BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

2500 دارىگەر مەدساقتاندىرۋ بويىنشا ٴبىلىمىن جەتىلدىردى

وڭتۇستىك قازاقستان وبلىسىندا مەديسينا ماماندارىنىڭ قاتارى ٴبىر جارىم مىڭعا جۋىق مامانمەن تولىقتى. بۇلاردىڭ بارلىعى دا مەدساقتاندىرۋ بويىنشا وقىتىلعان، بۇعان دەيىن ٴبىلىم جۇيەسىندە قىزمەت ەتىپ كەلە جاتقان اق حالاتتى ابزال جاندار. اۋدان، قالا اكىمدەرىمەن جۇمىس جۇرگىزۋدىڭ ناتيجەسىندە ولارمەن قوسا مەكتەپتەردەگى مەديسينالىق كابينەتتەر دە ەمدەۋ مەكەمەلەرىنىڭ قاراماعىنا بەرىلدى.

الايدا، ٴبىلىم وشاقتارىنداعى مەديسينالىق كابينەتتەردىڭ بارلىعى بىردەي قازىرگى تالاپتارعا ساي كەلە بەرمەيدى. ال كەيبىر مەكتەپتەردە ول دا جوق. بار كابينەتتەردەگى مەديسينالىق قۇرال-جابدىقتار ەسكى، جاڭارتۋدى قاجەت ەتەدى.

«مەكتەپتەردەگى مەديسينالىق كابينەتتەردىڭ قىزمەت كورسەتۋىنە قاجەتتى مەديسينالىق ليسەنزيالار الىندى. وندا ەڭبەك ەتىپ كەلە جاتقان ماماندار ارنايى تۇزىلگەن كەستە بويىنشا بىلىكتىلىكتەرىن ارتتىرۋدا. ٴبىلىم جۇيەسىنەن دەنساۋلىق ساقتاۋ سالاسىنا وتكەن مەيىرگەرلەردى دە كەزەڭ-كەزەڭىمەن وقىتۋ جۇزەگە اسىپ جاتىر. ۇلتتىق دارىلىك فورمۋليار نەگىزىندە مەكتەپتەردەگى بارلىق مەديسينالىق پۋنكتتەر قوسىمشا دارى-دارمەكتەرمەن قامتاماسىز ەتىلدى» دەلىنگەن وقو دەنساۋلىق ساقتاۋ باسقارماسى تاراتقان مالىمەتتە.

ايتا كەتەيىك، مىندەتتى الەۋمەتتىك مەديسينالىق ساقتاندىرۋ جۇيەسى بويىنشا 2017 جىلى ۇلتتىق مەديسينالىق ٴبىلىم بەرۋ ورتالىعىمەن كەلىسىمشارت نەگىزىندە 2500 دارىگەر وقىتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي