BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
استانا:

ۇلتتىق عىلىمي حيرۋرگيا ورتالىعىندا بيىل 2 مىڭعا جۋىق بىرەگەي وتا جاسالدى

استانا، baq.kz. الماتىداعى قر ٴدسم-نىڭ ا.ن. سىزعانوۆ اتىنداعى ۇلتتىق عىلىمي حيرۋرگيا ورتالىعىندا بيىل 2 مىڭعا جۋىق بىرەگەي وتا جاسالدى، دەپ حابارلايدى قر دسم ٴباسپاسوز قىزمەتى.

2018 جىلدىڭ 11 ايىندا جوعارى تەحنولوگيالىق مەديسينالىق قىزمەت كورسەتۋ اياسىندا ا. ن. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ ماماندارى 2 ملرد تەڭگەدەن استام سوماعا تەگىن مەديسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە 1959 وتا جاسادى. قازىرگى زامانعى، وزىق تەحنولوگيالاردى قولدانا وتىرىپ: كارديوحيرۋرگيا، ميكروحيرۋرگيا، ترانسپلانتولوگيا، ينتەرۆەنسيالىق اريتمولوگيا، گەپاتوبيليارلىق حيرۋرگيا سىندى بەيىندەر بويىنشا وپەراسيالار جۇزەگە استى.

ەڭ كۇردەلىسى – ٴتىرى دونوردان اعزالاردى ترانسپلانتاسيالاۋ. بۇگىندە ادامداردى تولىققاندى ومىرگە قايتارۋعا كومەكتەسەتىن وسىنداي وتالار سانى جىلدان جىلعا ارتىپ كەلەدى.

جوعارى تەحنولوگيالىق مەديسينالىق قىزمەتتەر تمككك شەڭبەرىندە قازاقستان ازاماتتارىنا تەگىن ۇسىنىلادى. مەملەكەت ەسەبىنەن تولەنەتىن ٴبىر وتانىڭ قۇنى 200 مىڭ مەن 5 ملن تەڭگە اراسىندا.

ايماقتارداعى باسقا قالالاردان كەلەتىن ناۋقاستارعا قىزمەت كورسەتۋ 69 % قۇرايدى. پاسيەنتتەر اراسىندا الماتى وبلىسى تۇرعىندارىنىڭ ۇلەس سالماعى – 33،1%، قىزىلوردا وبلىسىنان – 11،5%، تۇركىستان وبلىسىنان – 7،0% جانە جامبىل وبلىسىنان – 6،8% قۇرايدى.

ورتالىقتا ٴقازىر 128 دارىگەر جۇمىس جاسايدى، ونىڭ ىشىندە: 11 مەديسينا عىلىمدارىنىڭ دوكتورى، 22 مەديسينا عىلىمدارىنىڭ كانديداتى، 26 جوعارى ساناتتى دارىگەر، 35 ٴبىرىنشى جانە ەكىنشى ساناتتاعى دارىگەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي