قازاقستاندا سەمىزدىكتەن ايەلدەر قاۋىمى زارداپ شەگۋدە - ۇلت ساۋلىعى|18 قازان 2014، 11:48
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا سەمىزدىكتەن ايەلدەر قاۋىمى زارداپ شەگۋدە

استانا. 18 قازان. baq.kz - قازاقستاندا سەمىزدىكتەن ايەلدەر قاۋىمى زارداپ شەگۋدە. ولاردىڭ باسىم بولىگىن ەگدە جاستاعى نازىك جاندىلار قۇرايدى. بۇل تۋرالى almaty.tv تىلشىسىنە ۇلتتىق سالاۋاتتى تاعامتانۋ ورتالىعىنىڭ مامانى مايگۇل قايناربايەۆا مالىمدەدى. 

«ساۋاتسىز تاماقتانۋعا بايلانىستى سەمىزدىك اۋرۋى وكىنىشكە وراي ٴقازىر قازاقستاندا كەڭ ەتەك الىپ وتىر. اتاپ ايتاتىن بولساق، تاعامتانۋ اكادەمياسىنىڭ زەرتتەۋى بويىنشا، ەرەسەك ادامدار اراسىندا ٴقازىر 50 پايىزدان استامى ارتىق سالماق پەن سەمىزدىككە شالدىققان. ول وتە جوعارى كورسەتكىش. نەگىزىنەن سەمىزدىك اۋرۋىنا كوبىنەسە ايەلدەر بەيىم كەلەدى. ويتكەنى، ايەلدەردىڭ اعزاسىندا ٴار ٴتۇرلى گورموندىق وزگەرىستەر بولادى. ودان باسقا ايەلدەردىڭ جانى نازىك بولۋىنا بايلانىستى ٴارتۇرلى جۇيكە جۇيەسىندە دە وزگەرىستەر ورىن الادى. سوعان بايلانىستى ەرلەرگە قاراعاندا ايەلدەردىڭ اراسىندا سەمىزدىك كوبىرەك تاراعان»، - دەدى قازاق ۇلتتىق مەديسينا ۋنيۆەرسيتەتى نۋتريسيولوگيا كافەدراسىنىڭ مەڭگەرۋشىسى مايگۇل قايناربايەۆا.

قايناربايەۆانىڭ ايتۋىنشا، ايەلدەر بالا ٴوربىتۋ جاس ارالىعىندا، ياعني، 18 جاستان باستاپ شامامەن 39 جاسقا دەيىنگى ارالىقتا سەمىزدىك اۋرۋىنا بەيىم كەلەدى. ەرەسەك ادامداردى بىلاي قويعاندا، بۇلدىرشىندەر مەن جاسوسپىرىمدەردى دە سەمىزدىك دەرتى جايلاپ بارادى. مىسالى، 2010 جىلى ەلىمىزدە 5 جاسقا دەيىنگى بۇلدىرشىندەردىڭ 11،4 پايىزى ارتىق سالماققا دۋشار بولعان.

«ازعا تولىق قالىپتاسپاعان، ٴالى دە دامىپ كەلە جاتقان ورگانيزم ٴۇشىن مۇنداي اۋرۋلار اۋىر سالدارعا الىپ كەلۋى مۇمكىن. نەگىزىندە جاسوسپىرىمدەر اتالمىش دەرتكە شالدىعۋدا. اعزادا زياندى زاتتاردىڭ كوبەيۋىنە بايلانىستى ولار ىدىراماي، كەرىسىنشە تەرى استىنداعى ماي قاباتىنا جينالا بەرەدى»، - دەدى قايناربايەۆا.

قازىرگى تاڭدا ينفاركت، ينسۋلت، قان قىسىمىنىڭ جوعارلاۋى سىندى اۋرۋلار سەمىزدىكتىڭ سالدارىنان بەلەڭ الۋدا.

مەرۋەرت ساعىمحان 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي