BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماڭعىستاۋدا 34 مىڭ ادام قىزىلشاعا قارسى ەگىلەتىن بولدى

استانا. 3 اقپان. baq.kz – ماڭعىستاۋ وبلىسىندا تۇراقسىز ەپيدەميولوگيالىق جاعدايعا بايلانىستى 2015 جىلعى 16-28 اقپان ارالىعىندا قىزىلشاعا قارسى قوسىمشا ەكپە جۇرگىزىلەدى، ۆاكسيناسياعا 15-19 جاس ارالىعىنداعى 34 مىڭ جاس قامتىلدى.

«وتكىر ينفەكسيالىق ۆيرۋستى اۋرۋدان قورعانۋدىڭ جالعىز ٴتيىمدى ٴتاسىلى ۆاكسيناسيا بولىپ تابىلاتىنىن اتاپ وتكەن ٴجون. بارلىعى وسى جاس ارالىعىنداعى 34 مىڭ تۇرعىندى ەگۋ جوسپارلانۋدا»، - دەپ اتاپ ٴوتتى ماڭعىستاۋ وبلىسى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى مارال قادىر.

ەپيدەميولوگتار قىزىلشانى جوعارى كونتاگيوزدى دەپ سيپاتتايدى، اۋرۋ اداممەن بايلانىسقا تۇسكەن ادامنىڭ بارلىعى، ەگەر ەكپە الماعان جاعدايدا، ونى بىردەن جۇقتىرادى.

ەكپە جاساۋ جاسىنا جەتپەگەن 1 جاسقا دەيىنگى كىشكەنتاي بالالارعا اۋرۋدىڭ اۋىر سالدارى بولۋى مۇمكىن: وتيت، پنەۆمونيا، ەنسەفاليت. قىزىلشامەن اۋىرعان 2 جاسقا دەيىنگى بالالاردا بىرنەشە جىلدان كەيىن پانەنسەفاليت دامۋى ىقتيمال.

 

 

قازاقپارات


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي