2204 
0
استانا، baq.kz. قازاقستاندا مىندەتتى الەۋمەتتىك مەديسينالىق ساقتاندىرۋ جۇيەسى كەزەڭ-كەزەڭىمەن ەنگىزىلۋدە. مىندەتتى مەديسينالىق ساقتاندىرۋ پاكەتى حالىق ٴۇشىن 2020 جىلدان باستاپ قولجەتىمدى بولادى.
2873
0 
استانا: 
استانا، baq.kz. قازاقستاندا مىندەتتى الەۋمەتتىك مەديسينالىق ساقتاندىرۋ جۇيەسى كەزەڭ-كەزەڭىمەن ەنگىزىلۋدە. مىندەتتى مەديسينالىق ساقتاندىرۋ پاكەتى حالىق ٴۇشىن 2020 جىلدان باستاپ قولجەتىمدى بولادى.
بۇل ۋاقىتقا دەيىن «الەۋمەتتىك مەديسينالىق ساقتاندىرۋ قورى» كەاق تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە مەديسينالىق قىزمەتتەردىڭ اقىسىن تولەيتىن قارجى وپەراتورى مىندەتىن اتقارۋدى جالعاستىرادى.
استانالىق مەديسينالىق ساقتاندىرۋ قورى فيليالىنىڭ ديرەكتورى ن.قابدىقاپاروۆتىڭ ايتۋىنشا، قازىرگى تاڭدا ٴمامس ٴۇشىن اۋدارىمداردى جۇمىس بەرۋشىلەر وزدەرىنىڭ جۇمىسشىلارى ٴۇشىن اي سايىن 1،5% مولشەرىندە تولەيدى.
"ال 2020 جىلدان باستاپ جەكە كاسىپكەرلەر، نوتاريۋستار، جۇمىسشىلار، ٴوزىن-وزى جۇمىسپەن قامتىعان جانە باسقا دا ەڭبەك تۇرلەرىمەن اينالىساتىن تۇلعالار ٴمامس جۇيەسى اياسىندا مەديسينالىق كومەك الۋ ٴۇشىن جارنا تولەي باستايدى. جارنا مولشەرى ازاماتتىڭ مارتەبەسىنە بايلانىستى بولادى" - دەيدى ول.
ٴاربىر ازامات ٴمامس جۇيەسىنىڭ قاتىسۋشىسى بولا وتىرا، جۇيە اياسىندا مەديسينالىق قىزمەت الۋ ٴۇشىن ٴوزىنىڭ الەۋمەتتىك مارتەبەسىن انىقتاۋى ٴتيىس. مارتەبەسى انىقتالماعان تۇلعالار ٴۇشىن ٴمامس جۇيەسىندەگى مەديسينالىق قىزمەتتەر قولجەتىمسىز بولادى.
"الەۋمەتتىك مارتەبەنى انىقتاۋدىڭ بىرنەشە جولى بار. بىرىنشىدەن، ەگەر ازامات بەيرەسمي جۇمىس ىستەيتىن بولسا، وندا ول جۇمىس بەرۋشىمەن ەڭبەك شارتىن بەكىتۋى ٴتيىس. ەكىنشىدەن، ەگەر ازامات تابىس اكەلەتىن قانداي دا ٴبىر كاسىپكەرلىكپەن اينالىساتىن بولسا، وندا سالىق ورگاندارىندا تىركەلۋى قاجەت. ەگەر ازاماتتىڭ تابىس كوزى بولماي، جۇمىسسىز بولسا، تۇرعىلىقتى مەكەنجايى بويىنشا حالىقتى جۇمىسپەن قامتۋ ورتالىعىندا جۇمىسسىز رەتىندە تىركەلۋى ٴتيىس. ورتالىقتا ازاماتتى جۇمىسقا ورنالاستىرۋ جانە كاسىبي قايتا دايارلاۋ بويىنشا قولداۋ كورسەتىلەدى. جۇمىسسىز مارتەبەسىن العان ازاماتتار جەڭىلدىگى بار ساناتقا جاتقىزىلادى. ولار مەديسينالىق ساقتاندىرۋدى مەملەكەت تاراپىنان الۋعا قۇقىلى" - دەيدى ن.قابدىقاپاروۆ.
ٴمامس شەڭبەرىندە الەۋمەتتىك مارتەبەنى انىقتاۋ egov.kz ەلەكتروندىق پورتالىندا دا قولجەتىمدى. ول ٴۇشىن «تەكسەرۋ سەرۆيستەرى» بولىمىنەن «الەۋمەتتىك مارتەبەسىن تەكسەرۋ» قىزمەتىن تاڭداپ، ٴوزىڭىزدىڭ ٴجسن-دى تەرىپ، ٴوتىنىش جىبەرەسىز. بۇل رەتتە جاۋاپ قولما-قول قايتارىلادى. قىزمەتتى ەلەكتروندىق سيفرلىق قولتاڭبا ارقىلى پورتالعا تىركەلگەن جاعدايدا الۋعا بولادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
