BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەنتورلىق باعدارلاما اياسىندا جارىمجان بالالارعا كومەك كورسەتىلدى

 استانا. 26 قاڭتار. baq.kz – مەنتورلىق باعدارلاما بويىنشا قاڭتاردىڭ 15-18 كۇندەرى ارالىعىندا بىلىكتى دارىگەرلەر جاڭاوزەن قالاسىنداعى مۇمكىندىگى شەكتەۋلى، جارىمجان بولىپ قالعان 200-دەن استام بالاعا دارىگەرلىك كومەك كورسەتىپ، كەڭەستەرىن بەردى.

 شارانىڭ العاشقى كۇنى جاڭاوزەن قالاسىنىڭ اكىمى سەرىكباي ترۇموۆ جانە «قازمۇنايگاز» بارلاۋ ٴوندىرۋ» اق-نىڭ الەۋمەتتىك ساياسات دەپارتامەنتىنىڭ جاۋاپتى قىزمەتكەرلەرى استانا، الماتى قالالارىنان كەلگەن دارىگەرلەرمەن كەزدەسىپ، باعدارلاما بويىنشا ىسكە اسىرىلعان جۇمىستارىمەن تانىستى.
«قازمۇنايگاز» بارلاۋ ٴوندىرۋ» اق الەۋمەتتىك-اكىمشىلىك دەپارتامەنتىنىڭ ديرەكتورى باقىت يمانعاليەۆتىڭ ايتۋىنشا، بۇل پيلوتتىق جوبا جاڭاوزەن قالاسىندا «جۇلدىزاي» قورىمەن جانە جاڭاوزەن قالا اكىمدىگىمەن بىرلەسىپ ەكىنشى رەت جۇزەگە اسىرىلىپ جاتقان قايىرىمدىلىق شاراسى. بۇل مەنتورلىق باعدارلامانىڭ باستاماسىنا كومپانيا اتىنان 50 ملن تەڭگە قارجى ٴبولىنىپ، سونىمەن بىرگە يگى ٴىستىڭ جالعاسى رەتىندە جاقىن ارادا جاڭاوزەن قالاسىنداعى راحمەت وتەسىنوۆ اتىنداعى دەنەشىنىقتىرۋ جانە ساۋىقتىرۋ كەشەنىندە دسك-نىڭ نەگىزىندە بسس دياگنوزىمەن اۋىراتىن مۇگەدەك-بالالارمەن وڭالتۋ جۇمىستارىن جۇرگىزۋ ٴۇشىن «جۇلدىزاي» اتتى مەديسينالىق وڭالتۋ ورتالىعىن اشۋ جوسپارلانعان.
بۇگىنگى كۇنى بسس اۋرۋى دياگنوزىمەن جاڭاوزەن قالاسىندا 644 مۇگەدەك بالا تىركەۋدە تۇر. ٴتۋابىتتى اۋرۋ سىرقاۋشىلىق پەن كەمتارلىققا ۇشىراعان، جۇرە ٴتۇرلى جاعدايلاردان وقىس وقيعالاردان، جول اپاتىنان كەمتار بولىپ قالعان جاندار ۇنەمى كەشەندى وڭالتۋدى، پەدياتر، جۇيكە اۋرۋىن ەمدەۋشى دارىگەر، سىنىقشى، رەابيليتولوگ، فيزيوتەراپەۆت تاراپىنان ەمدەۋدى، سونىمەن قاتار ۇزدىكسىز الەۋمەتتىك-پسيحولوگيالىق كومەكتى قاجەت ەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي