استانا: 
1903 
0
استانا، baq.kz. ورتالىقتىڭ قۇرىلىسى 2013 جىلدىڭ جەلتوقسان ايىندا اياقتالۋى ٴتيىس ەدى. وسىدان التى جىل بۇرىن قۇرىلىس جۇمىستارى باستالعان سەمەيدەگى يادرولىق مەديسينا ورتالىعىنىڭ ىسكە قوسىلۋ ۋاقىتى قايتادان كەيىنگە شەگەرىلدى. بۇل تۋرالى altaynews.kz سايتى حابارلايدى.
كوپتەگەن دەرتتى اسقىنباي تۇرىپ انىقتاپ، ەمدەيتىن بۇل مەكەمە 2018 جىلدىڭ قازان ايىندا اشىلۋ كەرەك بولعان ەكەن. بۇل تۋرالى بىلتىر جازدا سەمەي قالاسىنا جۇمىس ساپارىمەن كەلگەن قر ٴماجىلىس دەپۋتاتتارى اراسىندا كەڭىنەن تالقىلانعان.
بۇگىنگى كۇندە جوسپار تولىعىمەن جۇزەگە اسپاي، ٴوز ناتيجەسىن بەرمەي جاتىر. ەڭ العاش ورتالىقتىڭ قۇرىلىسى 2013 جىلدىڭ جەلتوقسان ايىندا اياقتالۋى ٴتيىس ەدى. كەيىن تاعى دا كەيبىر ادامداردىڭ جىبەرگەن قاتەلىكتەرىنە بايلانىستى تاپسىرۋ مەرزىمى 2015 جىلعا دەيىن ۇزارتىلدى. وسىلايشا يگى ٴىستىڭ سوڭى سيىر قۇيىمشاقتانىپ كەتكەن. ەندى، مىنە، «يادرولىق مەديسينالىق ورتالىق» 2019 جىلى پايدالانۋعا بەرىلەدى دەپ جوسپارلانۋدا.
ٴقازىردىڭ وزىڭدە الەۋمەتتىك جەلىدە كۇرمەۋى قيىن تۇيىتكىلدى ماسەلەگە قاتىستى كەرەعار پىكىرلەر كوپتەپ جازىلۋدا. تۇپتەپ كەلگەندە، بارلىعىنىڭ كوكەيىندە ٴبىر عانا سۇراق:«نىساننىڭ سالىنۋىنا بولىنگەن 6 ملرد-قا جۋىق قارجى قالاي يگەرىلىپ جاتىر؟».
ٴتىپتى، ەلىمىزدە ٴدال وسى ورتالىق اشىلعانشا 300 ادامنىڭ اۋرۋى اسقىنىپ، كوز جۇمعان. وسىنداي ستاتيستيكالىق اقپاراتتى شىعىس قازاقستان وڭىرلىك ونكولوگيالىق ديسپانسەر ديرەكتورى مارات ساندىبايەۆ ٴمالىم ەتىپ وتىر.
ايتا كەتەيىك، قازاقستاندا كۇنىنە 100-گە تارتا تۇرعىننان راك اۋرۋىنىڭ بەلگىلەرى انىقتالىپ، جىلىنا 16 مىڭ ادامداي كوز جۇمادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2873
0