تۋبەركۋلەزگە قارسى تۇرمە مەكەمەلەرىنىڭ ەشقايسىسىندا ينفەكسيالىق باقىلاۋ شاراسى جوق – ت. ابىلدايەۆ - ۇلت ساۋلىعى|15 قازان 2014، 16:12
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۋبەركۋلەزگە قارسى تۇرمە مەكەمەلەرىنىڭ ەشقايسىسىندا ينفەكسيالىق باقىلاۋ شاراسى جوق – ت. ابىلدايەۆ

 استانا. 15 قازان. baq.kz - قىلمىستىق-اتقارۋ جۇيەسىنىڭ تۋبەركۋلەزگە قارسى مەكەمەلەرىنىڭ ماتەريالدىق-تەحنيكالىق بازاسى ينفەكسيالىق باقىلاۋ تالاپتارىنا ساي كەلمەيدى. بۇل تۋرالى تۋبەركۋلەزبەن سىرقاتتانۋشىلىقتى تومەندەتۋ جونىندەگى رەسپۋبليكالىق شتابتىڭ سەلەكتورلىق رەجىمدە وتكەن كەڭەيتىلگەن وتىرىسى بارىسىندا تۋبەركۋلەزگە قارسى ۇلتتىق ورتالىعىنىڭ ديرەكتورى تىلەۋحان ابىلدايەۆ مالىمدەدى دەپ حابارلايدى قر ٴدسادم ٴباسپاسوز قىزمەتى.

 

 ونىڭ سوزىنە قاراعاندا، ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتىنە قاراستى تۋبەركۋلەزگە قارسى مەكەمەلەردىڭ ماتەريالدىق-تەحنيكالىق بازاسىنىڭ جاعدايىن باعالاۋ ٴۇشىن ۆەدومستۆوارالىق جۇمىس توبى قۇرىلدى. جۇمىس توبىنىڭ مۇشەلەرى پەنيتەنسيارلىق جۇيەنىڭ تۋبەركۋلەزگە قارسى مەكەمەلەرىنىڭ بارلىعىنا بارىپ، ولاردىڭ بىردە-بىرىندە ينفەكسيالىق باقىلاۋ شارالارى ساقتالمايتىنىن جانە مەحانيكالىق جەلدەتكىش جۇيەسىنىڭ جوقتىعىن انىقتاعان.
«ينفەكسيالىق باقىلاۋ جۇيەسىن ورناتا وتىرىپ، كۇردەلى جوندەۋ جۇمىستارىن جۇرگىزۋ كەرەك. ىشكى ىستەر مينيسترلىگى ٴتيىستى ەسەپتەمە جۇرگىزدى جانە قاجەتتى قاراجات بولىنگەن جاعدايدا تۇرمەلەردە تۋبەركۋلەزدى ەلەۋلى تۇردە تومەندەتۋگە جاعداي جاساۋعا بولادى»،-دەدى تۋبەركۋلەزگە قارسى ۇلتتىق ورتالىعىنىڭ ديرەكتورى.
سونداي-اق، قىلمىستىق-اتقارۋ جۇيەسىنىڭ تۋبەركۋلەزگە قارسى مەكەمەلەرىندە اۋرۋدىڭ سوزىلمالى تۇرىنە شالدىققان ناۋقاستاردى وقشاۋلاۋ ٴۇشىن جاعدايلار جاسالماعان. ٴارى دياگنوستيكالاۋدىڭ جىلدام ادىستەرىمەن قامتۋ جانە ناۋقاستاردى ەمدەۋ دە ٴتيىستى دەڭگەيدە جۇرگىزىلمەيتىندىگىن ايتتى. 

ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي