BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پەدياتريا سالاسىندا كلينيكالىق زەرتتەۋ جۇرگىزۋ قاجەت – باس پەدياتر

فوتو: Автор

الماتى، baq.kz ٴتىلشىسى. كلينيكالىق زەرتتەۋدى بالالار تاجىريبەسىندە جۇرگىزۋ وتە كۇردەلى، دەگەنىمەن ونى جاساۋ وتە ماڭىزدى ٴارى وزەكتى بولىپ وتىر. بۇل تۋرالى پەدياتريا جانە بالالار حيرۋرگياسى عىلىمي ورتالىعىنىڭ باسقارما ٴتورايىمى ريزا بورانبايەۆا الماتىدا وتكەن بريفينگ بارىسىندا ايتتى.

جيىن بارىسىندا ماماندار ەلىمىزدە بالالار كلينيكالىق زەرتتەۋىن جاساۋدىڭ ماڭىزدىلىعىنا توقتالىپ، قر دەنساۋلىق ساقتاۋ زاڭناماسىنا وزگەرىستەر ەنگىزۋ قاجەتتىگىن ايتتى.

«كەيبىر اۋرۋ تۇرلەرى جاڭا تەراپيا مەن جاڭا دارىلىك قۇرالداردى قاجەت ەتۋدە. سوندىقتان پەدياتريا سالاسىندا كلينيكالىق زەرتتەۋلەردى جۇرگىزۋ قاجەت. اقش، ەۋروپا جانە رەسەيدە پەدياترياداعى كلينيكالىق زەرتتەۋلەر بۇرىننان جاسالىپ كەلەدى. جاڭا زاڭنىڭ قابىلدانۋىنىڭ ارقاسىندا بۇل ەلدەردە كلينيكالىق زەرتتەۋلەردىڭ سانى جىل سايىن ارتۋدا. ماسەلەن، امەريكادا جىلىنا 10 مىڭعا جۋىز زەرتتەۋ جۇرگىزىلەدى، ال رەسەيدە مىڭعا دەيىن كلينيكالىق زەرتتەۋ جۇرگىزىلگەن. بۇگىنگى كۇنگە دەيىن ٴبىز مۇنداي مۇمكىندىككە يە بولمادىق. سوندىقتان ٴبىز، پەدياترلار بالالاردىڭ كلينيكالىق زەرتتەۋىن جۇرگىزۋدى قولدايمىز، ارينە ول ٴۇشىن بەلگىلى ٴبىر جاعداي جاسالۋ كەرەك. زەرتتەۋدىڭ بارلىعى حالىقارالىق ستاندارتتارعا ساي بولۋى كەرەك جانە زەرتتەۋ جۇرگىزەتىن ورتالىقتار ارنايى اكرەديتاسيادان ٴوتۋى قاجەت. وسىنداي شارتتاردىڭ بارلىعىن ورىنداي وتىرىپ زەرتتەۋدى جۇرگىزۋگە بولادى. الەمدىك مەديسينا ٴبىر ورنىندا تۇرمايدى، كۇنەن-كۇنگە دامۋ ۇستىندە»، -دەيدى ر.بورانبايەۆا.

س.د.اسفەندياروۆ اتىنداعى ٴقازۇمۋ-دىڭ زەرتتەۋ قىزمەتى بويىنشا پرورەكتورى باۋىرجان ٴسابيتوۆ بۇل قازىرگى تاڭداعى وزەكتى ماسەلەنىڭ ٴبىرى ەكەندىگىن ايتا كەلە، دەنساۋلىق ساقتاۋ زاڭىنداعى تالقىلانعالى وتىرعان بۇل وزگەرىس حالىقتىڭ شاعىن توبىنا جاعداي جاسايتىندىعىن جەتكىزدى.

«شاعىن توپ دەگەنىمىز – بالالار، جۇكتى ايەلدەر، اسكەريلەر، سوتتالۋشىلار جانە قابىلەتسىز ادامدار. بالالار كلينيكالىق زەرتتەۋىن جۇرگىزۋ ٴۇشىن قازششاقستان زاڭىن حالىقارالىق تالاپتارعا ساي ەتۋىمىز كەرەك. اقپاراتتىق كەلىسىم جۇرگىزۋ كەرەك. ول ادامدار زەرتتەۋگە قاتىسپاسا ٴبىز ولارعا ەشقانداي كومەك كورسەتە المايمىز. زاڭعا ەنگىزىلەتىن جاڭا كودەكس ونى جاساۋعا مۇمكىندىك بەرەدى. الايدا بۇل زەرتتەۋلەر ۇلكەن تاۋەكەلدى قاجەت ەتەدى، ونسىز عىلىمي دامۋ توقتايدى»، -دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي