قازاق ونكولوگيا جانە راديولوگيا ينستيتۋتىنا موڭعول دەلەگاسياسى تاجىريبە الماسۋعا كەلدى - ۇلت ساۋلىعى|17 قازان 2014، 15:00
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ونكولوگيا جانە راديولوگيا ينستيتۋتىنا موڭعول دەلەگاسياسى تاجىريبە الماسۋعا كەلدى

 استانا. 17-قازان. baq.kz – 8-10 قازان ارالىعىندا قازاق ونكولوگيا جانە راديولوگيا عىلىمي-زەرتتەۋ ينستيتۋتىنا موڭعوليانىڭ ۇلتتىق ونكولوگيا ورتالىعىنىڭ دەلەگاسياسى كەلدى. ولاردىڭ بۇل ساپارىنىڭ باستى ماقساتى قازاقستاندىق سكرينينگتىك باعدارلامالاردى موڭعوليادا جۇزەگە اسىرۋ جولدارىن قاراستىرىپ، ٴبىزدىڭ ونكولوگتاردىڭ تاجىريبەسىن ۇيرەنۋ، جالپى سكرينينگ باعدارلامالارىن ىسكە قوسۋدىڭ تەتىكتەرىن قاراستىرۋ بولدى دەپ حابارلايدى قازاق ونكولوگيا جانە راديولوگيا عزي ٴباسپاسوز ورتالىعى.

 قازىرگى تاڭدا ەلىمىزدە 6 سكرينينگتىك باعدارلاما جۇزەگە اسىرىلۋدا. ال موڭعوليادا تەك 2 باعىتتا قانا – ٴسۇت بەزى مەن باۋىر قاتەرلى ىسىگىنە قارسى سكرينينگ جۇرگىزىلەدى ەكەن. اتاپ ايتارلىعى، ەكى مەملەكەت اراسىندا ايىرماشىلىق تا كوپ. ماسەلەن، بىزدە 17 ميلليون تۇرعىن بولسا، ولاردا 2 ميلليون حالىق بار. حالىقتىڭ ورنالاسۋ تىعىزدىعى وتە تومەن. تۇرعىنداردىڭ جارتىسىنا جۋىعى كوشپەلى ٴومىر سالتىن ۇستانادى. سول سەبەپتى ولار قازاقستاندىق ماماندار جۇمىسىن ٴوز كوزدەرىمەن كورىپ، ونكولوگيا قىزمەتىنىڭ مودەلىمەن تانىسىپ، ونى موڭعوليادا جۇزەگە اسىرۋ مۇمكىندىكتەرىن قاراستىردى.
3 اپتا بۇرىن قازاقستاندىق 2 حيرۋرگ موڭعولياعا بارىپ، باۋىر قاتەرلى ىسىگىنە جاسالاتىن وپەراسياعا قاتىسىپ، ٴبىلىم جەتىلدىرىپ قايتقان بولاتىن. موڭعوليا ٴدال وسى باۋىر قاتەرلى ىسىگىن ەمدەۋدە وزىق تۇر. سەبەبى، ول ەلدە باۋىر قاتەرلى ىسىگى العاشقى ورىندا. حالىقتىڭ 30%-دان استامى وسى دەرتتەن زارداپ شەگەدى.
ٴۇش كۇنگە سوزىلعان ٴىسساپار بارىسىندا موڭعول دەلەگاسياسى تەك ينستيتۋت جۇمىسىمەن عانا تانىسىپ قويعان جوق، سونىمەن قاتار، الماتىداعى قالالىق ەمحانالاردى دا ارالاپ شىقتى. بۇدان سوڭ «ارىپتەستىكتىڭ دامۋى: موڭعوليادا سكرينينگتىك باعدارلامالاردى جۇزەگە اسىرۋ جولدارى» دەگەن تاقىرىپتا دوڭگەلەك ۇستەل وتكىزىلدى. ماماندار پىكىر الماسىپ، بولاشاق جوسپارلاردى تالقىلادى.
قۋانىش نۇرعازيەۆ، قازاق ونكولوگيا جانە راديولوگيا عزي ديرەكتورى:
بۇل – دوستىق ارىپتەستىك، تاجىريبەمىزبەن بولىسكەنىمىز ٴۇشىن ەشقانداي اقشا سۇرامايمىز. وزگەلەر بىزگە ۇيرەنۋگە كەلىپ جاتىر، دەمەك ٴبىزدىڭ ونكولوگيا قىزمەتى دامۋ ۇستىندە.
داۋلەت بايپەيسوۆ، قازاق ونكولوگيا جانە راديولوگيا عزي الەۋمەتتىك دامۋ بويىنشا ديرەكتور ورىنباسارى:
موڭعول دەلەگاسياسى قازاقستان ونكوقىزمەتىندەگى سكرينينگتىك باعدارلامالاردى جۇزەگە اسىرۋ ٴۇشىن ٴبىزدىڭ تاجىريبەمىزدى ۇيرەنۋگە كەلگەن العاشقى ماماندار. بۇل وتاندىق ونكولوگيا سالاسىنىڭ جەتىستىگى دەپ قاراستىرۋ كەرەك. جالپى تمد ەلدەرى بويىنشا سالىستىرساق، ونكوقىزمەتتىڭ دامۋى بويىنشا ەلىمىز العاشقى ۇشتىككە ەنىپ تۇر


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي