BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندا سيفرلاندىرىلعان جەدەل-جاردەم ورتالىعى اشىلدى

تۇركىستان، baq.kz. تۇركىستان وبلىسىنىڭ ورتالىعىندا جاڭا زامان تالاپتارىنا ساي جابدىقتالىپ، 100% ساندىق جۇيەگە قوسىلعان “جەدەل-جاردەم مەديسينالىق ورتالىعىنىڭ” اشىلۋ ٴراسىمى ٴوتتى.

وعان وبلىس اكىمى جانسەيىت تۇيمەبايەۆ قاتىستى. سالتاناتتى شارا بارىسىندا "وبلىستىق جەدەل-جاردەم مەديسينالىق ستانساسىنا" ٴۇش سۋ جاڭا ارنايى كولىك سىيعا تارتىلدى.

"تۇركىستان وبلىسىندا مەديسينا سالاسىندا جاسالىپ جاتقان جۇمىستار جەتكىلىكتى. ولار - كومپيۋتەرمەن قامتاماسىز ەتۋ بولسىن، سيفرلاندىرۋ بولسىن، مەكەمەلەردى كولىكتەرمەن قامتاماسىز ەتۋ بولسىن، بارلىعى ٴوز رەتىمەن، جەتكىلىكتى دەڭگەيگە جۇرگىزىلىپ كەلەدى. اسىرەسە، سالالىق دارىگەرلەردىڭ ٴبىلىمىن جەتىلدىرۋ جۇمىستارىنا توقتالار بولساق، وتكەن جىلداردى ايتپاعاننىڭ وزىندە، بيىل بىرنەشە مامان شەتەلدە ٴبىلىمىن جەتىلدىرىپ قايتتى. بۇل، ٴوز كەزەگىندە، وڭىرىمىزدەگى اتالعان سالانىڭ ودان ٴارى دامىپ، وركەندەۋىنە جول اشادى دەپ بىلەمىن"، - دەدى اكىم ورتالىققا تارتۋ ەتىلگەن كولىكتەردىڭ كىلتىن تابىستاۋ كەزىندە.

وسىعان دەيىن "تۇركىستان قالالىق جەدەل-جاردەم مەديسينالىق ستانساسى" بولىپ كەلگەن مەكەمە اتاۋىن "وبلىستىق جەدەل-جاردەم مەديسينالىق ورتالىعىنا" اۋىستىرىپ، وبلىستىق مارتەبەگە يە بولعان مەديسينالىق نىسان جاڭا عيماراتقا كوشتى. وبلىس اۋماعىندا تاۋلىگىنە ەمحانالىق كومەككە قارالاتىن 34 مىڭ ادامعا جەدەل مەديسينالىق كومەككە جۇگىنەتىن 5 مىڭنان استام ادام تىركەلەدى.

ورتالىق تولىقتاي “كومەك” باعدارلاماسىنىڭ اۆتوماتتاندىرىلعان باسقارۋ جۇيەسىمەن جۇمىس ىستەيدى. سونىمەن قاتار، 2019 جىلدان باستاپ تۇركىستان وبلىسىنىڭ اۋداندارىنداعى جەدەل-جاردەم ستانسالارى تۇركىستان وبلىسىنىڭ دەنساۋلىق ساقتاۋ باسقارماسىنىڭ “وبلىستىق جەدەل-جاردەم مەديسينالىق ستانساسى” شجق مكك بولىپ ورتالىقتاندىرىلماق. بۇل جەردە call - ورتالىعى جۇمىس ىستەيدى. بارلىق اۋداندارداعى جەدەل جاردەم ستانساسىنىڭ جۇمىسى وسى ورتالىقتىڭ قاداعالاۋىندا بولادى. بۇل دەگەنىمىز، تۇركىستان وبلىسىنىڭ كەز كەلگەن ەلدى مەكەنىنەن جەدەل جاردەم كومەگىنە جۇگىنگەن ناۋقاستىڭ قوڭىراۋى تىكەلەي ورتالىققا قوسىلادى دەگەن ٴسوز. شاقىرتۋ تۇسكەن جەرگە ەڭ جاقىن بريگادانى انىقتاپ، ناۋقاس جايلى تولىق اقپارات جىبەرىلەدى. وسىلايشا، العاشقى مەديسينالىق كومەك جەدەل ٴارى ساپالى كورسەتىلەدى.

مەديسينالىق ۇيىمداردى ماتەريالدىق- تەحنيكالىق قوندىرعىلارمەن قامتاماسىز ەتۋگە بيىل 8 ملرد. تەڭگە ٴبولىنىپ، جاراقتالۋ كورسەتكىشى 65،7%- عا جەتكەن. الداعى ۋاقىتتا تۇركىستان وبلىسىندا پەريناتالدىق، مامانداندىرىلعان كارديولوگيالىق، ونكولوگيالىق، پسيحونەۆرولوگيالىق، ناركولوگيالىق ورتالىقتار مەن ەمحانالار سالۋ جوسپارلانۋدا. جىل باسىنان بەرى 47 سانيتارلىق جانە ارنايى اۆتوكولىك ساتىپ الىنىپ، حالىق يگىلىگىنە پايدالانۋعا بەرىلگەن. سونداي-اق، مەملەكەتتىك -جەكەمەنشىك ارىپتەستىك اياسىندا جەدەل جاردەم قىزمەتىن سەنىمگەرلىككە باسقارۋعا بەرۋ جوسپارلانىپ وتىر. بۇل باعىتتا وبلىس بويىنشا 150 سانيتارلىق اۆتوكولىكپەن قامتاماسىز ەتۋ كوزدەلۋدە.

ەلباسى ن.ٴا.نازاربايەۆتىڭ قازاقستان حالقىنا ارناعان جولداۋىندا بەرىلگەن تاپسىرمالاردىڭ ٴبىرى - 2019 جىلدىڭ 1 قاڭتارىنان باستاپ مەديسينا سالاسى قاعازسىز قۇجات اينالىمىنا كوشىرۋ بولاتىن. ەلباسى بيىلعى جولداۋىندا «اقپاراتتىق جۇيەلەردى بىرىكتىرۋ، موبيلدىك سيفرلىق قوسىمشالاردى قولدانۋ، ەلەكتروندىق دەنساۋلىق پاسپورتىن ەنگىزۋ، «قاعاز قولدانبايتىن اۋرۋحاناعا» كوشۋ ارقىلى مەديسينالىق كومەكتىڭ قولجەتىمدىلىگى مەن تيىمدىلىگىن ارتتىرۋ قاجەت»، دەپ دەنساۋلىق ساقتاۋ سالاسىنىڭ ماماندارىنا مىندەت جۇكتەگەنى بەلگىلى. مەملەكەت باسشىسىنىڭ جولداۋدا كورسەتىلگەن تاپسىرماسىن باستى نازارعا الا وتىرىپ، تۇركىستان وبلىسىنىڭ دەنساۋلىق ساقتاۋ سالاسى 100% ساندىق جۇيەگە كوشىپ، قاعازسىز جۇمىس ىستەۋگە بەت بۇردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي