BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا العاش جۇرەگىن اۋىستىرعان ادام كىم؟

فوتو: popmech.ru

استانا، baq.kz ٴتىلشىسى. كۇن سايىن ورتاشا ەسەپپەن 400 قازاقستاندىق دارىگەرلەر كومەگىنە جۇگىنىپ، سىرقاتتانىپ قالعان 8 مىڭ ادام اۋرۋحاناعا جاتقىزىلادى. بۇل تۋرالى استانادا وتكەن «دەنساۋلىق ساقتاۋداعى يننوۆاسيالار» حالىقارالىق عىلىمي - پراكتيكالىق فورۋمىندا ايتىلدى.

قر دەنساۋلىق ساقتاۋ ٴمينيسترى ەلجان ٴبىرتانوۆتىڭ ايتۋىنشا، ەلىمىزدە كۇن سايىن مىڭنان استام ايەل انا اتانادى. حيرۋرگتار ٴبىر تاۋلىكتە 2 مىڭ ناۋقاسقا وتا جاساسا، جەدەل جاردەم قىزمەتى كۇنىنە 20 مىڭ ادامنىڭ ۇيىنە شاقىرتۋ بويىنشا بارادى.

«بۇل سانداردىڭ ارتىندا مەديسينا قىزمەتكەرلەرىنىڭ وراسان زور ەڭبەگى مەن اجالدان اراشالانعان مىڭداعان ٴومىر تۇر. قازاقستاندا بالالار ونكولوگياسى قىزمەتى دە قارقىندى دامىپ كەلەدى. 2012 جىلدان بەرى 98 سۇيەك كەمىگىن ترانسپلانتاسيالادىق. جاقىن ارادا سۇيەك كەمىگىن ترانسپلانتاسيالاۋ ٴۇشىن بالالاردى شەتەلگە جىبەرمەي قويۋعا بولاتىن جاعدايعا جەتەمىز»، - دەيدى ول.

وتاندىق مەديسينانىڭ قارقىندى دامۋىنىڭ تاعى ٴبىر كورىنىسى رەتىندە ۇلتتىق عىلىمي كارديوحيرۋرگيالىق ورتالىقتى ايتۋعا بولادى. بۇل جەردە جۇرەك اۋىستىرۋ وتاسى جاسالادى.

«وسىدان بەس جىل بۇرىن قازاقستاندا العاش رەت جۇرەك ترانسپلانتاسياسى جاسالدى. ادامنىڭ دەنە مۇشەسىن اۋىستىرۋ – سالاماتتى ٴومىر سالتىنا ورالۋعا زور مۇمكىندىك. قازاقستاندا جۇرەگىن اۋىستىرعان ٴبىرىنشى ادام – جانىبەك وسپانوۆ. ول وتا جاسالعاننان كەيىن اكە بولعانىن ايتا كەتۋ كەرەك. 29 ماۋسىمدا جانىبەك باستاعان قازاقستاندىق كوماندا دەنە مۇشەلەرى ترانسپلانتاسيالانعاندار اراسىندا وتكەن بۇكىلالەمدىك سپورتتىق جارىسقا قاتىسىپ، التىن مەدال يەلەنىپ كەلدى. بۇل قازاقستان ٴۇشىن دە، ەلىمىزدەگى مەديسينا سالاسى ٴۇشىن دە ۇلكەن جەتىستىك»، - دەيدى ەلجان ٴبىرتانوۆ.

22-23 قاراشا كۇندەرى استانا قالاسىندا جىلدىڭ ەڭ باستى مەديسينالىق شاراسى وتكەنىن جازعان بولاتىنبىز. وتاندىق جانە شەتەلدىك بىلىكتى دارىگەرلەردىڭ قاتىسۋىمەن ٴوتىپ جاتقان فورۋمدا بولاشاق روبوتتى حيرۋرگيادا ەكەنى، سونداي-اق سوڭعى ٴۇش جىلدا قازاقستاندا ەكو ارقىلى 14 000 ٴسابي ومىرگە كەلگەنى ايتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي