BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەگىن دارى-دارمەك بەرۋ بارىسىن باقىلايتىن جاڭا جۇيە ىسكە قوسىلادى

استانا، baq.kz. قازاقستاندا تەگىن دارى-دارمەك بەرۋ بارىسىن باقىلاۋدىڭ جاڭا ٴتۇرى پايدا بولادى. جىل سوڭىندا ىسكە قوسىلاتىن بۇل جوبا كەپىلدەندىرىلگەن تەگىن مەديسينالىق كومەك شەڭبەرىندە كورسەتىلەتىن قىزمەتتەرگە اقى تولەۋ پروسەسىن جەتىلدىرۋدى كوزدەيدى. بۇل تۋرالى «الەۋمەتتىك مەديسينالىق ساقتاندىرۋ قورى» كەاق باسقارما ٴتوراعاسىنىڭ مىندەتىن اتقارۋشى بوتاگوز جاقسەلەكوۆا ايتتى.

«2018 جىلدىڭ باسىندا مەديسينالىق ساقتاندىرۋ قورى (مسق) كەپىلدەندىرىلگەن تەگىن كومەك پاكەتى شەڭبەرىندە بەرىلەتىن دارى-دارمەك پەن مەديسينا بۇيىمدارىنا اقى تولەۋ ٴتارتىبىن وزگەرتتى. ياعني، بۇرىن دارى-دارمەك پەن مەديسينالىق ماقساتتاعى بۇيىمدار اقىسى دارىگەر جازعان رەسەپت بويىنشا تولەنگەن بولسا، بيىلدان باستاپ ٴدارى قولما-قول بەرىلگەن رەسەپتىلەرگە عانا تولەنەدى. اتاپ ايتقاندا، پاسيەنت ٴدارىنى العان كەزدە ٴتيىستى قۇجاتتارعا قول قويادى. سودان كەيىن تولەم تۋرالى مالىمەت «دارى-دارمەكپەن قامتاماسىز ەتۋ» اقپاراتتىق جۇيەسىنە ەنگىزىلەدى. ەندىگى كەزەڭدە باقىلاۋ جۇيەسىنە پاسيەنتتەردىڭ وزدەرىن تارتۋ كوزدەلگەن. بۇگىن ٴبىز وسى جۇيەنى نوبايلى جوبا رەتىندە ىسكە قوسىپ وتىرمىز»، - دەدى بوتاگوز جاقسەلەكوۆا.

ونىڭ ايتۋىنشا، بۇگىننەن باستاپ دەنساۋلىق ساقتاۋ مينيسترلىگى، مسق مەن «سك-فارماسيا» جشس بىرلەسىپ sms-حابارلاما جۇيەسىن ىسكە قوستى. جوبا شەڭبەرىندە پاسيەنتتەرگە 2018 جىلدىڭ سوڭىنا دەيىن sms-حابارلاما جىبەرۋ كوزدەلگەن. حابارلاما بيىلعى قاراشا-جەلتوقسان ايلارىندا تەگىن دارى-دارمەك العاندار تىزىمىنە ەنگەن پاسيەنتتەرگە جىبەرىلەدى. جوسپار بويىنشا، حابارلاما رەسەپتىلەردە كورسەتىلگەن 3 ملن نومىرگە ٴتۇسۋى ٴتيىس.

حابارلامادا دارى-دارمەكتىڭ بەرىلگەن كۇنى مەن اتاۋى كورسەتىلەدى. ەگەر پاسيەنت پرەپاراتتاردى الماعان بولسا، sms-حابارلاماعا جاۋاپ رەتىندە «0» سيفرىن جولدايدى نەمەسە «سك-فارماسيا» ٴجشس-نىڭ 1439 بايلانىس نومىرىنە قوڭىراۋ شالۋعا بولادى.

«البەتتە، پاسيەنتتەردىڭ امبۋلاتورلىق كارتالارىندا كورسەتىلگەن تەلەفون نومىرلەرى قاتە بولۋى مۇمكىن. سول سەبەپتى sms-حابارلامانى بارىنە بارادى دەۋ قيىن. سوندىقتان «سك-فارماسيانىڭ» بايلانىس ورتالىعىنا شاعىمدانۋعا بولاتىنىن ەسكە سالعىمىز كەلەدى»، - دەدى جاقسەلەكوۆا.

الىنعان مالىمەتتەر ساراپتالىپ، ٴار فاكتى جەكە-جەكە تەكسەرىلەدى. انىقتالعان زاڭ بۇزۋشىلىقتار قر دەنساۋلىق ساقتاۋ مينيسترلىگى مەن قوعامدىق دەنساۋلىق ساقتاۋ كوميتەتىنە جولدانادى.

حابارلاما ناتيجەسى مەن اقپاراتتىق جۇيەدەگى مالىمەتتەر اراسىندا ايتارلىقتاي الشاقتىق تابىلىپ جاتسا، جوبا مەرزىمى ۇزارتىلادى. سونىمەن قاتار، بولاشاقتا ول كەپىلدەندىرىلگەن تەگىن مەديسينالىق كومەك شەڭبەرىندە كورسەتىلەتىن وزگە دە قىزمەتتەرگە قولدانىلۋى مۇمكىن.

دارى-دارمەك پەن مەديسينالىق ماقساتتاعى بۇيىمداردى «سك-فارماسيا» جشس مسق-مەن اراداعى كەلىسىمشارتتان تۇسكەن قارجى ەسەبىنەن مەديسينا ۇيىمدارىنان تۇسكەن وتىنىشتەر نەگىزىندە ساتىپ الادى. 2018 جىلى مسق مەن «سك-فارماسيا» جشس اراسىندا 101،9 ملرد تەڭگەگە كونتراكت بەكىتىلگەن بولاتىن. بيىلعى جىلدىڭ ٴ5-شى جەلتوقسانىنا دەيىن ەلدەگى مەديسينا ۇيىمدارى 79 ملرد تەڭگەگە رەسەپت جازىپ بەرگەن. سونىڭ ىشىندە، 73،1 ملرد تەڭگەنىڭ ٴدارىسى پاسيەنتتەر قولىنا تيگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي