٴىس-شارا بارىسىندا جەڭىمپاز كوماندالار مەن جۇلدەگەرلەردى ينستيتۋت باستىعى گراموتا، مەدالدار، كۋبوكتار جانە باعالى سيلىقتارمەن ماراپاتتادى.

مەرەكەلىك كوسەرتتە ينستيتۋتىمىزدىڭ شىعارماشىلىق توبىمەن قاتار قازاقستان ەسترادا جۇلدىزدارى، ونەر تەاترلارىنىڭ ورەندى جاستارى جانە «سالتانات» بي ٴانسامبىلىنىڭ بيشىلەرى ونەر كورسەتتى.

كونسەرت سوڭىندا ينستيتۋت باستىعى پولكوۆنيك اسقار مۇستابەكوۆ مەرەكەلىس ٴىس-شارانى جوعارى دەڭگەيدە ۇيىمداستىرعان تاربيە جانە يديولوگيالىق باسقارما ۇجىمىنا جەكە قۇرام اتىنان العىسىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي