قۇس جانە بالىق ەتى باۋىر قاتەرلى ىسىگىنىڭ الدىن الادى - ۇلت ساۋلىعى|16 قازان 2014، 12:25
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قۇس جانە بالىق ەتى باۋىر قاتەرلى ىسىگىنىڭ الدىن الادى

 استانا. 16 قازان. baq.kz - قىتايدىڭ حانچجوۋ اۋماعىنداعى چجەسزيان ونكولوگيالىق ەمحاناسىنىڭ دارىگەرلەرى 500 مىڭ-نان استام ادام قاتىسقان زەرتتەۋ قورىتىندىسىن جاريا ەتتى. ناتيجەسىندە قۇس جانە بالىق ەتىن تۇتىنۋ باۋىر سيرروزىنا بايلانىستى تۋىندايتىن باۋىر قاتەرلى ىسىگىنە شالدىعۋدى تومەندەتەتىنى بەلگىلى بولدى.

«بۇرىندارى قىزىل ەت ونىمدەرى بىرنەشە راك تۇرلەرىنە داۋا دەپ كەلگەن بولاتىنبىز. الايدا ەت قۇرامىنداعى ماي، تەمىر جانە وزگە دە قوسالقى قۇرامدارى باۋىردىڭ سوزىلمالى اۋرۋىنىڭ اسقىنۋىنا اكەلىپ سوعادى. ٴبىزدىڭ زەرتتەۋىمىز باۋىر قاتەرلى ىسىگى پروفيلاكتيكاسىنا وڭ اسەر ەتەتىنىن كورسەتىپ وتىر» دەيدى زەرتتەۋشىلەر.
باۋىر قاتەرلى ىسىگى الەم بويىنشا تارالعان ٴقاۋىپتى دەرت. جىلسايىن 1 ملن-نان استام اۋىرىپ، ونىڭ 750 مىڭعا جۋىق وسى اۋرۋ كەسىرىنەن قايتىس بولادى.
الەم بويىنشا ولىم-جىتىمگە سوقتىراتىن ونكولوگيالىق اۋرۋلاردىڭ ىشىندە باۋىر راگى – ٴۇشىنشى ورىندا تۇر. باۋىردىڭ قاتەرلى ىسىگى دەگەنىمىز – باۋىر جاسۋشالارىندا، گەپوتاسيتتەردە قاتەرلى جاسۋشالاردىڭ قالىپتاسا باستاعاندا پايدا بولاتىن اۋرۋ. سوزىلمالى ۆ نەمەسە س ۆيرۋستى گەپاتيتتەرى، اراق-شاراپتى شامادان تىس قولدانۋ، «افلاكتوكسين» دەپ اتالاتىن ٴدان مەن جاڭعاق سياقتى تاعامداردا ٴوسۋى مۇمكىن زەڭدەردىڭ ۋى ارقىلى ۋشىعاتىن باۋىر وبىرىنا ايەلدەرگە قاراعاندا، ەركەكتەر كوبىرەك شالدىعادى ەكەن.
بىلتىردان باستاپ قازاقستان اۋماعىندا باۋىر وبىرىنىڭ سكرينينگى وتكىزىلىپ، ازاماتتار تىركەلگەن ەمحانالاردا تەگىن قارالا الادى. كەزەڭ بويىنشا جۇزەگە اسىرىلاتىن شاراعا ەڭ الدىمەن سوزىلمالى س گەپاتيتى بار ازاماتتار تارتىلادى. باۋىر وبىرىن ەرتە كەزەڭدە انىقتاۋعا ارنالعان الفا-فەتوپروتەينگە قان تاپسىرۋ مەن ۋلترادىبىستىق زەرتتەلۋ جىلىنا ٴۇش رەت وتكىزىلەدى. كەرەك بولعان جاعدايدا، دارىگەرلەر باۋىر بيوپسياسى مەن كومپيۋتەرلىك تاموگرافيادان وتۋگە كەڭەس بەرەدى.

ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي