BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قايىرىمدىلىق ۆەلوشەرۋىنەن تۇسكەن قارجىعا ينكۋباتورلار ساتىپ الىندى

"rixos borovoe» قوناق ٴۇيى جانە بولات وتەمۇراتوۆتىڭ «اسىل ميراس» جەكە قايىرىمدىلىق قورى قىزىلوردا وبلىسىنىڭ ورتالىق اۋداندىق اۋرۋحانالارىنا ومىرلىك ماڭىزى زور مەديسينالىق جابدىقتى تابىستادى، دەپ حابارلايدى baq.kz ٴتىلشىسى.

وبلىستىق پەريناتالدىق ورتالىقتا وتكىزىلگەن ٴباسپاسوز ٴماجىلىسى كەزىندە قۇنى 48 300 000 تەڭگەگە تەڭ ەكى atom transcapsule v-808 كولىك ينكۋباتورى تابىستالدى. ينكۋباتورلار نارەستەلەردى، اسىرەسە شالا تۋىلعان سابيلەردى، وبلىستىق پەريناتالدىق ورتالىققا تاسىمالداۋ كەزىندە ولاردى قورشاعان ورتانىڭ اسەرىنەن قورعاپ، بالانىڭ ٴومىرىن امان ساقتاپ، ونىڭ ارى قاراي وسىپ-جەتىلۋى ٴۇشىن قاجەتتى شاعىن ورتانى جاساپ بەرەدى.

وسىعان وراي قىزىلوردا وبلىسى دەنساۋلىق ساقتاۋ باسقارماسىنىڭ باسشىسى اقمارال ٴالنازاروۆا وبلىستاعى بالا تۋۋ جاعدايىنا توقتالدى.

«وڭىردەگى بالا تۋۋ كورسەتكىشى رەسپۋبليكاداعى ورتاشا كورسەتكىشتەن قاشاندا جوعارى بولعان (وڭىردە 26،06 بولسا، رەسپۋبليكا ويىنشا - 22،72). دەگەنمەن، نارەستەلەر اراسىنداعى ٴولىم-جىتىم دەڭگەيى ايتارلىقتاي جوعارى بولىپ قالا بەرۋدە. 2015 جىل ىشىندە 198 نارەستە شەتىنەپ كەتتى، ولاردىڭ 74%-ى - شالا تۋىلعان سابيلەر. 2016 جىلدىڭ 7 ايى ىشىندە 79 بالاعا نەوناتولوگتاردىڭ شۇعىل كومەگى قاجەت بولدى. ولاردىڭ ىشىندەگى 62 نارەستە وبلىستىق پەريناتالدىق ورتالىققا تاسىمالدانسا، ٴ17-سىن اۋداندىق اۋرۋحانالاردا قالدىرۋعا ٴماجبۇر بولدىق، قالعان 10 نارەستە شەتىنەپ كەتتى. ينكۋباتورلاردى ساتىپ الۋ شەتىنەۋى مۇمكىن نارەستەلەر سانىن بارىنشا ازايتۋعا مۇمكىندىك بەرمەك» - دەدى وبلىستىڭ باس دارىگەرى.

كولىك ينكۋباتورلارى «charity tour de burabay 2016» قايىرىمدىلىق ۆەلوشەرۋىن وتكىزۋ كەزىندە جينالعان قارجىعا ساتىپ الىندى. اتالعان ٴىس-شارا اياسىندا بارلىعى 100 ملن. تەڭگە جينالدى. قارجىنىڭ قالعان بولىگى اقمولا وبلىستىق بالالار اۋرۋحاناسىن قاجەتتى مەديسينالىق جابدىقپەن قامتاماسىز ەتۋگە باعىتتالدى.

«بولات وتەمۇراتوۆتىڭ قايىرىمدىلىق قورى ٴۇشىنشى جىل قاتارىنان «charity tour de burabay» ۆەلوشەرۋىنىڭ الەۋمەتتىك سەرىكتەسى بولىپ تابىلادى. وسى باستامامىزدىڭ قولداۋشىلار قاتارى جىل سايىن ۇلعايىپ كەلە جاتقاندىعى ٴبىزدى قۋانتادى. بالالار - قازاقستاننىڭ بولاشاعى، سوندىقتان ٴبىزدىڭ بۇكىل قىزمەتىمىز بالالاردى دامىتىپ، ولارعا كومەك كورسەتۋگە باعىتتالعان» - دەدى «اسىل ميراس» قورىنىڭ ديرەكتورى مارات ايتماعامبەتوۆ.

2013 جىلدان بەرى وتكىزىلىپ كەلە جاتقان قايىرىمدىلىق ۆەلوشەرۋ ارقاسىندا قازاقستاننىڭ مەديسينالىق-الەۋمەتتى مەكەمەلەرى 303 ملن. تەڭگە سوماسىنا مەديسينالىق، وڭالتۋشى جانە تەحنيكالىق قاجەتتى جابدىقپەن، ويىن الاڭدارىمەن جانە كولىكپەن جابدىقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي