BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەديسينا مەكەمەلەرى جىبەرگەن كەمشىلىكتەرى ٴۇشىن جازاعا تارتىلماق - وقو

 استانا. 26 قاڭتار. baq.kz – دەنساۋلىق ساقتاۋ باسقارماسىنىڭ ەسەبىن ساراپقا سالعان وقو ٴوڭىر باسشىسى اسقار مىرزاحمەتوۆ سالا كورسەتكىشتەرىن باعامدايتىن ينديكاتورلارداعى كەيبىر اۋرۋ تۇرلەرى بويىنشا ناۋقاستار سانىنىڭ دۇرىس بولجامدالۋى كەرەكتىگىنە توقتالىپ ٴوتتى. سونداي-اق، مەديسينا مەكەمەلەرىنىڭ باس دارىگەرلەرىمەن ولار اتقارۋى ٴتيىس مىندەتتەر جانە ونى اتقارۋدا جىبەرگەن كەمشىلىكتەرى ٴۇشىن جازاعا تارتىلاتىنى جونىندە مىندەتتەمەلەر ٴتۇزۋدى تاپسىردى.

 مەديسينا مەكەمەلەرىنە جۇكتەلگەن باستى مىندەتتەردىڭ ٴبىرى – بۇل انا مەن بالا دەنساۋلىعىن ساقتاۋ ەكەنىنە كوڭىل بولگەن اسقار يسابەك ۇلى، سوڭعى جىلدارى انا جانە نارەستە ٴولىمى كورسەتكىشتەرى ٴبىرشاما تومەندەگەنىن ايتتى. دەگەنمەن، سالاعا قاراستى مەكەمەلەردىڭ جابدىقتالۋى جونىنەن رەسپۋبليكاداعى ورتا كورسەتكىشتەردىڭ بىرىنە قول جەتكىزگەن كەزدە مۇنداي فاكتىلەردىڭ ٴالى دە ورىن الىپ وتىرعاندىعى الاڭدارلىق جاعداي دەپ باعالادى.
قازىرگى كەزدە وقو بويىنشا ونكولوگيالىق ٴولىم-جىتىم كورسەتكىشى 100 مىڭ ادامعا شاققاندا 46،0 دەيىن، تۋبەركۋلەز اۋرۋىنان بولاتىن ٴولىم-جىتىم 3،5-كە دەيىن، قاناينالىم جۇيەسىنىڭ ٴولىم-جىتىم كورسەتكىشى 94،8 ادامعا دەيىن تومەندەدى. ەسەپتى كەزەڭدە انا ٴولىمىنىڭ كورسەتكىشى 15،2 قۇرادى، ال نارەستە ٴولىمىنىڭ كورسەتكىشى 11،3 بولىپ وتىر. مەديسينالىق كومەكتى وبلىس حالقىنا 117 مەملەكەتتىك مەديسينالىق ۇيىمدار ىسكە اسىرادى، ونىڭ ىشىندە 57 اۋرۋحانالىق، 44 امبۋلاتوريالىق ەمحانالىق قىزمەت كورسەتەتىن ۇيىمدار بار. وڭىردەگى باستاپقى مەديسينالىق سانيتارلىق قومەك قورسەتەتىن مەديسينالىق ۇيىمدار جەلىسى مەملەكەتتىك نورماتيۆكە سايكەستەندىرىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي