مۇمكىندىگى شەكتەۋلى جاندارعا الاسا ەدەندى اۆتوبۋستار ساتىلىپ الىنۋدا – ت. دۇيسەنوۆا - ۇلت ساۋلىعى|13 قازان 2014، 20:56
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇمكىندىگى شەكتەۋلى جاندارعا الاسا ەدەندى اۆتوبۋستار ساتىلىپ الىنۋدا – ت. دۇيسەنوۆا

 استانا. 13 قازان. baq.kz – قازاقستاندا جىلسايىن قازاننىڭ ەكىنشى دەمالىسىندا مۇگەدەكتەر كۇنى اتاپ وتىلەدى. وسىعان بايلانىستى قر دەنساۋلىق ساقتاۋ جانە الەۋمەتتىك دامۋ ٴمينيسترى ت. دۇيسەنوۆا ۇندەۋ جاريالادى.

 «ەلىمىزدە تاۋەلسىزدىكتى العاننان باستاپ ەرەكشە مۇقتاج ادامداردى الەۋمەتتەندىرۋ ٴۇشىن جاعدايلاردى قۇرۋ بويىنشا كوپتەگەن جۇمىستار اتقارىلدى.2008 جىلى مۇگەدەكتەردىڭ قۇقىقتارى تۋرالى بۇۇ كونۆەنسياسىنا قول قويىلعاننان ساتتەن، قازاقستانداعى بارلىق زاننامالاردى حالىقارالىق ستاندارتارعا سايكەستەندىرۋ بويىنشا جانە ٴبىلىم بەرۋ، دەنساۋلىقتى ساقتاۋ، مادەني، الەۋمەتتىك قورعاۋ جانە ت.ب. وبەكتىلەرگە جانە قىزمەت كورسەتۋلەرگە بارلىق ازاماتتاردىڭ تەڭ قول جەتۋلەرىن قامتاماسىز ەتۋگە ٴبىزدىڭ ەلىمىز وزىنە مىندەتتەمە العان. مەن وسى مۇمكىندىكتى پايدالانا وتىرىپ ٴوزىنىڭ سىرقاتىن كۇندەلىكتى جەڭەتىن بارلىق ازاماتتارعا ولاردىڭ ەرلىكتەرىنە، كۇش قايراتتارىنا ٴوزىمنىڭ ۇلكەن قۇرمەتىمدى جانە ەرەكشە كوڭىلىمدى بىلدىرگىم كەلەدى، دەيدى مينيستر ت. دۇيسەنوۆا.
سونداي-اق، قازىرگى ۋاقىتتا جەرگىلىكتى ۇكىمەتتەردىڭ كۇشىمەن جولداردا ارنايى ٴوتۋ جولدارى جابدىقتالىپ، الاسا ەدەندى اۆتوبۋستار ساتىلىپ الىنۋدا دەيدى ول. ەلىمىزدىڭ كوپتەگەن ايماقتارىندا مۇگەدەكتەرگە ارنالعان تاكسي قىزمەتتەرى ٴجۇمىس جاساۋدا جانە ولاردىڭ سانى بولاشاقتا كوبەيەتىندىگىن ايتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي