ماڭعىستاۋ وبلىسىندا 1600-دەن اسا ناشاقور تىركەۋدە تۇر - ۇلت ساۋلىعى|21 قازان 2014، 10:14
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماڭعىستاۋ وبلىسىندا 1600-دەن اسا ناشاقور تىركەۋدە تۇر

 استانا. 21 قازان. baq.kz - ٴقازىر كۇندە ماڭعىستاۋ وبلىستىق ناركولوگيالىق ديسپانسەردە 1600-دەن اسا ناشاقور ەسەپتە تۇرسا، ونىڭ 206-سى بيىل توعىز ايدىڭ ىشىندە تىركەلگەن ەكەن. بۇل تۋرالى ٴىىد ەسىرتكى بيزنەسىنە قارسى كۇرەس باسقارماسىنىڭ جەدەل ۋاكىلى، پوليسيا كاپيتانى كاميل بۋدايچيەۆتىڭ «ماڭعىستاۋ» گازەتىنە بەرگەن سۇحباتى بارىسىندا ٴمالىم ەتتى.

 ونىڭ ايتۋىنشا، وبلىسىتا جىل باسىنان بەرى زاڭسىز ەسىرتكى تاسىمالىنا قاتىستى 63 قىلمىستىق ٴىس قوزعالىپ، 43 كەلى زياندى زات تاركىلەنگەن. ەسىرتكى ساۋداسىمەن كۇرەستىڭ ەڭ ٴتيىمدى ٴتاسىلى – كورشىلەس وبلىستارمەن بىرلەسكەن شارالاردى جۇزەگە اسىرۋ بولىپ تابىلادى.
-ماسەلەن، جامبىل وبلىسىنداعى ارىپتەستەرىمەن بىرگە ۇيىمداستىرىلعان وپەراسيادا 17 كەلى ەسىرتكى تاركىلەنىپ، زاڭسىز ساۋدا اينالىمىنا توسقاۋىل قويىلدى. ەسىرتكى ساۋدالاۋشىلار العاشىندا ادامدى ەلىكتىرۋ ٴۇشىن ەسىرتكىنى تەگىن بەرەدى، كەيىن تاۋەلدىلىگىن جەڭە الماعاندار تۇراقتى تۇتىنۋعا ٴۇيىر بولادى. ەسىرتكىنى تابىس كوزىنە اينالدىرعان ساۋدالاۋشىلاردىڭ كوبى تۇنگى كلۋبتار مەن كافە-بارلاردا جۇرەتىندىكتەن، رەيدتىك شارالاردى ٴجيى ۇيىمداستىرىپ تۇرامىز،-دەيدى ك.بۋدايچيەۆ.

سونىمەن بىرگە ەسىرتكى تۇرلەرىنە جاتاتىن ۇيىقتاتاتىن، تىنىشتاندىراتىن جانە وزگە دە پسيحوتروپتىق دارىلەر ٴدارىحانالاردا ارنايى رەسەپتى ارقىلى عانا ساتىلۋى كەرەكتىگىن ايتادى. الايدا، اتالمىش ەسىرتكى تۇرىنە جاتاتىن دارىلەر ٴدارىحانالاردا اشىق ساتىلىپ جاتىر.

ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي