BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يۋنەيدس سۋبوڭىرلىك كەڭسەسىن قازاقستاندا اشۋدى جوسپارلاۋدا

استانا. 22 قاڭتار. baq.kz – يۋنەيدس ورتالىق ازيا ەلدەرىنە ارنالعان سۋبوڭىرلىك كەڭسەسىن قازاقستاندا اشۋدى جوسپارلاپ وتىر.

بۇل تۋرالى بۇگىن قر دەنساۋلىق ساقتاۋ جانە الەۋمەتتىك دامۋ ٴبىرىنشى ۆيسە-مينيستر س.ز.قايىربەكوۆا مەن يۋنەيدس ۇيىمىنىڭ شىعىس ەۋروپا جانە ورتالىق ازياداعى وڭىرلىك ديرەكتورى ۆينەي سالدانامەن كەزدەسۋىندە تالقىلاندى.

كەزدەسۋدە ايتۆ-جيتس اۋرۋىنىڭ تارالۋىنا قارسى كۇرەستە ورتالىق ازيا وڭىرىندەگى جەتەكشى ەل رەتىندەگى قازاقستاننىڭ ٴرولىن نىعايتۋ جانە 2015 جىلعا جوسپارلانعان يۋنەيدس اتقارۋشى ديرەكتورى ميشەل سەديبەنىڭ قازاقستانعا ساپارى جايى تالقىلاندى. ساپار شەڭبەرىندە يۋنەيدس-تىڭ ورتالىق ازيا ەلدەرىنە ارنالعان سۋبوڭىرلىك كەڭسەسىن قازاقستاندا اشۋ ماسەلەسى تالقىلانادى. تاراپتار سونداي-اق، قازاقستاننىڭ الەمنىڭ ەڭ دامىعان 30 ەلىنىڭ قاتارىنا ەنۋى جولىندا ايتۆ-جيتس اسەرىن تومەندەتۋ جايىن اڭگىمەلەدى.

يۋنەيدس حاتشىلىعىنىڭ قازاقستانداعى كەڭسەسى 1996 جىلى اشىلدى. سول كەزدەن بەرى حالىقارالىق ۇيىم ەل ۇكىمەتىمەن تىعىز قارىم-قاتىناستا جۇمىس ىستەپ كەلەدى. اتاپ ايتقاندا، ايتۆ تارالۋىنا قارسى ٴىس-شارالارعا كومەكتەسۋ، ايتۆ ينفەكسياسىنىڭ الدىن الۋدا ٴتيىستى ستراتەگيالار – ۇلتتىق جانە سالالىق باعدارلامالار ازىرلەۋ، مامانداردىڭ بىلىكتىلىگىن ارتتىرۋ، يننوۆاسيالىق امالدار ەنگىزۋ، ايتۆ/جيتس-پەن كۇرەس سالاسىندا جۇمىس ىستەپ جاتقان ازاماتتىق قوعام ۇيىمدارىن دامىتۋعا قولداۋ كورسەتۋ جانە ت.ب. سالالاردا قىزمەت اتقارۋدا.

قازىرگى ۋاقىتتا بۇۇ-نىڭ جيتس سالاسىنداعى قازاقستانداعى قىزمەتى 2010-2015 جىلدارعا ارنالعان قازاقستاندى دامىتۋ ماقساتىندا كومەك كورسەتۋ جونىندەگى بۇۇ باعدارلاماسىن جانە «سالاماتتى قازاقستان» مەملەكەتتىك باعدارلاماسىن باسشىلىققا الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي