BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىمكەنتتە ەمحانالارداعى مەديسينالىق قىزمەتتەر سيفرلاندىرىلدى

استانا، baq.kz. قازىرگى تاڭدا شىمكەنت قالاسىندا مەملەكەتتىك قىزمەتتەردىڭ باسىم بولىگى مەديسينا سالاسىندا كورسەتىلەدى. وسىعان وراي، قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى قالالىق دەنساۋلىق ساقتاۋ باسقارماسىمەن بىرلەسىپ، ەلەكتروندى تۇردە كورسەتۋگە مۇمكىندىگى بار مەملەكەتتىك قىزمەتتەردىڭ ۇلەسىن ارتتىرۋ بويىنشا ٴىس-جوسپار قۇرىلدى.

ٴىس-جوسپار اياسىندا دەپارتامەنت جانە قالا اكىمدىگى تاراپىنان موبيلدىك توپ جاساقتالىپ، شىمكەنت قالالىق ەمحانالاردى مەملەكەتتىك كورسەتىلەتىن قىزمەتتەردىڭ ساپاسىن جانە ەلەكتروندى تۇردە كورسەتىلەتىن مەملەكەتتىك قىزمەتتەردىڭ ۇلەسىن ارتتىرۋ بويىنشا اتقارىلىپ جاتقان جۇمىستار ناتيجەسىنە باق وكىلدەرىمەن بىرگە باقىلاۋ جۇرگىزىلدى.

باقىلاۋ بارىسىندا قالا تۇرعىندارىنىڭ سيفرلىق ساۋاتىن جانداندىرۋ بويىنشا«damumed» «k-vrachu.kz» موبيلدىك قوسىمشالارى ارقىلى ەلەكتروندى كورسەتىلەتىن قىزمەتتەردى الۋ ٴتارتىبى تۋرالى الگوريتىمى كورسەتىلگەن ينفوگرافيكالار جانە ەمحانالاردىڭ ورتالىق زالىنداعى ەكرانداردان بەينەروليكتەر كورسەتۋ قولعا الىنعان.

دەپارتامەنت باسشىسى ٴا.كومەكبايەۆ ٴوز كەزەگىندە، ٴبىزدىڭ ورتاق ماقساتىمىز ازاماتتاردى ۋاقىتتىلىلىققا، دەربەستەندىرۋگە، الدىن الۋعا، تەحنولوگيالىق جانە قاۋىپسىزدىك كريتەرييلەرىنە سايكەس كەلەتىن قولجەتىمدى مەديسينالىق كومەكپەن قامتاماسىز ەتۋ، سونداي-اق دەنساۋلىق ساقتاۋ سالاسىن سيفرلاندىرۋ تۇرمىستىق سىبايلاس جەمقورلىقتى جويۋعا سەپتىگىن تيگىزەتىنىن اتاپ ٴوتتى.

«سونىمەن قاتار، دەپارتامەنتتىڭ 51-51-51 سەنىم تەلەفونى جانە 8(702) 201-51-51 whatsapp نومەرى بارلىق ەمحانا عيماراتتارىندا ىلىنگەن جانە كەلىپ تۇسكەن قوڭىراۋلارعا دەپارتامەنت تاراپىنان ازاماتتاردىڭ قۇقىقتارى بۇزىلعان جاعدايدا قالپىنا كەلتىرۋگە باعىتتالعان شارالار قولدانىلادى» - دەپ مالىمدەدى ٴالي كومەكبايەۆ.

«وزىنە-وزى قىزمەت كورسەتۋ بۇرىشتارى» بارلىق ەمحانالاردا تولىعىمەن قامتاماسىز ەتىلىپ، وعان ارنايى قىزمەتكەرلەردى بەكىتۋ ارقىلى egov.kz، «damumed» جانە «k-vrachu.kz» موبيلدىك قوسىمشالارىمەن الۋ تاسىلدەرى ازاماتتارعا تۇسىندىرىلۋدە» - دەدى باسقارما باسشىسىنىڭ ۋاقىتشا مىندەتىن اتقارۋشى ع.ابىشەۆ.

سونىمەن قاتار، ۋچاسكەلىك دارىگەرلەردىڭ جۇمىسىمەن تانىسىپ، «دارىگەردى ۇيگە شاقىرۋ» مەملەكەتتىك كورسەتىلەتىن قىزمەتى بويىنشا ازاماتتاردان وتىنىشتەر قالاي تۇسەتىنىن ٴىس-شارا بارىسىندا ەمحانا قىزمەتكەرلەرى تاجىريبە كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي