BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا انا مەن بالا ٴولىمى ازايماي تۇر

فوتو: altaynews.kz

استانا، baq.kz. وڭىردە انا مەن بالا ٴولىمىنىڭ كورسەتكىشى ازايماي تۇر. 2016-2019 جىلدارعا ارنالعان مەملەكەتتىك «دەنساۋلىق» باعدارلاماسى بويىنشا وبلىس انا مەن بالا ٴولىمى كورسەتكىشىن ازايتۋ مەجەسىنە جەتە الماعان. بۇل تۋرالى altaynews.kz سايتى حابارلايدى.

بۇل جونىندە وبلىستىق دەنساۋلىق ساقتاۋ باسقارماسىنىڭ باسشىسى مارات شورانوۆ «نۇر وتان» پارتياسى وبلىستىق فيليالىندا وسى باعدارلامانىڭ جۇزەگە اسىرىلۋ بارىسى جونىندە بايانداعاندا اتاپ ٴوتتى.

باسقارما باسشىسىنىڭ ايتۋىنشا، جوسپار بويىنشا بيىل بۇل كورسەتكىش 7،19 فاكت شاماسىندا بولۋى ٴتيىس ەدى. الايدا، سوڭعى ون ايدا 1000 ٴتىرى تۋعان سابيگە شاققاندا 7،6 فاكت تىركەلىپ وتىر. رەسپۋبليكادا بۇل كورسەتكىش – 7،2.

«انا مەن بالا ٴولىمىنىڭ كورسەتكىشىنىڭ ازايماۋىنا نە سەبەپ دەگەن ساۋالعا جاۋاپ ىزدەپ كوردىك. تالداۋ ناتيجەلەرىنەن انا ولىمىنە اكەلىپ سوعاتىن نەگىزگى سەبەپ – قان كەتۋ مەن سەپسيس ەكەندىگى انىقتالدى. ٴسابي ٴولىمىنىڭ باسىم كوپشىلىگىنە سەبەپ – ولاردىڭ تىنىس جولدارى مەن جۇرەك قان تامىرلارى جۇيەسىنىڭ اقاۋىمەن تۋۋىندا. مۇنداي 43 جاعداي تىركەلدى. سول سياقتى گەماتولوگيالىق، تۋا ٴبىتتى پنەۆمونيا جاعدايلارى دا بار. ٴسابي ٴولىمىنىڭ تەك التاۋىنا عانا قايعىلى جاعداي سەبەپ بولعان»، - دەيدى مارات شورانوۆ.

باسقارما باسشىسى انا مەن بالا ٴولىمى كورسەتكىشىن ازايتۋ ماقساتىندا كەشەندى ٴىس-شارالار اتقارىلىپ جاتقاندىعىن ايتادى. اۋداندارداعى پەريناتالدىق كومەك كورسەتۋ دەڭگەيىن جاقسارتۋ ماقساتىندا اياگوز بەن زىريان اۋداندارىنىڭ ورتالىق اۋرۋحانالارىن زاماناۋي قۇرالدارمەن جابدىقتاپ، ەكىنشىدەن ٴۇشىنشى دەڭگەيگە كوتەرۋ، سول ارقىلى كورشى اۋداندارداعى جۇكتى ايەلدەرگە كومەك كورسەتۋ قاراستىرىلعان. سونداي-اق انا مەن بالا ورتالىعىن ۇشىنشىدەن ٴتورتىنشى دەڭگەيگە كوتەرۋ بويىنشا جۇمىستار اتقارىلىپ جاتقاندىعىن اتاپ ٴوتتى باسقارما باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي