BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اشىمبايەۆ: ٴبىز ۇلى دالاعا الەم نازارىن اۋدارتا بىلدىك

استانا، baq.kz. "نۇر وتان" پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ قازاقستاندىقتاردى جاڭا جىل مەرەكەسىمەن قۇتتىقتادى.

"قۇرمەتتى دوستار! تاعى ٴبىر جىل تاريح قويناۋىنا ەنىپ بارادى. ٴدال وسى ٴسات – وتكەنگە ٴبىر كوز جۇگىرتىپ، ەسەپ بەرەتىن، بولاشاققا زەر سالىپ، باعىت-باعداردى باعامدايتىن شاق.

وسى رەتتە ٴبىز، قازاقستان ٴۇشىن 2018 جىل جەتىستىكتەرگە تولى بولدى دەپ نىق سەنىممەن ايتا الامىز. سەبەبى، بارلىق سالادا ىلگەرى جىلجىپ، ەكونوميكالىق، ساياسي، الەۋمەتتىك جانە رۋحاني جاڭعىرۋلاردى جۇيەلى تۇردە جالعاستىردىق.

سونىڭ ىشىنەن بيىل ۇلتتىق رۋحانياتىمىزدىڭ جاڭا دەڭگەيگە كوتەرىلگەنىن ەرەكشە اتاپ وتكىم كەلەدى.

شىن مانىندە، ەلباسى ساياساتىنىڭ ارقاسىندا 2018 جىل قازاق ٴۇشىن تاريحي سانانىڭ جاڭعىرىپ، ۇلتتىق بولمىستىڭ بوياۋى قالىڭداي تۇسكەن جىل رەتىندە ەستە قالدى. ويتكەنى، بيىل ۇلتتىق كودتى ساقتاۋدا جانە تاريحي سانامىزدىڭ زامانمەن ۇندەسە قالىپتاسۋى جولىندا اۋقىمدى جۇمىستار اتقاردىق.

ٴبىز بيىل تاريحىمىزدى تانۋدىڭ جاڭا كەزەڭىن باستاپ، ۇلى دالامىزدىڭ الەمدىك وركەنيەتتەگى ورنى مەن وعان قوسقان ۇلەسىنە دۇنيە ٴجۇزىنىڭ نازارىن اۋدارا بىلدىك. قازىرگىدەي جاھاندانۋ جاعدايىندا مۇنداي قادامنىڭ ۇلت، ەل بولىپ ساقتالىپ قالۋعا، تاۋەلسىزدىگىمىزدى نىعايتىپ، ىرگەمىزدى ودان ٴارى بەكىتە تۇسۋگە تيگىزەر اسەرى زور.

وسىنداي ەلدىك، ۇلتتىق مۇددە جولىنداعى يگى ىستەردە «نۇر وتان» پارتياسىنىڭ دا ۇلەسى بار ەكەنىن اتاپ وتكەن ٴجون. پارتيامىز 2018 جىلى ەلباسى تاپسىرمالارىن ورىنداۋدا جانە ۇلتتىق رۋحانياتتىڭ وركەندەۋى جولىندا ٴبىرقاتار جوبالاردى جۇزەگە اسىرا باستادى.

الداعى 2019 جىلدا دا بىزدەر، نۇروتاندىقتار، وسى باعىتتا «ٴبىر جەڭنەن – قول، ٴبىر جاعادان باس شىعارىپ» جۇمىس ىستەيمىز دەپ سەنەمىن.

جاڭا جىلدا الار اسۋلارىمىز بەن باعىندىرار بيىكتەرىمىز كوپ بولسىن!

بارشاڭىزدى جاڭا 2019 جىلمەن شىن جۇرەكتەن قۇتتىقتاي وتىرىپ، كەلەر جىل ٴار قازاقستاندىقتىڭ وتباسىنا شاتتىق پەن قۋانىش، ىرىس پەن بەرەكە اكەلسىن دەپ تىلەيمىن. جاڭا جىل قۇتتى بولسىن!" - دەپ قۇتتىقتادى ماۋلەن اشىمبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي