BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق كومپانيا ەۋروپالىق ساپا جۇلدەسىنە يە بولدى

استانا. 22 قاڭتار. baq.kz – «ساپا يننوۆاسيالارى 2014» بايقاۋىندا قازاقستاندىق كومپانيا جەڭىمپاز اتاندى.

بۋداپەشت قالاسىندا ماجارستان پرەزيدەنتى قولداۋىمەن ەۋروپالىق ساپا ۇيىمى the european organisation for quality ۇيىمداستىرعان «ساپا يننوۆاسيالارى، 2014» بايقاۋىنىڭ جەڭىمپازدارىن ماراپاتتاۋ سالتاناتتى ٴراسىمى ٴوتتى.

«الەۋەتتى يننوۆاسيالار» نوميناسياسىندا «ۇلتتىق عىلىمي مەديسينالىق ورتالىعى» اق قازاقستاندىق كومپانياسى جوعارى قارقىندى ۋلترادىبىسپەن ەمدەۋ تەحنولوگياسىن (highintensity focused ultrasound) ەنگىزگەنى ٴۇشىن جەڭىمپاز اتاندى.

بۇگىنگى تاڭدا بۇل قاتەرلى ىسىك وشاعىن جويۋدا ينۆازيۆتىك ەمەس ٴتاسىلىنىڭ جالعىز ٴتۇرى بولىپ تابىلادى، ياعني ەمدەۋ شارالارى بارىسىندا تەرى بەتىنىڭ تۇتاستىعى بۇلىنبەيدى.

ەۋروپالىق ساپا جۇلدەسى بيزنەس ۇدەرىستەردى باسقارۋ جۇيەسىن جانە جۇمىس ساپاسىن جاقسارتۋ ٴۇشىن بەرىلەتىن ەۋروپالىق بەدەلدى سىي بولىپ سانالادى.

جۇلدەنى ورتالىقتىڭ باس ديرەكتورى، مەديسينالىق عىلىمدار دوكتورى، پروفەسسور اباي باگەنجين قابىل الدى. ماراپاتتاۋ سالتاناتىنا قازاقستان رەسپۋبليكاسىنىڭ ماجارستانداعى توتەنشە جانە وكىلەتتى ەلشىسى نۇرباح رۇستەموۆ قاتىستى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي