BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتباسىن جوسپارلاۋدىڭ ماڭىزدى باعدارلاماسى ويداعىداي جۇزەگە اسۋدا

استانا. 22 قاڭتار. baq.kz – وتباسىن جوسپارلاۋدىڭ ماڭىزدى باعدارلاماسى ويداعىداي جۇزەگە اسۋدا.

بۇل جونىندە قازاقستان رەسپۋبليكاسىنىڭ مەملەكەتتىك حاتشىسى گ.ن.ٴابدىقالىقوۆا بۇگىن اقوردادا وتكەن بۇۇ تۇرعىن حالىق سالاسىنداعى قورىنىڭ (يۋنفپف) ورتالىق ازيا بويىنشا ٴوفيسىنىڭ ديرەكتورى نيكولاي بوتەۆپەن وتكەن كەزدەسۋ بارىسىندا ايتتى.

كەزدەسۋگە اتالمىش قوردىڭ قازاقستان رەسپۋبليكاسىنداعى اتقارۋشى وكىلى ر.ا.سيسەماليەۆ، سونىمەن قاتار ايەلدەر ٴىسى جانە وتباسى-دەموگرافيالىق ساياسات جونىندەگى ۇلتتىق كوميسسياسى ٴتورايىمىنىڭ ورىنباسارى، ورتالىق سايلاۋ كوميسسياسىنىڭ مۇشەسى ل.ج.سۇلەيمەن قاتىستى.

مەملەكەتتىك حاتشى گۇلشارا ٴابدىقالىقوۆا بۇۇ تۇرعىن حالىق سالاسىنداعى قورىنىڭ قازاقستان حالقىنىڭ تۇراقتى دامۋى مەن ٴال-اۋقاتىنىڭ ارتۋىنداعى ەلەۋلى ۇلەسىن اتاپ ٴوتتى. ول ٴوز سوزىندە قازاقستاننىڭ مەملەكەتتىك ورگاندارى مەن بۇۇ قورى اراسىنداعى ارىپتەستىكتى: دەنساۋلىق ساقتاۋ جانە الەۋمەتتىك دامۋ، ٴبىلىم جانە عىلىم مينيسترلىكتەرىنىڭ جانە مەملەكەت باسشىسى جانىنداعى ايەلدەر ٴىسى جانە وتباسى-دەموگرافيالىق ساياسات جونىندەگى ۇلتتىق كوميسسياسى جۇمىستارىن وڭ باعالادى.

ودان ٴارى مەملەكەتتىك حاتشى 2014 جىلى قوردىڭ مەملەكەتتىك ورگاندارمەن اراداعى ٴوزارا ٴىس-قيمىلدارىنىڭ: وتباسىن جوسپارلاۋدىڭ ماڭىزدى باعدارلاماسىنىڭ ويداعىداي جۇزەگە اسقانىن، ايەلدەر مەن جاستاردىڭ، كوشىپ كەلۋشىلەر مەن ورالمانداردىڭ دەنساۋلىعىن رەپرودۋكتيۆتى تۇردە قورعاۋدىڭ قامتاماسىز ەتىلگەندىگىن، دەنساۋلىق ساقتاۋ جۇيەسىندەگى گەندەرلىك زورلىق-زومبىلىققا شۇعىل توسقاۋىل قويۋدىڭ جولعا قويىلعاندىعىن، مەملەكەتتىك قىزمەتكەرلەردى تۇرعىن حالىق سالاسىنداعى جانە دامۋىنداعى ماسەلەلەرمەن تانىستىرۋدىڭ تابىستى بولعانىن اتاپ كورسەتتى.

كەزدەسۋ قورىتىندىسى بويىنشا الداعى ۋاقىتتا مەملەكەت باسشىسىنىڭ «نۇرلى جول – بولاشاققا باستار جول» اتتى جولداۋىنىڭ اياسىندا حالىقتىڭ الەۋمەتتىك تۇرمىسىنىڭ كوكەيتەستى شەشۋ ماسەلەلەرى قىزمەتىن ودان ٴارى جالعاستىرۋ تۋرالى كەلىسىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي