BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەمەيدەگى يادرولىق مەديسينا ورتالىعىنداعى قۇرال-جابدىق قاۋىپسىزدىك تالاپتارىنا ساي ەمەس

شىعىس قازاقستان وبلىسىنىڭ اكىمى دانيال احمەتوۆ سەمەي قالاسىنداعى ٴىس-ساپارى بارىسىندا وڭىردەگى ەڭ ماڭىزدى دەنساۋلىق ساقتاۋ نىساندارىنىڭ ٴبىرىندى بولدى. وكىنىشكە قاراي، مەكەمە جابدىقتالۋىندا كەتكەن كەمشىلىكتەر كەسىرىنەن ٴالى كۇنگە دەيىن ىسكە قوسىلماي تۇر، دەپ حابارلايدى baq.kz اقپارات اگەنتتىگى.

كەزەكتى تەكسەرۋ كەزىندە سۇيىق راديواكتيۆتى قالدىقتاردى ساقتاۋعا ارنالعان جابدىقتىڭ شىمكەنتتەگى كاسىپورىنداردىڭ بىرىندە ازىرلەنگەنى انىقتالدى. ال جوبا بويىنشا ول گەرمانيادان الىنۋى ٴتيىس ەدى. وسىلاي، ساپاسى تالاپقا ساي ەمەس جابدىق – كۇننىڭ باستى پروبلەماسى بولىپ وتىر. ىسكە جاۋاپسىز قاراعاندار قاتارىندا قۇراستىرۋ جۇرگىزگەن كاسىپورىن دا بار. ونىڭ راديواكتيۆتى زاتتارمەن جۇمىس جۇرگىزۋگە ٴتىپتى رۇقسات قاعازى بولماعان. جىرى بىتپەگەن مەكەمەدەگى جاعدايدى كەزەكتى رەت سىنعا العان ايماق باسشىسى ماسەلەنى تۇبەگەيلى شەشۋدى تاپسىردى.

«ليسەنزيا مىندەتتى تۇردە بولۋى ٴتيىس. ٴبىراق، ونى ەشكىم تەكسەرمەگەن. ال جابدىق بولسا، تالاپقا ساي ەمەس. ٴبىز ٴۇشىن حالىقتىڭ قاۋىپسىزدىگى ٴبىرىنشى ورىندا، سوندىقتان ونى مىندەتتى تۇردە اۋىستىرامىز»، - دەدى وبلىس اكىمى دانيال احمەتوۆ.

ايماق باسشىسىنىڭ تاپسىرماسىنا ساي، قازىرگى تاڭدا يادرولىق ورتالىقتاعى ولقىلىقتىڭ ورنىن تولتىرىپ، پروبلەمانى شەشۋدىڭ بىرنەشە جولى قاراستىرىلۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي