قازاقستاندا مىڭ ٴسابيدىڭ ىشىندەگى سەگىزى اۋرۋ بولىپ تۋىلادى - ۇلت ساۋلىعى|21 قازان 2014، 09:55
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا مىڭ ٴسابيدىڭ ىشىندەگى سەگىزى اۋرۋ بولىپ تۋىلادى

استانا. 21 قازان. baq.kz - قازاقستاندا دۇنيە ەسىگىن جاڭا اشقان مىڭ ٴسابيدىڭ ىشىندەگى سەگىزى سىرقات بولىپ تۋىلادى. نارەستەلەردە ٴجيى كەزدەسەتىن دەرتتەردىڭ ىشىندە ٴبىرىنشى ورىندا جۇرەك اقاۋى – 42،4%، ەكىنشى ورىندا – ىشەك-قارىن دەرتى (18،2%)، ٴۇشىنشى ورىندا - جۇيكە جۇيەسى جانە باس اۋرۋى (8،2%). سابيلەردىڭ تورتتەن ٴبىر بولىگى بويىنداعى اقاۋلىقتاردان كوز جۇمادى. بۇل تۋرالى الماتى قالاسى دەنساۋلىق ساقتاۋ باسقارماسى انا مەن بالا دەنساۋلىعىن قورعاۋ ٴبولىمىنىڭ جەتەكشىسى باعداگۇل ٴابدىراسيلوۆا مالىمدەدى. 

«ايتا كەتسەك، بويىندا اقاۋى بار ٴسابي كەز كەلگەن وتباسىندا دۇنيەگە كەلۋى مۇمكىن»، - دەدى قالانىڭ باس اكۋرەش-گينەكولوگ دارىگەرى.
ونىڭ بەرگەن اقپاراتى بويىنشا، بيىل 9 ايدىڭ ىشىندە الماتىدا نارەستەلەردىڭ ٴولىمى 1000 بالاعا شاققاندا 7،9%-عا، رەسپۋبليكا بويىنشا 9،9%-عا قىسقارعان.

2011 جىل مەن 2015 جىل ارالىعىندا جۇمىس جاسايتىن «سالاماتتى قازاقستان» باعدارلاماسىندا اقاۋلىقتىڭ قاۋىپتەرىن انىقتاۋ ماقساتىندا جۇكتى ايەلدەردى تەگىن تەكسەرىستەن وتكىزەدى. ماماننىڭ ايتۋىنشا، بيولوگيالىق سكرينينگ دياگنوزدى انىقتاۋعا مۇمكىندىك بەرمەيدى. ول تەك ايەلدىڭ اقاۋ ٴقاۋىپىنىڭ دەڭگەيىن عانا انىقتاي الادى.

الماتىدا شامامەن 14 جاسقا دەيىنگى بالالاردىڭ 0،5% -ى تۋىلعانىنان اقاۋلىققا شالدىعۋىنا بايلانىستى تۇرعىلىقتى مەكەن-جايى بويىنشا ديسپانسەرلىك ەسەپتە تۇر. ولاردىڭ بارلىعىنا اقاۋلىقتارىنا بايلانىستى تەگىن دارى-دارمەك بەرىلەدى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي