BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالدىقورعاندا تمد-دا تەڭدەسى جوق ورتالىق اشىلدى

استانا، baq.kz. تالدىقورعان قالالىق كوپ سالالى اۋرۋحاناسىندا «الماتى وبلىسىندا مەديسينالىق اقپاراتتىق جۇيەلەردى كەشەندى ەنگىزۋ» جوباسى شەڭبەرىندە قاتەرلى ىسىك اۋرۋلارىن ەرتە دياگنوستيكالاۋ جاعداياتتىق ورتالىعى اشىلدى. بۇل تۋرالى الماتى وبلىسى اكىمىنىڭ ٴباسپاسوز قىزمەتى حابارلايدى.

بۇل ەرەكشە جوبا وبلىستىق دەنساۋلىق ساقتاۋ باسقارماسىنىڭ قولداۋىمەن مەملەكەتتىك-جەكەمەنشىك ارىپتەستىك نەگىزىندە جۇزەگە اسىرىلدى. تمد-دا تەڭدەسى جوق، قازاقستاندا العاش اشىلعان ورتالىق الماتى وبلىسىنىڭ 13 مەديسينالىق مەكەمەسىن ٴبىرىڭعاي مەديسينالىق جۇيەگە بىرىكتىرەدى. ول كومپيۋتەرلىك، ماگنيتتىك-رەزونانستىق توموگرافيانى، رەنتگەنوگرافيانى، ماموگرافيانى قوسا العاندا بارلىق زەرتتەۋلەردى ٴبىر ورتاعا ورتالىقتاندىرۋعا مۇمكىندىك بەرەدى.

ايتۋلى نىساننىڭ اشىلۋ سالتاناتىنا قر دەنساۋلىق ساقتاۋ ۆيسە-مينيسترى ٴلازات اقتايەۆا مەن وبلىس اكىمىنىڭ ورىنباسارى اقان ابدۋاليەۆ قاتىستى.

مەديسينا ماماندارىنىڭ ايتۋىنشا، بۇگىنگى كۇنى وكپە راگى مەن ٴسۇت بەزى راگى قاتەرلى ىسىكتىڭ كەڭ تاراعان تۇرلەرىنە جاتادى. سوندىقتان بۇل قاتەرلى سىرقاتتى ەرتە انىقتاۋدىڭ ماڭىزى زور، سونىڭ ناتيجەسىندە ەمدى دە ەرتە باستاۋعا مۇمكىندىك تۋادى. جاڭا جاعداياتتىق ورتالىق وسى باعىتتا جۇمىس ىستەيدى.

جاعداياتتىق ورتالىق جۇمىسىن تانىستىرۋ كەزىندە «wdsoft» جشس باسشىسىنىڭ ورىنباسارى، جوبانىڭ جەكە سەرىكتەسى ەرلان جانىبەكوۆ ورتالىق مەملەكەت باسشىسى جۇكتەگەن 4 نەگىزگى مىندەتتى قاتار شەشە الاتىنىن اتاپ ٴوتتى. بۇل ەڭ الدىمەن - اۋرۋدى ەرتە كەزەڭدە انىقتاۋ، ەكىنشىدەن، راديولوگ دارىگەر مامانداردىڭ جەتىسپەۋشىلىگىن شەشۋ، دەنساۋلىق ساقتاۋ سالاسىن سيفرلاندىرۋ، جاساندى ينتەللەكتتى قولدانۋ ارقىلى عىلىمنىڭ وزىق جەتىستىكتەرىن پايدالانۋ. بۇل رەتتە دياگنوستيكالاۋدا جاساندى ينتەللەكتىنى قولدانۋ مۇمكىندىگى وكپە جانە ٴسۇت بەزى راكتارىن ەرتە كەزەڭدە انىقتاۋدى 13%-تەن 60%-كە ۇلعايتۋعا ىقپال ەتەدى. ادامنىڭ كوزى 5 مم كولەمنەن جوعارى جاڭا وسكىندى كورسە، جاساندى ينتەللەكت 1 مم-دەن باستالعان وسكىندى كورە الادى.

كادر جەتىسپەۋشىلىگى ماسەلەسىنە كەلسەك، وبلىستا بار بىلىكتى ماماندار راديولوگيالىق زەرتتەۋلەرگە قاشىقتان-اق ساپالى سيپاتتاما جاساي الادى. تاجىريبەدەگى ماماندار ٴۇشىن بۇل الىنعان قورىتىندىنىڭ جەدەلدىگى مەن وعان دەگەن قولجەتىمدىلىك رەتىندە باعالانادى. ٴتۇرلى بەيىندەگى ۋرگەنتتىك ماماندار قاي جەردە وتىرعاندارىنا قاراماستان كەسكىندى ٴوز سمارتفوندارىنان كورىپ، شەشىم قابىلداي الادى. بۇل بەلگىلى ٴبىر ەمگە دايىنداۋعا كەتەتىن ۋاقىتتى ۇنەمدەۋگە ىقپال ەتەدى. سونىمەن قاتار كونسيليۋم وتكىزۋ مۇمكىندىگىن كەڭەيتىپ، تاجىريبەسى مول ماماندارمەن بىرلەسىپ تالقىلاۋعا جاعداي جاسايدى، وسىنىڭ ٴبارى دارىگەرلەردىڭ، اسىرەسە جەدەل باعىتتاعى دارىگەرلەردىڭ كۇندەلىكتى جۇمىسىندا زور ماڭىزعا يە بولماق.

اتاپ وتسەك، جوبا شەڭبەرىندە قۇرىلعان ٴبىرىڭعاي قورعالعان اقپاراتتىق جۇيە الاكول، ەسكەلدى، جامبىل، سارقان، قاراساي، تالعار، ەڭبەكشىقازاق، ۇيعىر ، ىلە اۋداندىق ورتالىق اۋرۋحانالارىن، تالدىقورعان قالالىق № 1، 2 ەمحانالاردى، تالدىقورعانداعى وبلىستىق ونكولوگيالىق ديسپانسەردى، وبلىستىق اۋرۋحانانى بىرىكتىرەدى. سونداي-اق بارلىق مالىمەتتەر تالدىقورعاندا جاعداياتتىق ورتالىق بازاسىندا مۇراعاتتالادى.

وبلىستاعى جوعارىدا اتاپ وتكەن 13 مەديسينالىق ۇيىم ٴدال وسىنداي قۇرالدارمەن سيفرلاندىرىلعان، ولاردا جوعارى جىلدامدىقتى قورعالعان جەكە ۆپن-كانال جۇرگىزىلگەن، سول ارقىلى كەسكىندەر جىبەرىلەدى، لوكالدى جۇيە جاڭارتىلدى، بۇزىلۋعا توتەپ بەرەتىن تەڭدەسسىز سەرۆەرلىك قۇرىلعى، قاجەتتى باعدارلامالىق قامتاماسىز ەتۋ جۇيەسى (اكگيۋن راديولوگيالىق اقپاراتتىق جۇيەسى، كەسكىندەردى وڭدەۋ جانە مۇراعاتتاۋدىڭ pacs اكگيۋن جۇيەسى، ٴسۇت بەزى راگىن ماشينالىق انىقتاۋ جۇيەسى (x-eye mammo)، وكپە راگىن ماشينالىق انىقتاۋ جۇيەسى (x-eye toraks)، كورىلىم جانە ت.ب. ساپاسىن جاقسارتۋ ٴۇشىن ساراپشىلىق سىنىپتا 27 سيفرلىق مەديسينالىق مونيتور جانە باسقا دا قۇرىلعىلار ورناتىلدى. رەنتگەنولوگ دارىگەرلەر مەن لابورانتتاردىڭ جۇمىس ستانساسى جابدىقتالىپ، اتالعان ماماندار وقىتىلدى. جاعداياتتىق ورتالىق جاپون ونكولوگيالىق ينستيتۋتىنىڭ زەرتتەۋ بازاسىندا تۇركيالىق جانە قازاقستاندىق ماماندارمەن بىرلەسىپ ۇيىمداستىرىلدى. مەملەكەتتىك-جەكەمەنشىك ارىپتەستىك بويىنشا جۇزەگە اسىرىلعان جوبانىڭ قۇنى 2 ملرد. 7 ملن. تەڭگەدەن استام قارجىنى قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي