BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالدىقورعاندا قاتەرلى ىسىكتى ەرتە انىقتايتىن ورتالىق اشىلدى

استانا، baq.kz. تالدىقورعانداعى كوپسالالى اۋرۋحانا جانىنان «الماتى وبلىسىندا مەديسينالىق اقپاراتتىق جۇيەنى كەشەندى ەنگىزۋ» جوباسى اياسىندا قاتەرلى ىسىكتى ەرتە انىقتايتىن ورتالىق اشىلدى. ورتالىقتى اشۋعا قازاقستان رەسپۋبليكاسى دەنساۋلىق ساقتاۋ ۆيسە-مينيسترى ليازات اقتايەۆا ارنايى كەلدى.

زاماناۋي قوندىرعىلارمەن جابدىقتالعان كابينەتتىڭ لەنتاسىن قييۋ سالتاناتىنا وبلىس اكىمىنىڭ ورىنباسارى اقان ابدۋاليەۆ جانە وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق قاتىستى.

ورتالىق جەكەمەنشىك جانە مەملەكەتتىك ارىپتەستىك نەگىزىندە ىسكە اسىرىلدى. اتالعان جوبا ەل پرەزيدەنتى نۇرسۇلتان نازاربايەۆتىڭ حالىققا ارناعان جولاۋىندا ايتىلعان ٴۇش ماڭىزدى تاپسىرمانى ورىنداۋعا باعىتتالعان.

«اتالمىش جوبا شالعاي اۋدانداردىڭ حالقىن وبىر سىرقاتىنا تەكسەرۋدەگى ۇزدىك ۇلگى. ولاردا مامان جوقتىڭ قاسى. جوبا بويىنشا سيفرلىق جۇيەگە قوسىلعان 73 قوندىرعى بار. ولار كەسەلدى ەرتە، ناقتى انىقتاۋعا سەپتىگىن تيگىزەدى»، – دەدى دەنساۋلىق ساقتاۋ ۆيسە-مينيسترى ليازات مەيراشقىزى.

مۇنداي جوبا وسى كۇنگە دەيىن جاپون جانە تۇرىك ەلدەرىندە جۇزەگە اسىرىلىپ كەلگەن. ٴبىزدىڭ كاسىپكەرلەر باستامانى تۇرىك ەلىمەن بىرلەسىپ ىسكە اسىرىپ جاتىر. جوبانىڭ نەگىزگى باسىمدىعىنا ونكولوگيالىق كەسەلدى ەرتە انىقتاۋ ارقىلى سىرقاتتىڭ ٴومىرىن ۇزارتۋ، قازاقستان رەسپۋبليكاسى دەنساۋلىق ساقتاۋ سالاسىنىڭ 2016-2020 جىلدارعا ارنالعان «دەنساۋلىق» باعدارلاماسىن ىسكە اسىرۋ، العاشقى مەديسينالىق-سانيتارلىق كومەك كورسەتۋ جانە ونكولوگيالىق سىرقاتتى ەرتە انىقتاۋ ماقساتىندا سكرينينگتىك تەكسەرۋ جۇرگىزۋ جاتادى. جاساندى ينتەللەكت ارقىلى زەرتتەۋدىڭ ناتيجەسىندە تۋبەركۋلەز جانە ايەلدەردىڭ ٴسۇت بەزى راگىن ەرتە انىقتاۋ 13 پايىزدان 60 پايىزعا وسەدى دەگەن بولجام بار. جوبا مەملەكەتتىڭ قارجىسىن ەداۋىر ۇنەمدەيدى. بارلىق ونكولوگيالىق سىرقاتتىڭ ىشىندە وكپە قاتەرلى ىسىگى 11،8 پايىز، ٴسۇت بەزى كەسەلى 13،8 پايىز مولشەردى قۇرايدى.

بۇعان دەيىن ونكولوگيالىق دەرتتى ەمدەيتىن دارىگەرلەردىڭ جەتىسپەۋشىلىگى، زەرتحانانىڭ شالعايلىعى سىرقاتتى ەرتە انىقتاۋعا قولبايلاۋ بولىپ كەلگەنى جاسىرىن ەمەس. اتالمىش ورتالىق كوپ كەسەلدى جاساندى ينتەللەكت ارقىلى انىقتايدى. كەسەلدى ەرتە تابۋ ەمدى ۋاقىتىندا جۇرگىزۋگە سەپتىگىن تيگىزەدى. بۇل ورايدا ورتالىقتىڭ اتقاراتىن ٴرولى زور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي