BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردا وبلىسىنىڭ پەريناتالدىق ورتالىعىنا جاڭا مەديسينالىق جابدىقتار تابىستالدى (فوتو)

استانا. 5 اقپان. baq.kz - بۇگىن قىزىلوردا قالاسىنىڭ وبلىستىق پەريناتالدىق ورتالىعىنا شالا تۋىلعان سابيلەردى كۇتۋگە ارنالعان مەديسينالىق جابدىق تاپسىرىلدى.

قۇنى 30 ملن. تەڭگە (30 ملن. 076 مىڭ 800 تەڭگە) تۇراتىن جابدىق 2014 جىلدىڭ 23 تامىزىندا وتكەن ەكiنشi «rixos borovoe-2014» قايىرىمدىلىق ۆەلوشەرۋi كەزiندە جينالعان قارجىعا ساتىپ الىندى. 

وليمپيادا چەمپيونى الەكساندر ۆينوكۋروۆ باستاعان «rixos borovoe» ۆەلوشەرۋىنە قازاقستاندىق جانە شەتەلدىك ٴىرى كومپانيالاردىڭ 300-گە جۋىق توپ-مەنەدجەرى، مەملەكەتتىك مەكەمەلەردىڭ وكىلدەرى قاتىستى. ۆەلوشەرۋ قاتىسۋشىلارىنىڭ سالعان جەكە جارناسىنىڭ، سونداي-اق، «ۆەرنىي كاپيتال»، «قازسينك»، «beeline kazakhstan»، «altyntau resources»، «astana property management»، «bi group»، «vinci»، «turner»، «deloitte»، ەۋرازيا توبى كومپانيالارىنىڭ، «kassa nova»، «forte bank»، «تەمىر بانكى»، «اليانس بانكى» بانكتەرىنىڭ جانە قازاقستان تەننيس فەدەراسياسىنىڭ كورپوراتيۆتىك جارناسىنىڭ ارقاسىندا شالا تۋىلعان سابيلەرگە كۇتىم جاساۋعا ارنالعان زاماناۋي مەديسينالىق جابدىقتى ساتىپ الۋعا قاجەتتى قارجىنى جيناۋعا مۇمكىندىك تۋدى. ۆەلوشەرۋ شەڭبەرىندە وليمپيادا چەمپيونى الەكساندر ۆينوكۋروۆتان، «تۋر دە فرانس 2014» جەڭىمپازى ۆينچەنسو نيباليدەن، سونداي-اق، «astana» ۆەلوتوبىنىڭ باسقا دا بەلگىلى قاتىسۋشىلارى مەن اتاقتى قازاقستاندىق تەننيسشىلەردەن ۇسىنىلعان لوتتار قويىلعان قايىرىمدىلىق اۋكسيونى ٴوتتى. اۋكسيون قورىتىندىسى بويىنشا 79 415 000 تەڭگەنى قۇراعان رەكوردتىق سوما جينالدى. «اسىل ميراس» قورى جوعارى ساپالى مەديسينالىق كومەكتى كورسەتۋگە ارنالعان جانە شالا تۋىلعان سابيلەردى كۇتۋگە ارنالعان قاجەتتى جابدىقتىڭ تولىق جيىنتىعىن ساتىپ الۋ ٴۇشىن جينالعان قارجىنى اقمولا وبلىسى پەريناتالدىق ورتالىعى مەن قىزىلوردا پەريناتالدىق ورتالىعى اراسىندا ٴبولۋ تۋرالى شەشىم قابىلدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي