BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كانادالىق ينۆەستورلار قازاقستاندا اۋرۋحانالار مەن ەمحانالار سالۋعا دايىن

استانا. 6 اقپان. baq.kz – «interhealth canada» كومپانياسى ەلىمىزدىڭ وڭتۇستىگىندە ەمحانالار مەن اۋرۋحانالار سالۋعا دايىن. بۇل تۋرالى رەسپۋبليكالىق دەنساۋلىق ساقتاۋدى دامىتۋ ورتالىعىنىڭ (ردسدو) وكىلدەرىمەن كەزدەسۋدە كانادالىق كومپانيانىڭ باسقارما مۇشەسى ەماد ال-سۋكەر مالىمدەدى. 

كانادالىقتاردىڭ پايىمداۋىنشا، وڭتۇستىك قازاقستاندا مەديسينالىق قىزمەتتەرگە سۇرانىس جوعارى بولىپ وتىر جانە ول الداعى ۋاقىتتا ارتا تۇسەدى. ەمدەۋ مەكەمەسىنىڭ قۇرىلىسىن مەملەكەتتىك-جەكەمەنشىك سەرىكتەستىك شەڭبەرىندە سالۋ جوسپارلانعان. قۇرىلىستىڭ باستالۋ مەرزىمى مەن ينۆەستيسيا كولەمى ازىرگە جاريالانعان جوق. تاراپتار سونداي-اق، كەيبىر اۋرۋحانالاردى سەنىمدى باسقارۋعا بەرۋ مۇمكىندىگىن قاراستىردى.

«نىساندى سەنىمدى باسقارۋعا بەرەردەن بۇرىن جەرگىلىكتى اتقارۋشى ورگاندار وكىلدەرىمەن بىرلەسىپ، اۋرۋحانالار مەن ەمحانالاردىڭ قانداي جاعدايدا ەكەنىن زەرتتەيمىز. شامامەن ٴبىر جىل ىشىندە نىسانداردى ينۆەستورلارعا بەرۋ ماسەلەسى شەشىلۋى ٴتيىس»، - دەدى ردسدو ينۆەستيسيالىق جوبالار ورتالىعىنىڭ جەتەكشىسى ولجاس ساكەنوۆ.

اۋرۋحانالاردى باسقارۋدى جەكەمەنشىك ينۆەستورلارعا بەرگەن جاعدايدا تەگىن قىزمەتتەر كورسەتۋ كولەمى تولىق ساقتالادى. كانادالىقتار مەديسينالىق ۇيىمداردىڭ جۇمىس ناتيجەسىن جاقسارتقان جاعدايدا عانا قازاقستاندىق كلينيكالاردى باسقارا الادى. شەتەلدىك مەنەدجەرلەر بىلىمدەرى مەن تاجىريبەلەرىمەن ٴبولىسىپ، مەديسينالىق قىزمەتتەردىڭ ساپاسىن ارتتىرۋدى جوسپارلاپ وتىر.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي