فوتو: baq.kz
استانا، baq.kz ٴتىلشىسى. رەسپۋبليكادا ەسىرتكىگە تاۋەلدى 23 105 ادام تىركەلگەن. ولاردىڭ باسىم بولىگى اپيىن توبىنداعى; شۋ القابىنداعى كاننابيس توبىنداعى جانە سينتەتيكالىق ەسىرتكىلەردى تۇتىنادى.
جىل باسىنان بەرى ەسىرتكى ساتۋعا قاتىسى بار قانشا ينتەرنەت-رەسۋرس انىقتالىپ، ونىڭ نەشەۋى بۇعاتتالدى؟ ٴqiwi-اميان ارقىلى ەسىرتكى ساتۋ قالاي جۇزەگە اسىرىلادى؟ ونىڭ الدىن الۋ قۇقىق قورعاۋ ورگاندارى ٴۇشىن نەگە قيىن؟ وسى جانە باسقا دا وزەكتى سۇراقتار توڭىرەگىندە – قر ٴىىم مەملەكەتتىك ٴتىل جانە اقپارات دەپارتامەنتىنىڭ ديرەكتورى الماس سادۋبايەۆ جاۋاپ بەردى.
سۇراۋحاتىمىزعا رەسمي تۇردە جاۋاپ بەرگەن الماس سادۋبايەۆ ەسىرتكى ساتۋدىڭ قانداي جولدارى بار ەكەنىن جانە ول قالاي جۇزەگە اسىرىلاتىنىن ايتتى.
قر ٴىىم مەملەكەتتىك ٴتىل جانە اقپارات دەپارتامەنتىنىڭ ديرەكتورى الماس سادۋبايەۆ © ورتالىق كوممۋنيكاسيالار قىزمەتى - ortcom.kz
الماس سادۋبايەۆتىڭ بەرگەن مالىمەتى بويىنشا، «qiwi-كوشەلەك» ارقىلى ەسىرتكى ساۋداسى بىلاي ٴوربيدى:
- ساتىپ الۋشى - whatsapp، viber، ۆكونتاكتە، پوشتا، icq نەمەسە كوشەدەگى گراففيتيدە كورسەتىلگەن ەلەكتروندى مەكەنجايعا كىرىپ، ۇسىنىلعان ەسىرتكى تۇرىنە تاپسىرىس بەرەدى;
- ديلەر ٴوزىنىڭ «qiwi-كوشەلەگىنىڭ» شوتى مەن ەسىرتكىنىڭ قۇنىن كورسەتەدى;
- «qiwi-كوشەلەگىنە» اقشا تۇسكەننەن كەيىن، ديلەر كۋرەرگە ەسىرتكى سالىنعان قۇپيا ورىننىڭ سكرينشوتىن جاساپ، جىبەرۋگە تاپسىرما بەرەدى;
- وسىدان كەيىن ديلەر كۋرەردەن العان سكرينشوتتى ساتىپ الۋشىعا جىبەرەدى;
- ساتىپ الۋشى سكرينشوتتاعى شارتتى جەردەن ەسىرتكىنى الادى.
-
ەرتەرەكتە:
ٴمينيستردىڭ سوزىنەن كەيىن ٴqiwi-اميانعا ٴقاۋىپ بار ما؟
بيىل ەسىرتكى تاراتۋعا قاتىسى بار 1 800 ينتەرنەت رەسۋرسى انىقتالدى
baq.kz: نە سەبەپتى اتالعان ەلەكتروندى تولەمدەردى باقىلاۋ قيىن؟
الماس سادۋبايەۆ: قولدانىستاعى زاڭناماعا سايكەس، جەكە تۇلعالار وزدەرى تۋرالى جەكە مالىمەتتەردى تىركەمەي-اق، وسى ەلەكتروندى «كوشەلەك» ارقىلى 100 اەك-كە دەيىن (₸ 240،5 مىڭ) قارجىلىق وپەراسيالاردى جۇزەگە اسىرا الادى، باقىلاۋ سوندىقتان وتە قيىن. تولەمدەردىڭ وسىنداي ٴتارتىبى ترانزاكسيالاردىڭ ىزىمەن ٴىرى ەسىرتكى ساتۋشىلاردىڭ جانە ولاردىڭ ديلەرلىك تورابىنىڭ ىزىنە تۇسۋگە، ولاردى باقىلاۋعا مۇمكىندىك بەرمەيدى. دەگەنمەن، ٴقازىر ۇب، قارجى مينيسترلىگىنىڭ قمق جانە ٴىىم سياقتى مۇددەلى مەملەكەتتىك ورگاندار قر «قىلمىستىق جولمەن تابىلعان كىرىستەردى زاڭداستىرۋ جانە تەرروريزمدى قارجىلاندىرۋعا قارسى ٴىس-قيمىل جاساۋ تۋرالى» زاڭىنا، قر قپق جانە قر «تولەمدەر جانە تولەم جۇيەلەرى تۋرالى» زاڭىنا ٴتيىستى تۇزەتۋلەر ەنگىزە وتىرىپ، ەلەكتروندى شوتتى يدەنتيفيكاسيالاۋ، ياعني – اقشالاي وپەراسيا جاسايتىن ادام جايلى مالىمەتتەر ەنگىزۋ ماسەلەسىن قاراۋدا.
baq.kz: 2018 جىلى ەسىرتكى تاراتۋعا قاتىسى بار قانشا ينتەرنەت-رەسۋرس انىقتالدى؟
الماس سادۋبايەۆ: بيىلدىڭ باسىنان باستاپ رەسپۋبليكا اۋماعىندا سوتقا دەيىنگى تەرگەۋدىڭ ٴبىرىڭعاي تىزىمىنە ەسىرتكى جانە پسيحوتروپتى زاتتاردى تاراتۋدا ينتەرنەت-رەسۋرستاردى پايدالانۋ فاكتىلەرى بويىنشا 88 ٴىس تىركەلدى. سول ارالىقتا ەسىرتكىنى تاراتۋعا قاتىسى بار 1 800 ينتەرنەت-رەسۋرس انىقتالىپ، ونىڭ 1 ٴ680-ى بۇعاتتالدى. قالعان ماتەريالدار اقپارات جانە كوممۋنيكاسيالار مينيسترلىگىندە قارالۋدا.
ەلىمىزدە 9 379 ادام اپيىنعا تاۋەلدى
baq.kz: قازاقستاندا ەسىرتكىنىڭ قاي ٴتۇرى كەڭ تارالعان؟
الماس سادۋبايەۆ: قازاقستاندا ەسىرتكى احۋالى نەگىزگى ٴۇش باعىتتا قالىپتاسقان.
ٴبىرىنشى باعىت – اۋعان گەروينىنىڭ تارالۋى. جالپى قازاقستاندا اپيىن وتكىزۋدىڭ اۋقىمدى نارىعى جوق. ستاتيستيكاعا سايكەس، رەسپۋبليكادا ەسىرتكىگە تاۋەلدى 23 105 ادام تىركەلگەن، ونىڭ ىشىندە اپيىن توبىنداعى ەسىرتكىنى تۇتىنۋشىلار سانى – 9 379 ادامدى قۇرايدى.
ەكىنشى باعىت – جالپى اۋدانى 140 مىڭعا جۋىق گەكتاردى قامتيتىن شۋ القابىنداعى كاننابيس توبىنداعى ماريحۋانا مەن گاشيشتىڭ شيكىزات بازاسى.
ٴۇشىنشى باعىت – سينتەتيكالىق ەسىرتكىلەردىڭ تارالۋى. وسى ماقساتتا ٴىىم پسيحوبەلسەندى زاتتاردىڭ بارلىق ٴتۇرىن باقىلاۋعا الۋدى جەڭىلدەتۋدى كوزدەيتىن زاڭ جوباسىن ازىرلەپ، پارلامەنت ماجىلىسىنە قاراۋعا ەنگىزدى.
baq.kz: ەسىرتكىنىڭ رەسپۋبليكا اۋماعىنا كەلۋ ارنالارىن انىقتاۋعا جانە جويۋعا باعىتتالعان وپەراسيالار كەزىندە ەسىرتكى ساۋداسىنا قاتىستى قانداي جاعدايلار انىقتالدى؟
الماس سادۋبايەۆ: 2018 جىلدىڭ 9 ايىندا ەسىرتكىگە قاتىستى 6 219 قىلمىس انىقتالدى، ونىڭ ىشىندە 1 919 ەسىرتكى قىلمىسى، ونىڭ 1 304 فاكتىسى – ەسىرتكى تاراتۋعا قاتىستى قوزعالدى. زاڭسىز اينالىمنان ٴتۇرلى 16،6 توننا ەسىرتكى الىندى، ونىڭ ىشىندە – 38،7 كگ گەروين، 14،4 توننا ماريحۋانا، 450 گ گاشيش بار. قۇرامىندا ەسىرتكىسى بار وسىمدىك ٴوسىرۋدىڭ 259 فاكتىسى تىركەلدى. ەسىرتكى بيزنەسى سالاسىندا ۇيىمداسقان 9 توپتىڭ ىس-ارەكەتىنە توسقاۋىل قويىلدى. ۇقت قۇرعانى جانە باسقارعانى ٴۇشىن ۇيىمداستىرۋشىلارى مەن قاتىسۋشىلارىنا قاتىستى 15 قىلمىستىق ٴىس قوزعالدى. ەسىرتكى پايدالانۋ ٴۇشىن پريتون ۇيىمداستىرۋ جانە ۇستاۋدىڭ 57 فاكتىسىنىڭ جولى كەسىلدى. ەسىرتكى كونترابانداسىنىڭ 110 فاكتىسى انىقتالدى. ەسىرتكى كىرىستەرىن زاڭداستىرۋ فاكتىسى بويىنشا 6 قىلمىستىق ٴىس قوزعالدى.
baq.kz: سۇحباتىڭىز ٴۇشىن راقمەت!
baq.kz رەداكسياسىنىڭ qiwi plc كومپانياسىنىڭ پىكىرىن ٴبىلۋ ارەكەتى ٴساتسىز بولىپ وتىر. تەك، «qiwi kazakhstan» جشس اككاۋنتى بولۋى مۇمكىن facebook-تەگى برەند-قاۋىمداستىقتان سول جۇيەنىڭ مەسسەندجەرى ارقىلى جاۋاپ الۋ مۇمكىن بولدى، ٴبىراق پاراقشانىڭ وكىلەتتىگى راستالماعاندىقتان جاريالاۋ مۇمكىن بولماي وتىر.
p.s: بۇعان دەيىن سينتەتيكالىق ەسىرتكىلەردى تاراتۋ جانە تۇتىنۋدىڭ سالدارى تۋرالى جازدىق. ەسىرتكى بيزنەسىنە قارسى كۇرەس دەپارتامەنت باسقارماسىنىڭ باستىعى بەرىكحان نۇرعاليەۆ ەسىرتكى ساتۋ - اسا اۋىر قىلمىس تۇرىنە جاتاتىنىن ايتتى.
«مەن 1990 جىلدان بەرى ەسىرتكى سالاسىندا جۇمىس ىستەپ كەلەم. گەروين ەلىمىزگە سول جىلداردان باستاپ كەلە باستادى. ول كەزدە سينتەتيكالىق ەسىرتكى دەگەن جوق ەدى، ال ٴقازىر كوبەيىپ كەتتى. مەن جۇمىس تاجىريبەمدە اناشا قولدانعاندار 50 جىلعا دەيىن، گەروين قولدانعاندار 30 جىلعا دەيىن ٴومىر سۇرە بەرەتىنىن، ال سينتەتيكالىق ەسىرتكى قولدانعاندار 5 جىلدان ارتىق ٴومىر سۇرمەيتىنىن ٴتۇسىندىم. وسى زياندى زاتتى قولدانعان كەزدە اقىل-ەسىنەن اداسىپ، تۋعان باۋىرىن سويىپ، سورپا جاساپ ىشكەن ادامدى دا كوردىم. ال سىزگە وسىنداي ٴومىر كەرەك پە؟» - دەيدى ول.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
5041 
0
2870
0 
