استانا، baq.kz. الماتى اكىمى دۇنيەجۇزىلىك دەنساۋلىق ساقتاۋ ۇيىمى ەۋروپالىق بيۋروسىنىڭ ديرەكتورىمەن كەزدەستى. بۇل تۋرالى قالا اكىمىنىڭ ٴباسپاسوز قىزمەتى حابارلادى.
2874
0 
استانا: 
1775 
0
استانا، baq.kz. الماتى اكىمى دۇنيەجۇزىلىك دەنساۋلىق ساقتاۋ ۇيىمى ەۋروپالىق بيۋروسىنىڭ ديرەكتورىمەن كەزدەستى. بۇل تۋرالى قالا اكىمىنىڭ ٴباسپاسوز قىزمەتى حابارلادى.
الماتى اكىمى باۋىرجان بايبەك جانە دۇنيەجۇزىلىك دەنساۋلىق ساقتاۋ ۇيىمى ەۋروپالىق بيۋروسىنىڭ ديرەكتورى جۋجاننا ياكاب مەگاپوليستە ٴوتىپ جاتقان «سالاۋاتتى قالالار» ەۋروپالىق جەلىسى مەرلەرىنىڭ ٴسامميتى اياسىندا ٴوزارا ىنتىماقتاستىقتىڭ پەرسپەكتيۆالارىن تالقىلادى.
اڭگىمە بارىسىندا جۋجاننا ياكاب ددۇ-نىڭ الماتىمەن، جالپى قازاقستانمەن ىنتىماقتاستىعى دەڭگەيىن جوعارى باعالادى، سالاۋاتتى ٴومىردى قالىپتاستىرۋ مەن دەنساۋلىق ساقتاۋ سالاسىن مودەرنيزاسيالاۋدىڭ وڭ ناتيجەلەرىن اتاپ ٴوتتى.
«جايلى قالا كەڭىستىگىن ارتتىرۋ، قوعامدىق كولىكتى دامىتۋ، ۆەلوسيپەدشىلەر جانە سپورتشىلار ٴۇشىن قولايلى ينفراقۇرىلىمدى قالىپتاستىرۋ قالا تۇرعىندارىنىڭ دەنساۋلىعىن جاقسارتادى. جۇرگىزىلگەن زەرتتەۋلەر كورسەتكەندەي، قالانى دۇرىس جوسپارلاۋ ونكولوگيالىق جانە جۇرەك-قان تامىرلارى اۋرۋلارى سالدارىنان بولاتىن ٴولىم دەڭگەيىن ورتا ەسەپپەن 25%-عا قىسقارتادى ەكەن. الماتىنىڭ تاجىريبەسى تەك قازاقستانعا عانا ەمەس، ەۋروپا ٴوڭىرىنىڭ ٴبىرقاتار قالالارىنا دا پايدالى»، - دەدى ددۇ-ى ەۋروپالىق بيۋروسىنىڭ ديرەكتورى
ول وسىدان 40 جىل بۇرىن قابىلدانعان الماتى دەكلاراسياسىنىڭ باستاپقى مەديسينالىق-سانيتارلىق كومەك كورسەتۋدە ٴقازىردىڭ وزىندە اكۋتالدى ەكەنىن ٴارى حالىقارالىق دەڭگەيدە ماڭىزدى ٴرول اتقاراتىنىن ايتتى. ددۇ قالامەن ىنتىماقتاستىقتى كەڭىنەن دامىتۋدى جوسپارلاۋدا جانە قالا تۇرعىندارىنىڭ سالاۋاتتىلىعىن جاقسارتۋداعى جۇمىستى ودان ٴارى جالعاستىراتىن بولادى.
«مەملەكەت باسشىسىنىڭ جولداۋىندا ەلىمىزدىڭ ودان ٴارى دامۋىنا ىقپال ەتەتىن قالالاردى تۇراقتى ورىستەتۋگە ەرەكشە ٴمان بەرىلگەن. جايلى جانە ەكولوگيالىق قالا كەڭىستىگىن، وسەر ەلدەرىندەگىدەي ساپالى ٴبىلىم مەن دەنساۋلىق ساقتاۋ قىزمەتىن قالىپتاستىرۋ ٴبىزدىڭ باستى باعىتتارىمىزدىڭ ٴبىرى بولىپ تابىلادى. وسى ورايدا ساپالى، جوعارى دامىعان مەديسينالىق قىزمەت كورسەتۋدەگى وزگە قالالاردىڭ وزىق تاجىريبەلەرى بىزگە وتە قىزىق»، - دەپ اتاپ ٴوتتى باۋىرجان بايبەك.
سامميت بارىسىندا الماتى اكىمى ٴبىرقاتار ەكىجاقتى كەزدەسۋ وتكىزدى، ونىڭ ىشىندە رف ۆولوگود وبلىسىنىڭ گۋبەرناتورى ولەگ كۋۆشيننيكوۆپەن، فرانسۋزدىڭ رەنن، نيدەرلاندتىق ۋترەحت قالالارىنىڭ باسشىلارىمەن جۇزدەستى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
