BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭتۇستىك كورەيا دارىگەرلەرى استانادا شەبەرلىك دارىستەرىن وتكىزىپ جاتىر

استانا. 6 اقپان. baq.kz – ەلوردانىڭ №1 اۋرۋحاناسىندا تەگۋ قالاسى فاتيما اۋرۋحاناسىنىڭ ماماندارىنان قۇرالعان ارنايى دەلەگاسيا شەبەرلىك دارىستەرىن وتكىزىپ جاتىر. شەبەرلىك دارىستەرى استانا قالاسىنىڭ دەنساۋلىق ساقتاۋ باسقارماسى مەن تەگۋ (وڭتۇستىك كورەيا) قالاسىنىڭ مەرياسى اراسىنداعى ىنتىماقتاستىق تۋرالى مەموراندۋم اياسىندا ۇيىمداستىرىلدى. 

جىل سايىن استانا قالاسى دەنساۋلىق ساقتاۋ باسقارماسىنىڭ وقۋ-كلينيكالىق ورتالىعىندا شەت ەلدەردىڭ ەڭ بىلىكتى دارىگەرلەرى مەن ماماندارىنىڭ قاتىسۋىمەن وسى سالاداعى باسىم باعىتتار بويىنشا شەبەرلىك دارىستەر وتكىزىلەدى. اتاپ ايتقاندا، انەستەزيولوگيا-رەانيماتولوگيا، تراۆماتولوگيا، ورتوپەديا، ونكولوگيا، كولوپروكتولوگيا، بالالار نەفرولوگياسى جانە ت.ب.. سونىمەن قاتار، سەۋل ۇلتتىق ۋنيۆەرسيتەتىمەن، وڭتۇستىك كورەيانىڭ khidi، woman medical park جانە باسقا دا الدىڭعى قاتارلى مەديسينالىق ورتالىقتارمەن مەموراندۋمدار جاسالدى.

كورەيالىق مامانداردىڭ قاتىسۋىمەن وتەتىن وسىنداي شارالاردىڭ باستى ماقساتى - ەلوردالىق دەنساۋلىق ساقتاۋ جۇيەسىن زەرتتەۋ، سونداي-اق، وقۋ-كلينيكالىق ورتالىق، استانا قالاسىنىڭ №1 اۋرۋحاناسى جانە تەگۋ قالاسى فاتيما اۋرۋحاناسىنىڭ اراسىندا ٴوزارا ىنتىماقتاستىق تۋرالى مەموراندۋمعا قول قويۋ بولىپ تابىلادى.

بۇگىن قالالىق №1 اۋرۋحانا بازاسىندا «كولوپروكتولوگيا» جانە «ورتوپەديالىق حيرۋرگيا» تاقىرىپتارى بويىنشا سەمينارلار ٴوتتى. ەرتەڭ شەتەلدىك دەنساۋلىق ساقتاۋ ماماندارى قالالىق ونكولوگيالىق ديسپانسەر جانە وقىتۋ-كلينيكالىق ورتالىقتىڭ جۇمىستارىمەن تانىسادى دەپ كۇتىلۋدە. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي