BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەنينگيت ينفەكسياسى: استانالىق دارىگەرلەر اتا-انالارعا دۇرلىگۋگە نەگىز جوق ەكەنىن ايتتى

فوتو: Нұржас Жақсыбай

استانا، baq.kz ٴتىلشىسى. استانادا مەنينگيت ينفەكسياسى تاراپ جاتىر دەپ دابىل قاعۋدىڭ رەتى جوق. جاعداي تولىق باقىلاۋدا. بۇل تۋرالى قالالىق بالالار ينفەكسيالىق اۋرۋحاناسى باس دارىگەرىنىڭ ساپانى باقىلاۋ بويىنشا ورىنباسارى روزا وتەگەنوۆا مالىمدەدى.

ونىڭ ايتۋىنشا، قازىرگى تاڭدا جاعداي تولىق دارىگەرلەردىڭ باقىلاۋىندا.

«بۇگىنگى تاڭدا اۋرۋحاناعا ٴتۇسىپ جاتقان بالالار سەروزدى مەنينگيتتى جۇقتىرعان. ول ٴقاۋىپتى ەمەس. سەروزدى مەنينگيت جەڭىل تۇردە وتەدى. ونى اۋرۋحانادا 10 كۇندە ەمدەۋگە بولادى. قازىرگى تاڭدا مۇندا سەروزدى مەنينگيتتى جۇقتىرعان ون ٴتورت بالا جاتىر. ونىڭ جەتەۋى – مەكتەپ وقۋشىسى، التاۋى – مەكتەپكە دەيىنگى مەكەمەلەردە تاربيەلەنىپ جاتقان بالالار. ال ٴبىر بالا ەشقايدا بارمايتىن بالا. دەر كەزىندە ەمدەلسە، اۋرۋدى تولىق ەمدەۋگە مۇمكىندىك بار»، - دەدى ول.

وسى ورايدا دارىگەر سەروزدى جانە باكتەريالدى مەنينگيتتىڭ ايىرماشىلىعىن ٴتۇسىندىردى.

«سەروزدى مەنينگيت جىل سايىن تىركەلەدى. ول ٴقاۋىپتى ەمەس. ال باكتەريالدى مەنينيگيت وتە ٴقاۋىپتى جانە جۇقپالى. ٴتىپتى، ودان ادام ٴولىپ كەتۋى مۇمكىن. سوندىقتان اۋرۋحاناعا تۇسكەن بالالاردىڭ ج ۇلىن سۋىن زەرتتەۋ ارقىلى 30 مينۋتتا ناقتى دياگنوزدى شىعارامىز. جاعداي دارىگەرلەردىڭ باقىلاۋىندا»، - دەدى روزا وتەگەنوۆا.

سونداي-اق ول باكتەريالدى مەنينگيت استانادا تىركەلمەگەنىن اتاپ ٴوتتى. وتەگەنوۆا الەۋمەتتىك جەلىدە تاراپ جاتقان الىپ-قاشپا حابارلامالاردى جوققا شىعاردى.

«الەۋمەتتىك جەلىدە «باكتەريالدى مەنينگيت تاراپ جاتىر» دەگەن مالىمەت تارادى. بۇل اقپارات شىندىققا جاناسپايدى. شۋلاتىنداي جاعداي ەمەس. باكتەريالدى مەنينگيتتىڭ ەپيدەمياسى بولىپ جاتقان جوق. اتا-انالارعا دابىل قاقپاي، سابىر ساقتاۋعا كەڭەس بەرەمىز»، - دەدى دارىگەر.

ايتا كەتەيىك، وسىعان دەيىن ەلوردادا 8 وقۋشى ۆيرۋستى مەنينگيت دياگنوزىمەن اۋرۋحاناعا جاتقىزىلعانىن حابارلاعانبىز. سونداي-اق، جىل باسىنان بەرى 199 بالا سەروزدى مەنينگيت ينفەكسياسىمەن اۋىرعانى، ال مەنينگوكوكك مەنينگيتىنەن 15 ادام كوز جۇمعانى تۋرالى جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي