BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇگەدەكتەردىڭ قۇقىقتارىن قورعاۋعا باعىتتالعان زاڭ جوباسى تانىستىرىلدى

استانا. 22 قاڭتار. baq.kz – ماجىلىستە مۇگەدەكتەردىڭ قۇقىقتارىن قورعاۋعا باعىتتالعان زاڭ جوباسى تانىستىرىلدى.

بۇگىن ماجىلىستە «مۇگەدەكتەردىڭ قۇقىقتارىن قورعاۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قر زاڭ جوباسىنىڭ تانىستىرىلىمى بولدى.

وسى زاڭ جوباسى «مۇگەدەكتەردىڭ قۇقىقتارى تۋرالى كونۆەنسياعا جانە مۇگەدەكتەردىڭ قۇقىقتارى تۋرالى كونۆەنسياعا فاكۋلتاتيۆتىك حاتتاماعا قول قويۋ تۋرالى» قازاقستان رەسپۋبليكاسى پرەزيدەنتىنىڭ 2008 جىلعى 11 جەلتوقسانداعى № 711 جارلىعىن ىسكە اسىرۋ ماقساتىندا ازىرلەنگەن.

2012 جىلدان باستاپ ەلىمىزدە قازاقستان رەسپۋبليكاسىندا مۇگەدەكتەردىڭ قۇقىقتارىن قامتاماسىز ەتۋ جانە ٴومىر ٴسۇرۋ ساپاسىن جاقسارتۋ جونىندەگى 2012 – 2018 جىلدارعا ارنالعان ٴىس-شارالار جوسپارى كەزەڭ-كەزەڭىمەن جۇزەگە اسىرىلۋدا، ونىڭ شەڭبەرىندە ۇلتتىق زاڭناما مەن ىشكى قۇقىق قولدانۋ تاجىريبەسىن كونۆەنسيا نورمالارىنا سايكەستەندىرۋ شارالارى جۇرگىزىلۋدە.

زاڭ جوباسى مۇگەدەكتەردىڭ قۇقىقتارىن قورعاۋعا، ولاردى جۇزەگە اسىرۋدى ىنتالاندىرۋعا، مۇگەدەكتىگىنە بايلانىستى كەمسىتۋدى جويۋعا جانە مۇگەدەكتەردىڭ قوعامدىق ومىرگە ەتەنە ارالاسۋىن قامتاماسىز ەتۋگە باعىتتالعان.

زاڭ جوباسىندا كولىك ينفراقۇرىلىمىنىڭ قولجەتىمدىلىگىن قامتاماسىز ەتۋ قاراستىرىلعان:
• ۆوكزالدار مەن اۋەجايلاردا قولجەتىمدى ورتا قۇرۋ;
• جولاۋشىلار ايالداماسىن جايلاستىرۋ، ارنايى جول بەلگىلەرى مەن سىلتەگىشتەردى، دىبىستىق قۇرىلعىلاردى ورناتۋ;
• تەمىرجول قۇرامىن مۇگەدەكتەرگە قولجەتىمدى ۆاگوندارمەن جابدىقتاۋ;
• ينۆاتاكسي قىزمەتىن دامىتۋ;
• كولىك ينفراقۇرىلىمى ماڭىندا ورىندار ۇيىمداستىرۋ;
• جولاۋشىلار تاسىمالداۋدى جۇزەگە اسىراتىن كولىك قىزمەتكەرلەرىن قارىم-قاتىناس جاساۋ جانە مۇگەدەكتەرگە قىزمەتتەر ۇسىنۋ داعدىلارىنا وقىتۋ.

دەنساۋلىق ساقتاۋ جانە ٴبىلىم بەرۋ سالاسىندا قىزمەتتەردىڭ قولجەتىمدىلىگى:
• مۇگەدەكتەر مەن حالىقتىڭ باياۋ قيمىلدايتىن توپتارىنىڭ دەنساۋلىق ساقتاۋ ۇيىمدارىندا كەدەرگىسىز ٴجۇرىپ-تۇرۋى ٴۇشىن جاعايلار جاساۋ;
• ٴبىلىم بەرۋ ستاندارتتارىن ينكليۋزيۆتى ٴبىلىمدى ەسكەرە وتىرىپ ازىرلەۋ;
• كاسىپ الۋعا باعىتتالعان وقۋ باعدارلامالارىن، ارنايى كىتاپتاردى جەتىلدىرۋ;
• جالپى ٴبىلىم بەرۋ مەكتەپتەرىنە مۇگەدەك بالالاردىڭ قولجەتىمدىلىگىن (ينكليۋزيۆتى ٴبىلىم) قامتاماسىز ەتۋ.

اقپارات جانە تۇرعىن ۇيگە قولجەتىمدىلىك:
• تەلەۆيزيالىق باعدارلامالاردى سۋردواۋدارمالاۋ;
• ەستۋى جانە كورۋى بويىنشا مۇگەدەكتەر ٴۇشىن قولجەتىمدى اقپاراتتىق دابىل قۇرىلعىلارىمەن ٴجان بايلانىس قۇرالدارىمەن جابدىقتاۋ;
• مۇگەدەكتەردىڭ ٴوز پىكىرلەرىن بىلدىرۋگە جانە ىمداۋ تىلىندە اقپارات الۋعا قۇقىقتارىن ىسكە اسىرۋ ٴۇشىن جاعدايلار جاساۋ;
• مۇگەدەكتىڭ مەديسينالىق-الەۋمەتتىك مەكەمەلەردە ۋاقىتشا تۇرعان كەزىندە تۇرعىن ۇيگە قۇقىعىن ساقتاۋ;
• تىرەك-قيمىل اپپاراتى بۇزىلعان مۇگەدەكتەرگە ەكىنشى قاباتتان تومەن تۇرعىن ۇيگە قۇقىعىن قامتاماسىز ەتۋ ارقىلى قاراستىرىلعان.

الەۋمەتتىك قورعاۋدىڭ اتاۋلىعىن كۇشەيتۋ:
• مەديسينالىق-الەۋمەتتىك مەكەمەلەردە، ۇيدە، اۋماقتىق الەۋمەتتىك قىزمەت كورسەتۋ ورتالىقتارىندا ارناۋلى الەۋمەتتىك قىزمەتتەر ۇسىنۋدى جەتىلدىرۋ;
• ەستۋى بويىنشا مۇگەدەكتەرگە ىمداۋ ٴتىلى مامانىنىڭ قىزمەتتەرىن 30-دان 60 ساعاتقا دەيىن ارتتىرۋ;
• مەديسينالىق-الەۋمەتتىك مەكەمەلەردە تۇرعان كەزەڭگە مەملەكەتتىك بازالىق زەينەتاقى تولەمدەرىن توقتاتۋ;
• مەديسينالىق-الەۋمەتتىك مەكەمەلەردە تۇراتىن زەينەتكەرلەر مەن مۇگەدەكتەرگە تاعايىندالعان زەينەتاقى جانە الەۋمەتتىك تولەمدەردىڭ 30 پايىزىن ۇسىنۋ;

زاڭ جوباسىن قابىلداۋ قازاقستاندا تۇرىپ جاتقان 627 مىڭ مۇگەدەك جانعا جانە ولاردىڭ وتباسىلارىنا كونستيتۋسيالىق قۇقىقتارى مەن بوستاندىقتارىن قورعاۋعا جانە جۇزەگە اسىرۋعا قوسىمشا كەپىلدىكتەر بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي