تۋبەركۋلەزگە شالدىققاندارعا كەي وڭىرلەردە قاراجات تيىسىنشە جۇمسالماۋدا - ۇلت ساۋلىعى|15 قازان 2014، 15:57
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۋبەركۋلەزگە شالدىققاندارعا كەي وڭىرلەردە قاراجات تيىسىنشە جۇمسالماۋدا

 استانا. 15 قازان. baq.kz - بۇل تۋرالى تۋبەركۋلەزبەن سىرقاتتانۋشىلىقتى تومەندەتۋ جونىندەگى رەسپۋبليكالىق شتابتىڭ سەلەكتورلىق رەجىمدە وتكەن كەڭەيتىلگەن وتىرىسى بارىسىندا قر دەنساۋلىق ساقتاۋ جانە الەۋمەتتىك دامۋ ٴبىرىنشى ۆيسە-مينيسترى س.قايىربەكوۆا مالىمدەدى.

 ونىڭ ايتۋىنشا، وڭىرلەردەگى تۋبەركۋلەزگە قارسى مەكەمەلەر اۋرۋدى تەز ارادا انىقتايتىن قوندىرعىلارمەن تولىق كولەمدە قامتىلماعان. باكتەريولوگيالىق زەرتتەۋلەر وتكىزۋگە قاجەتتى رەاكتيۆتەر مەن شىعىن ماتەريالدارىمەن قامتاماسىز ەتۋدە دە ىركىلىستەر بولىپ تۇرادى. ناۋقاستاردى امبۋلاتوريالىق دەڭگەيدە ەمدەۋ بارىسىندا الەۋمەتتىك قولداۋ ٴتيىستى دەڭگەيدە كورسەتىلمەي كەلەدى. تۋبەركۋلەزگە قارسى ٴبىرقاتار مەكەمەلەردىڭ ماتەريالدىق-تەحنيكالىق بازاسى ينفەكسيالىق باقىلاۋ تالاپتارىنا ساي كەلە بەرمەيدى. سونداي-اق، تۋبەركۋلەزگە قارسى قىزمەتتى قارجىلاندىرۋدىڭ ٴتيىمسىز تەتىگى پروبلەمالارى تۋىنداپ وتىرادى. «تۋبەركۋلەزگە شالدىعۋشىلىق جانە ودان بولاتىن ٴولىم-جىتىمنىڭ تومەندەۋىنە بايلانىستى توسەك-ورىندار سانى قىسقارۋدا، دەگەنمەن كەيبىر وڭىرلەردە ودان بوساعان قاراجات تۋبەركۋلەزگە شالدىققان ناۋقاستاردى امبۋلاتورلىق ەمدەۋگە جانە ولاردى الەۋمەتتىك قولداۋعا باعىتتالماي وتىر. تيىسىنشە بۇل جاعداي جۇرگىزىلەتىن ەمنىڭ تيىمدىلىگىنە كەرى اسەر ەتۋدە»،-دەدى س.قايىربەكوۆا.

ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي