جالعىزدىقتان قۇتقاراتىن ورىندىق ساتىلىمعا شىعادى - ۇلت ساۋلىعى|06 قازان 2014، 10:57
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جالعىزدىقتان قۇتقاراتىن ورىندىق ساتىلىمعا شىعادى

 استانا. 6 قازان. baq.kz – جاپونيالىق عالىمدار جالعىزدىقتان قۇتقاراتىن ورىندىق ويلاپ تاپتى. بۇل تۋرالى japantoday اقپاراتتىق اگەنتتىگى حابارلادى.

 -جالعىز قالعان ساتتەردە كەيدە ادامنىڭ جىلى قۇشاق اڭسايتىن ساتتەرى بولادى، سوندايدا تاپتىرماس قۇرال. ارينە ادامنىڭ مەيىرىمگە تولى قۇشاعىنا نە جەتسىن،-دەيدى ورىندىقتى ساۋتشى unicare ۇيىمىنىڭ وكىلى.
مۇنى جاپوندىقتار «تىنىشتىق ورىندىعى» دەپ اتاپ وتىر. ورىندىق ارقاسى مەيىرىمدى ٴجۇزدى ادام ٴتارىزدى بولسا، قۇشاقتاۋعا ىڭعايلى ۇزىن قولدارى وتىرعان ادامعا وزىندىك اسەر سىيلايدى ەكەن. مۇنداي ورىندىقتى جاساۋعا سەبەپكەر بولعان جالعىزباستى، پاناسىز قارتتار دەيدى. البەتتە قارتتاردان بولەك قۇشاققا مۇقتاج كەز كەلگەن ادام ورىندىق كومەگىنە جۇگىنە بەرۋگە بولادى.
اتالعان ورىندىقتىڭ اۆتورى unicare كومپانياسى ٴبىر ورىندىقتىڭ قۇنىن 419 اقش دوللارىنا باعالاپ وتىر. ساتىلىمعا توكيودا وتەتىن ٴۇي كۇتىمى جانە وڭالدىرۋ حالىقارالىق كورمەسىندە شىعارماق.
ٴۇش كۇندىك حالىقارالىق كورمە بارىسىندا وزىمەن ٴوزى ٴومىر سۇرەتىن قارت ادامدارعا ارنالعان قارت ادامدارعا ارنالعان نەبىر قۇرىلعىلار ورتاعا قويىلماق.
«بۇل قۇرىلعىلار جالعىزدىقتا ٴومىر سۇرەتىندەرمەن سويلەسە دە الادى، ولاردىڭ كوڭىل-كۇيىن كوتەرىپ، قۇشاقتايدى دا. ولار سونىمەن بىرگە ەسكى جاپون حالىقتىق مۋزىكالارىن دا تىڭداي الادى. سايكەستەندىرىلگەن ۋاقىتتا ٴدارى ىشۋگە، تۇزگە شىعارۋعا ارنالعان ارنايى پروگراممامەن جابدىقتالعان» دەيدى unicare كومپانياسىنىڭ وكىلدەرى.
قازىرگى كۇندە جاپونيانىڭ ٴار ٴتورتىنشى تۇرعىنى 65 جاستان اسقان قارت ادامدار جانە ولار الداعى ون جىلدىقتا 40%-عا ارتا تۇسپەك.

ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي